نتي ليا و نديك بسيف

البارت 75

.♡بارت:75♡..

💔 انا وياك و الزمان طويل 💔

#يوسف..
كان جالس مرجع راسو لوور و كيشرب من قهوتو و الكارو فيدو.. و الباكية محطوطة على طبلة صحابو نفس شي..
سفياان: نتا ناوي تخرج على كرك راا بزاااف كل دقييقة كتكمي..
يوسف: البلية
سفيان: اوا ليعفو
يوسف: عل اسااس نتااا لا ..
سفيان: ماشي بحالك كااع نتا كل دقييقة الكارو فيدك..
مجاوبووش شرب من قهوتو و كيكمي.. و لييلة دلبارح باقي كيفكر فيهاا كاان عاييش غي جات فبالو سارة كره هاديك و كره شنو كيديير.. علاش باقي كيفكر فيهاا و كل مرة كتجي فباالو .. و سمر شنو محلها من الاعرااب.. تنهد و رجع يكمي.. و يسوط فدخاخن..
جواد: اوا فيين نشدوهاا هاد اليووم..
سفيان: طنجة كيعاودو عليها زوينة بزااف
جواد: نمشييو؟
يوسف: لي درتووه انا معاكم..
سفيان: اوا من دباا نشدوو طرييق .. 
جواد: نمشيو لطنجة و مراكش..
يوسف: لي بغييتو.. 
سفيان : وياه صيف هدا را بقات سيمانة و نقودو بحالناا..
يوسف: اوا هي لي نضتو دباا..
كل واحد مشا لبيتو جمعو صيكانهم .. و يوسف خرج على برا هز سيارتو يمشي يشووف موو و يعلمها بلي غيساافر و يخلي ليهاا صريف باش ماتحتاج والو .. كسيرااا ما وقف تا حدا بااب دارهاا.. نزل و دخل عندهاا كانت فصالون كتجمعو سلم عليهاا و هي عنقاتو باسها فيدها وراسهاا 
يوسف: الواليدة هاد ليامات غنساافر..
سعاد: فين اولدي ياكما ناوي ترجع للخاريج..
يوسف: لا امي غي غنطلع لطنجة مع صحابي راكي عارفة منقدرش نخليهم بوحدهم..
سعاد: واخا غي مطولش الغيبة 
يوسف: سيمانة بزاف نكون معاك..
سعاد: اوا الله معاك..
جبد شي فلووس من جيبو عطاهم لها خرج من دار.. و بصدفة تلاقا مع سمر .. لقا حالتها حالة عينيهاا حمرة باينة كانت كتبكي.. غي من حالتها تعرف .. حركات شي حاجة لداخل دياالو عمر شافها بهاد الحالة ديما كيشوفهاا ضاحكة و ناشطة.. يمكن ندم علاش تصرف معاها بديك طريقة .. بقا متكي على طوموبيلتو و هي حانية راس ماشافتوش..
#سمر
من بعد ماشافت دكشي دمرات على الاخر مقدراتش تمنع دموعها محتاجة تفرغ لي داخل ديالهاا .. خرجات من دار غدا ليسرى هي لي كتفهمها و كتقويها و كتصبرهاا بكلامها.. تا حسات بيد شادة كتفهاا طلعات عينيها لقاتو هو .. بقات كتشووف فيه ..
يوسف: سمر .. سمحيلي لبارح مقصدتش دكشي لي قلت ولكن نفاعلت شوية..
سمر: .. فخباارك نتا قتلتيني دمرتيني .. غي حاوبني واش ضرييتك انا فشي حاجة .. علاش دمرتيني علاش لعبتي بياا..
يوسف: ( معرفهااش علاياش كدوي ..)..
ماعارفش بلي كتعدب و كل يوم كتموت الف مرة.. الى هو حسبها غي مراهقة و غي اعجااب ولكن را كتبغييه بصح.. ماشي كيماا كيفكر هو ممقتانعش بلي هي تقدر تبغييه.. وماعارفش و محااسش بالمعاناة ديالها 
سمر: كنتي جزء مهم فحيااتي واخا انا مكنتش عارفة واش حتالييت شي بلاصة فحياتك او لا لا كنت خارج حساباتك مجرد صديقة كدوز معاها او لا بيها الوقت هاد المسألة مكنتش حاسبة حساابها لان الاوقات لي كنا كندوزو كانو بنسبالي احسن اوقات حيت .. كنت كنرتاح معاك و كنرتاح ليك ولييت كنتمنا نشوفك كل سااعة و كل دقيقة و حتا انا و معاك كنتمنا نبقا معاك و مايدوزش الوقت دغياا عييت نحاول نتحكم فالمشاعر ديالي ولكن مقدرتش ... مقدرتش نقول لقلبي ماتعلقش فييه ماتفكرش فييه .. ديما كنتي كتقولي انا قبيح ماشي مزياان منصلاحش ليك تقدر تكون عند نااس هاكة ولكن بنسبالي غتبقا اول واحد بغييتو و دخل لحياتي ( تحية ليي كانت كتسمع لديك الاغنية و كتبكي 💔😢).. خساارة فييك .. سير كييماا ضحكتي علياا و هرستيني محيييتي الضحكة من وجهي و من حيااتي بغييت ربي ياخذ فيك لحق ..
بقا كيتصنت ليهاا و مقاطعهااش ضراتو فقلبو كيفاش كانت كدوي بخيبة امل و انكساار اثر فييه .. كدوي و كتشووف ف عينيه و هو نفس شي .. كيشووف فعينيها كيفاش مغرغرين بدمووع.. مشات قبل ما يجاوبهاا .. وصلات لعند يسرى و هي كتسمح فدموعها اما هو ركب فطوموبيلتو و ديك الهضرة كتعااود فودنوو و عقلو..#يتب___ع 
#توقعااتكم؟