نتي ليا و نديك بسيف

البارت 16

.♡بارت:16♡..

💔 انا وياك و الزمان طويل 💔

#اصبحنا_و_اصبح_الملك_لله..
عند سمر فاقت هاد نهار بكري مع 7.. حيت نعسات بكري بلا كونيكسيون.. لبسات سروال دجين مزير مع تيشورت بيضة مكتوب عليه Fuck You .. كتحماق على لباس سبور و لبسات صبادري شعرهاا ضفراتو كلو .. دارت ماسكارا و عكر فلغوز فاتح.. هزات كتوبتهاا فصاكها و دخلات لكوزينة سخنات لحليب مع بتيبانة .. رجعات للبيت رشات ريحتها #Versace.. خرجات من دار لقات يسرى فالخرجة ديال درب.. تمشاو تا وصلو ليسي.. اول مرة يجيو مع لوقت .. دخلو للقسم و روينة ضحك و لعب و المدابزة و سمر عاوداتلها على ريان وبلي غيتلاقاو اليوم .. تا كملو كانو عندهم زوج حصص ديال العربية خرجو مع 10 يدوزو الاستراحة و محمد معاهم..غادين فساحة و كيهضرو و غير يلمحو المدير يتخباو ولا يبدلو الجهة حيت مالابسينش طابلية..
يسرى: ميدو الحيباان الكبيدة..
محمد: بلا زواق شنو بغيتي
يسرى: هانتا بغيناا نجييو عند جابر للقهوة ندخلو معاك عفاك و تريح معانا..
محمد: باغيين تشيشو
يسرى: اوا عادي ناس كلها دبا كتشيش.. حاجة عادية
محمد: شتو نتوماا غتبقاو طيرو طيرو طيييرو تا تجيبوها فكركم..
يسرى: هادشي عارفينو دبا من لخر اه لا 
محمد: اوا مرحباا انا معندي مانديرلكم..غير هو را فنهاار كيكونو تما بنات ليسي غتشوهو ف ليسي..
يسرى: علاش شكون قالك غنجيو بنهار غنجيو بلييل..
محمد: خنزر فيهم. خويوني من هاد سوق عارف مكم
يسرى: بففف مالك خوااف
محمد: را خايف عليكم نتوما اما انت علاش..
يسرى:( بحدة ) اه لا ؟
محمد: واخا بفف.. مع 9 نلقاكم حدا الخرجة ديال درب..توقع شي حاجة مكتعرفوني مكنعرفكم..
سمر: ( نقزات عليه عنقاتو ) ياااس ياااااس .. هاح اخليك ليناا اميييدوو..
دخلو للقسم كملو مع 12 و رجعو لديروهم تغاداو و رجعو تاني لليسي.. خرجو مع الربعة حيت كانت عندهم غير زوج حصص.. دخلو فواحد الزنقة .. لقاو تما رياان .. ف طموبيلة اودي بيضة .. سمر ركبات القدام و يسرى لور.. كسيرا بجهد خلا وراه غا لعجااج.. و شي دراري جيرانهم شافوهاا وصلوها لكاع ليسي و كاع لي فدرب.. مشااو كلاو فواحد ريسطو لبنات بقاو غير كيتسيلفاو عمرهم دخلو ليه كملو ماكلتهم ضورهم بطوموبيل تا ضربات 6 وصلهم بعيد شوية على درب و كملو برجليهم باش ما يشوفهم حد.. دخلو لدرب.. كل وحدة مشات لدارهاا و هما متافقين على شنو يديرو .. سمر .. دخلات لدار لبسات بيجامة شربات اتااي.. و غسلات المواعن و طلبات من نادية تخليهاا تمشي خلاتهاا حيت عارفة مليكة و عارفة يسرى.. هزات صاكها دارت فيه الميكاب لس غتحتاج .. و الحوايج لي غتلبس.. و خرجات من دار.. دخلات فواحد زنقة من جهة مفتوحة و من جهة اخرا لا لقات يسرى تما دايرة ليكيت..تسالمو و بدلو كسوتهم و وحدة كدرك على لخراا.. صايبو المكياج ف شاشة دتلفون..خرجو من درب لقاو محمد تماا.. 
#يوسف..
كان غادي هو و يوسف داخلين لدرب و هو يلمح يسرى و سمر بديك لحالة و ب ميكاب صارخ جاه الفضول خصووصا و هما مع محمد.. 
امين: زيد نتبعوهم..
يوسف: سير خليني عليك .. بقالي غا البرهوشات..و را غتمشي تشوف معاياا شي طوموبيل ولا نسيتي..
امين: تالغداا اصلا دباا را ضلام لحال.. بف فين غاديين فهاد لييل.. را كيطيرو اكيد باغين يديرو شي حاجة..
شاف تا عيا شعل لكارو و تبعو.. بقاو تابعينهم تا دخلو للقهوة.. جلسو فبلاصة فيها ليفوتوي و و ضواوري مخلطة بحال لبار.. و طالقين ديسك ديال #حبيبي_شو_غيرك.. جلسو كيغنييو معااهو يديرو حركات بيدهم بحالا سكرانات .. و عطاو الفلوس ل محمد يتكلف ب الشيشة و شنو يشربو .. جاب ليهم شيشة وحدة .. حطوهاا في فمهم و يجبدوو.. تقول غا مولفين بقاو كيشيشو و يتسيلفاو و عاجبهم الحاال.. و امين دخل كيقلب بعينيه و يوسف ورااه.. تا لمحهم بداك شكل بحال لقحاب .. يوسف بقا كيشوف فسمر..و حالتهااا كيفاش كتشيش و طلق الدخاخن و محمد كيهرنط بحالهم بحال شي قحبة .. عصبااتو جنناتو كيفاش بنت بحالها يكون فيها هادشي و زيد على هادشي .. صغيرة ووجهها ماشي ديال هادشي.. امين صافي مابقا كيشوف والو قدامو.. تمشا لجهتهاا و يوسف تابعوو.. شدهاا من مرفقها بكاع جهدو تا تاوهاات بقا غادي بيها جارها لبراا.. اما يوسف بقا كيشوف فسمر بحال شي زبل كيطلعها و ينزلهاا و هي حاطا عينيها ف عينيه.. ما حس على راسوو تا عطاها تصرفيقة خلاتها طييح و تشد فحنكها و ترسمات يدو فحنكها مكفاهش هادشي شدها من شعرهاا و بقا غادي بيهاا خرجهاا من تماا و هي كتغوت باعلى صوتها تا حد ماتسوقلها كل واحد لاهي و ديسك طالق بجهد ماكتسمع تا حاجة .. و محمد كيشهد على روحو عرف راسو قودهاا......#يتب______ع
#توقعاااااااتكم؟؟