.. 😍 انني هنا.. من بعد ما فكرت مزياان قررت نكتب قصة .. ولكن بعيييدااا على كل القصص لي قريتو .. يعنيي مافيهاا تا حاجة من لخياال اي حاجة قريتووهاا حقييقية .. هاد القصة مبنية على احداث واقعية 100 % هادي شحال فكرت نكتبهاا مكتاابش .. و دب قررت نكتبهاا ح...
تبادلو النضراات.. يسرى كتشوف فيه بنضرة مبدلة على قبل زاد.كبر فعينيهاا.. و ندمات على كيفاش كانت تعااملو واخا كيقولو عليه شمكاار و قبييح ولكن طلع كلشي غلط فعلا مكدبووش لي قالو ماتحكم على بنادم تا تعااشروو.. بين ليها الجانب زويين فيه.. عفوي و عندو نيشان نيشاان .. و شي لي عجبهاا جاها من بااب المعقوول.. امين: مليتي يمكن يسرى: شوية.. امين: اوا يالاه زيدي نشوفو فين نمشييو.. مشاا خلص وهي ورااه .. خرجو من القهوة تمشااو لجهة الكورنييش شبك يدو فيدهاا غاديين بخطوات ثقاال شعرهاا كيطيرو الرييح بشوية.. و اميين واثق فراسو.. و مكيشوف فحد و هي فرحاانة من قلبهاا معااه.. وقفو حدا واحد الحجرة كبييرة جلسو عليهاا و كيشوفو فلبحر.. امين: (كسر الصمت لي بينتهم) الى جييت خطبتك تقبلي.. يسرى: منيتك هههه تا لبااك ماديتوش.. امين: شغاديريي بشي قرااية اي حاجة بغيتيهاا نجيبهالييك.. يسرى: لا انا بغييت نقراا و نكمل قراايتي و نخدم .. امين: شغاديري بشي خدمة را كنقوولك اي حاااجة فتحتي عليها فمك نجيبهاا ليييك تا لدار يسرى: لا ا امين كنقولها ليك من دب انا باغا نقراا و نخدم .. امين: صافي نسااي تا يوصل الوقت و نهضرو فهادشي.. جبدات تلفونهاا من صاكهاا.. دخلات لسنااب كتسناابي و امين حاضيها للحضة جرهاا و خدالها تلفوون و صور معاهاا جااو واعريين بحال شي كوبل مفاهميين شكون كان يقوول هادو ديماا مدابزيين.. سولهاا على شي حوايج و هي كتجااوب تا وصلات 7 .. رجعو لدرب.. وصلهاا تالبااب دار قبل ما دخل باستو فخدوو و هو بحالا ضربو ضوو .. يسرى: نتشااوفو من بعد.. امين: ( بقا غي كيرمش ماعرف باش تبلا) دخلات هي لدار مشات ديريكت لبيتها حيدات حوايجها بقات غير بدوبياس اول حاجة دارتهاا عيطاات لسمر.. سمر: وي الوووووو يسرى: نلبس بيجاامتي و هانا معاااك.. سمر: يلاه طيري.. لبسات بيجامة شورط و ديباردور ديالو .. جمعات شعرهاا و مسحات وجهها من الميكاب و خرجات من دار كتسلت تا جراتها مليكة من شعرها.. مليكة: افييين فييين غادة دبا عاد دخلتي.. يسرى: اي اميييي را شعرييي هدااا اووف غنمشي نشووف سمر.. مليكة: ( خنزرات فيهاا مزياان) مابقااش عاجبني حالكم نتوما زوجاات.. اوا را غتجيني خباركم ورااااااك عارفة مك ردااااار.. يسرى: عااارفة عااارفة مليييكة و اجرك عالله ...#يتب____ع #توقعااااتكم؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
