نتي ليا و نديك بسيف

البارت 78

♡بارت:78♡..

💔 انا وياك و الزمان طويل 💔

#يسرى..
جالسة فناموسيتهاا .. و دايرة ليكيييت فودنيهاا و ضاربة دنياا بركلة.. شافت مساج منو فلواتس فييه.. خرجي داباا راني حدا لبااب .. حيدات ليكيييت من ودنيهاا .. و ناضت دغيا طلات من سرجم لقاتو لتحت مربع يدييه.. و متكي على لحيط.. يسرى حطات يديها على راسهاا بقلة حيرة و كدوي مع راسها..
يسرى: اوييلييي ميمتي اويلي هادا ناويلييي على شووهة شغاندير..
لقات تلفونهاا كيصوني مجاوباتوش.. صيفطليهاا اوديو..
امين: ادييييك البرهووشة عندك 5 دقاايق الى مخرجتييييش غنجيييي نخرجك من قلب بييييتك والله تا نديرها
..هزات تلفون فيدها و خرجاات من داار دغياا ..
مليكة: افيييين غادية بداك شعر ..
يسرى: ( كتلبس ف صندالتها و تجاوبها ) والو امييي غي عند سمر..
خرجات لقاتو حدا لبااب و قلبهاا كيضرب بجهد.و تا وجهها ولا صفر بقوة الخلعة.. خلاها واقفة 
و كتبلع فريقها..
امين: عرفتي شغاديري دبا؟..
يسرى: شنوو!. 
امين: غتبعينييي حانية راااسك نشووف مك مطلعة عينيك فشي قواااد غتاااخدي احسن شوهة فلعالم..
يسرى: ( بقات كتبحلق فعينييهاا و تشووف فعينييه كتسنااه يقوليها غا ضاحك ولكن كان داوي بصح.. )..
امين: تحركييي ..
يسرى: امييين ناس واش بغيتييي ينوضلي شي مشكييل..
امين:( شدهاااا من فكهاا مزير عليها) رانيييي صابر ليييييك بزز كلمة وحدة غتقودييييي حداياا ولا لا¿ اه لا !؟
يسرى: ( تغرغروو عينيهاا بدمووع خاافت منو بزااف ملامحو تبدلو ماشي هادا امين لي كتعرف خافت منو لا يمشي يدير فيهاا شي مصيبة.. ولكن مقدرااتش ترفض حيت باين فيه ناوي على خزيييت ماناقصاهاش شوهة فدرب.. )..
بقا غادي بمشيتو روجولية و مغووبش.. كتافو لعرااض لي فيهم لعرووقة بارزييين بقات حاضيااه و هي ورااه و دارت كيما قاليها مكتشوف فحد. خوفها ديال بصح.. كان بحال شي شمكاار نيييت هاوا دارها لها قد فمهاا.. بقاات تابعاه تا خرجو من درب.. شد طاكسي .. و هنا خافت ديال بصح.. فين غادي ييهاا و شنو باغي .. ركباات حدااه خلص طاكسي كلوو باش مايركب معاه حد.. غي هي وياها قالو فييين.. غي سمعات سمية زادت تكمشات و خافت.. حيت معرووف فديد لبلاصة تما غا البزنازة و شمااكرية.. نزلوو.. كان ت بلاصى دايرة بحال شي حي ولكن دكشي بحال الافلام .. ناس تما فشكل ساكنيين تماا غا البزناازة و غي فلكاريان .. تا دار تما ما مسكدة .. كلشي بسيااج.. بقات غادة تابعااه و قريب تبكي بلخلعة..دخلو فواحد زنقة عريضة بقاو غادييين فيها مابغااتش تقادا.. تا حبس.. حدا واحد لبااب دلخشب جبد ساروت من جيبو و حلهاا دخل و دار ليها اشارة بيديه زعما اجي.. دخلات و هي مقوسة ضهرها حيت ديك البااب صغييرة مربعة.. دخلو لديييك لبلاصة كان كلشي كحل.. فكحل مكتشووف والو غي ضلااام.. كتسمع غير صوت انفاسها... سد لبااب و تمشاا خلاها تما واقفة.. و مكتشووف والو غي ضلام.. شعل ضوو كااان خااافت بزااف.. كانو تما شي صنادق بزاف .. و فداك لبيييت متوسطوو مكتب كلو مقشر.. و زوج كرااسي.. و الحيطان كلها مرسوومة و موسخة و قرااعي دشرااب تما مستفييين و ريحة الكارو و الكيف خانقاها و شي موااس و دكشي قااطع.. بقات كتشووف فدكشي و هو واقف قبالتهاا.. صافي شداتهاا الرجفة...#يتب______ع
#توقعاااااااااتكم؟