نتي ليا و نديك بسيف

البارت 22

♡بارت:22♡..

💔 انا وياك و الزمان طويل 💔

فوتو حصصهم كيما العادة.. كان عندهم فرض فالاجتماعيات و تا وحدة فيهم ما حافصة .. ناقلو غير من عند القسم و رجعو الورقة للاستاذ و خرجو هما لوليين.. تمشااو فطريق اي طوموبيل دازت من حداهم يحلو فيهاا فمهم .. و يبداو يتغامزو بيناتهم..
يسرى: بغييت غير نعرف علاش هادوك مكيشوفوش فيناا واش حنا خايبات ولا شنو؟
سمر: ههههههههه يشوفو فيناااا يشوفو فعبدقادر و خووه تي تلقاايهم عندهم زيين و لاطااي و تلقايها تاهي لابااس عليها.. كيتك حناا تا 10دراهم لي نحيدو بيها المسطاش معدناش..
يسرى: لاهييلا تفوو قبح الله الفقر.. 
سمر: لصقي ف امين الزين و الطولة و زيد على هادشي بزنااز لفلووس اختشي
يسرى: وي هو زويين و حنيين معاياا و عارفة الى عطيتو فرصة غيعاملني بحال شي اميرة.. ولكن انا عارفة راسي قحبة مغنشدش معاه طريق على دكشي مابغيتش نضحك عليه .. عزيز علياا..
سمر: هاي هاااي على كاريناا كاابوور اثرو فيك المسلسلات وليتي تعبري و تاثري 
يسرى: سيري تقودي 
سمر: تشهييت شناايفوو..
يسرى: ان شنايف تانتي..
سمر: وايوووسف يوووسف اختشي احححح..
يسرى: صافي رياان مابقاش معمر ليك العيين 
سمر: داك زااامل قالك نتلاقاااه فدار قلت لييك نهار لول هادووك باغين غيير يحويييو
يسرى: زاامل فوقاش قالهالك
سمر: لبارح دويت معاه ابيل غير جبدلي حس داار ضرت فييه سبيتووو مزياان وبلوكيت زامل بوه
يسرى: ياختي عينيهم غير على الحوا
سمر: اه يمشي يحوي ختو....
طريق كلها عطاوها غير فلهضرة تا وصلو لدرب.. مع ديك 6 وربع.. جات عينيهاا ليوسف متكي على طوموبيلتو و مبلاصيها حدا بااب لقهوة .. و شمس ضاربة فعينيه كان لاهي خاشي وجهو فتلفوون و مركز باينة شي حاجة شاغلاه..بقات كتشوف فيه و ف الوشام لي فيدو و شعرو لي مرة مرة مرجعو لور بيدو و كيفاش واقف اي حاجة تجدبك ليه .. خرج امين من لقهوة هاز فيديه زوج كيسان دلقهوة كان لابس غير شورط دلبحر مع صوفيطمة بيضة .. مانتابهوش للبنات .. ركب فطوموبيلتو كولف 7 كحلة مااط .. و كسيرا مخلي وراه غير لعجااج.. و كاع بنات درب خارجين من سراجم دارهم حاضينو ( غير لي عايشة فدرب غتفهمني 😂😂).. يسرى و سمر كملو طريقهم كل وحدة مشات لدارها.. 
#سمر
لقات باباها شاد جريدة و داير نضااضر كيقرا..نقزات عليه من لوور معنقااه هي متعلقة بزااف فباباها..
عزيز: بشوية علييك دبا طيحيي..
سمر: عاش من شافك..
عزييز:ليوم سديت القهوة قلت مع راسي نخرجو نفوجو شوية..
سمر: هممم ( دوراتهاا مزياان فراسها ماجات فبالهاا غير يسرا ).. اوا نتومااا سيروو انا غنبقا هناا
عزييز: لا ماتبقااايش بووحدك
سمر:شكوون قالك غنبقاا بوحدي. غنقول لسمر تجي تجلس معاياا ..
عزيز: وعلاش ماتمشييش معانا؟
سمر: مابغيييتش اصلا عندي بزااف دلفروض فهاد سيمانة غيخصني نحفض .
عزيز: اوا قرايتك هي لولة ..
ومآت ليه راسهاا .. ورجع هو كيقرا فلجريدة.. دخلات لبيتهاا حيدات حوايجها و لبسات بيجامة .. شعلات الكونيكسيون.. دخلو ليميساج عراام ها لي بريفي و هالي فلكروب.. مجاوبات حد دخلات للفايس .. طالعة نازلة جاها الملل.. عيطات ليسرى..
يسرى: وي شكون معاياا
سمر: لي حوااك ههههههههه
يسرى: حامضة..
سمر: مهم علمي ماماك بلي غتجي تباتي معاياا 
يسرى: شي بلان جديد هدا ولا ؟
سمر: الا لا ازبي مكاين والو..
يسرى: اوك شوية و نجي..#يتب_____ع
#توقعااااتكم؟؟