نتي ليا و نديك بسيف

البارت 23

♡بارت:23♡..

💔 انا وياك و الزمان طويل 💔

#يسرى 
من بعد ما قطعات مع سمر.. دارت صندالة دلميكة فرجليهاا و خرجاات من بيتهاا كتنقز.. دخلات لصالوون ...مليكة مسرحة رجليهاا ولاهية مع سامحيني ..مركزة مزياان..
يسرى: ملوكتيي..
مليكة : ( بلغوات ) سكتيييي سكتي لقطة مهمة.. 
يسرى:( بقات ساكتة مدة ).. اوااا امييي را بغيت نهضر معاك..
مليكة : ( نقصات من لفوليم وتقلبات عندها ) ماااالنا شكااين؟ جيني من لخر شنو باغا..
يسرى : ياك انا بنتك الوحيدة..
مليكة: الا ختك زينب نسيتيها..
يسرى : اوا هاديك مزوجة .. شكون لي ساكن معاك و هاز هباالك..
مليكة : اشوفي ادييك الشيطانة بلا كترة الدراما شنو بغيتي..
يسرى: غنمشي نباات مع سمر
مليكة: اوا من لول قوليها مالك كتلواي علياا بحال الحنش.. 
يسرى: اوا هانا قلتهاا
مليكة: اوا سيري خليني نكمل المسلسل..
طارت عليهاا كتعنق و تبوس فراسهاا و هي كدفع فيهاا..
يسرى: احسن مليكة فلعاااالم..
مليكة : اوا غبري من قداامي قبل ما نرجع فكلمتي..
يسرى: هاهي مشااات..
خرجات من دار بالبيجامة و الصندالة دلميكة و شعرها شاد ريزو..و التلفون فيدها دايرة ليكيت تا وصلت لعند سمر دقات فلبااب حل ليها عزييز سلم عليها و سلمات على نادية كانو كيشربو اتااي .. جلسات حدا سمر .. و غي كيشوفو فبعضياتهم كتجيهم الضحكة..
عزييز: اوا ضحكونا معاكم..
سمر: والو اباباا.. عنداكم تنساااو جيبولياا معاكم بيتزاا
نادية: راكييي قلتيها 1000 مرة مغنسااوش..
عزييز بابات سمر فعمرو 43 عام تزوج هو و نادية عن حب كانو جيران فرباط شحاال تصاحبو كلشي كان عارف بعلاقتهم .. تزوجوو كانو.. جابو اول بنيتة لي هي سمر.. و من تماا قتانعو مايزيدووش يولدو. كانو عايشين على قد الحال باها كان خدام ميكانيكي .. مات جد سمر لي هو بابات عزييز قسمو الورث و شي لي طلعلو فحقو شراا. بيها قهوة فصونطر.. و داار فكازاا .. 
سمر: و جيبولياا معاكم برينكلس
نادية : اوا صااافي بااز ليك كتاكلي كاع هادشي و مكتغلاضيش .. 
سمر: مهم ماتنسااوش..
عزييز: مغنسااوش مغنسااوش ابنتي
جراتها من يدهاا و دخلو للبييت جلسو فلفرااش .. تا نطقات سمر..
سمر: نعتارفليك بواحد الحاجة ولكن حلفي مضحكيش
يسرى: غير هضري والله مانضحك..
سمر: داك المعقد ولا كيعحبني 
يسرى: يوسف هههههه اوا را كاع كيعجبناا
سمر: زبي را داوية معاك بصح.. ياختشي زييين.زييين..
يسرى: ههههههه نسااايه عليك هداك باينة فيه لا علاقة مع الحب..
سمر: واعارفة را قلتهالك بيني و بينك و صاف
#عند_يوسف..
كان فلبرطمة ديالو واقف فلبالكون و سيكار فيدو .. تاصونا تلفونو لقا نمرة ما مسجلاش جاوب..
يوسف: شكون؟
سارة: توحشتك بزاف..
يوسف: (ببرود و كينتر من الكارو ) و منبعد..
سارة : يوسف عفااك نساا لي فاات تيقني راني ندمت..
يوسف: فين لقيتي نمرتيي .. 
شكون عطاهالك..
سارة: ماشي مهم.. بغيت نشوفك و نهضرو..
يوسف: ( ضحك باستهزاء) نزلتي للمغريب و بغيتي معامن دوزي العطلة .. ماتعاودييش تعيطي لياا..
سارة: كنقدرش.. را كنبغيييك واش ماباغيش تسمحليي تيقنييييي ندمت ندمت ندمتتتتت.. بغيت نشووفك واخا غير دقيقة..
يوسف: غنعاود نقولهالك.. راني باقي مبرد معااك و عرفتييي شنو انا هاد نمرة غنبدل زامل بوهاا كااع..
قطع عليهااا خلاها طايحة لرض كتبكي.. وهو كمل كينتر من الكارو بعصبية .. رجعاات فكراتو فجروحوو ماينكرش بلي باقي عندها مكاانة خاصة فقلبو لي دوزوه ماشي قليل .. ولكن شي لي دارت عمروو ينسااه و عمروو مايفكر يسمح ليهاا كرامتو ماطيحش لرض....#يتب_____ع
#توقعااااااتكم؟