نتي ليا و نديك بسيف

البارت 63

.♡بارت:63♡..

💔 انا وياك و الزمان طويل 💔

كانو جالسين كيهضرو و يفطروو مالابسين والو من لفووق غير شورط.. و كلهم كيكمييو.. جواد طوييل و مكلضم بزاف بحكم كيتريني و بشرتو حنطية شعروو كحل ديماا دايرلوو تحسينة فشكل.. سفياان متوسط القامة.. زعر و عينيه زرقة داير بحال شي كاوري..
يوسف: اوا كيغادة الخدمة تماا
سفيان: بحال ديماا مكااين تا جدييد
يوسف: اوا مزياان..
جواد: سعداتك غا نتاا تهنيتي من داك زبل
يوسف: انا من لول راسم فبالي ندييير لابااس و نقود بحالي..
جواد: ويااه حسنلك من صداع رااس.. اجيي شتك مكااين لا زهوو ولا نييييك ولا تا حاجة
يوسف: ( كينتر من الكارو بشوية ) اودي انا كلشي طلعليي فكرييي
جواد: هههههه الفلوس و درتيهم اوا شخااصك..
يوسف: ماخاصني والو الحمد الله..
سفياان: الجو سخووون اليووماا
يوسف: ويااه اوا را وقتوو صييف هداا
جواد: هي ليوم نضربوهاا بشي تبحييرة
يوسف: لي درتوهاا انا معاكم ..
سفياان: اوا هي دباا
#سمر
كانت فدار مع يسرى جالسين فصالون مليكة مشات تجيب تقدية..
يسرى: لباارح دواا معاياا و قالي انا ماسوقييش 
سمر: را بصح ايسرى هو مادخلووش فهادشي
يسرى: و انا لي تسرعت و جمعت الحزاق كامل
سمر: طلبي سمااااحة منو هو علاش 
يسرى: هووف جاتني فشكل نطلب سماااحة 
سمر: اوا راك غلطتي فحقوو انم
يسرى: نقولهالو فمسااااج..
سمر: مهم طلبييي سمااااحة 
يسرى: ( صيفطاتلو مساج فلواتس فييه .. امين سمحلي كنت معصبة ) 
سمر: هادي شحال و حنا شادين العطلة مادرنا فيها تا قلوة
يسرى: ويااه اوا زيدي نتبحروو ليووما نبدلو جو 
سمر: معندي شهية لوااالو والله بغيت غير نبقا فداار و نبقا عاطياهاا غير لنعااس 
يسرى: زيدي تفوجي تا زامل مايستااهل تانتيي
سمر: عارفة ولكن غي فترة و غدووز .. عمر صدمني شي حد بهاد طريقة..
يسرى: شوفي ابب غتجمعي قلاوعك يااكي و غنقودو نتبحرووو شمن فترة تهزي ..
سمر: بفف ايسرى..
يسرى: ( جراتها من دار ) سااعة و ندووز عليك نلقاااك واااجدة..
سلمات عليها فخدها بزربة و جراتهاا خرجاتها من داار.. سمر عيات تشووف و هي ترجع لدارهاا دخلات لبيتهاا جبدات كسوة بحرية شورط دجيين مع تيشورت طالعة من جهة الكرش لبساات مايو لتحت 👙 شعرهاا جمعاتو كوتشوفال مداارتش الميكاب كتافات غير ب بومادا ديال شمس.. جبدات صاك متوسط.. من نوع كوتشي دارت فييه زييت ديال البشرة باش ماتضرهاش الشمس .. مع صندالة دلميكة و نضااضر و فوطة اي حاجة غتحتاجها هزاتها معاهاا.. دارت صبادري .. و خرجات من لبيت لقات نادية فصالون شادة تلفون جلسات حداها عنقاتها و باستها..
نادية: بلا تحلوين شنو بغيتي؟
سمر: ميي غادة لبحر و راكي عارفة سيماانة دلعطلة ماخرجت كاع صحاباتي سافروو ماخلاو فين مشااو و انا غي داار..
نادية: ( حطات التلفون وتقادات فلجلسة ) هي بغيتي صريف.. (عرفاتها غادة للبحر غير من لبسها )..
ناضت دخلات لبيتها جبداات 200 درهم كانت مخباها تحت حوايجهاا فلبلاكاار عطاتها ليهاا و هي كتوصيي و تعاود..
نادية: حضييي راسك راا البحر غدااار و ماتعطلوووش.. 
سمر: يخليك ليااا يا احلىىى ام ( باستها بوسة كبيرة ف خدهاا تا كانت غتخنقهاا )..
و خبات ديك زرقلاف ف صاكهاا .. سدات بااب دار و توجهات عند يسرى....#يتب____ع