♡بارت:19♡..
💔 انا وياك و الزمان طويل 💔
#صبح_صباح_جديد
#يوسف
فاق طافج و مغوبش ماشابعش نعاس حيت بقا فايق تا لصبح اول حاجة دارهاا شعل تلفونو.. عيط لاميين..
يوسف: اوا فين
امين : ( بصوت غالب عليه النعاس) راني باقي ناعس..
يوسف: اوا نوض غتمشي معايا نشوف شي دار را كرهت دينمو هاد درب..
امين: صاف واخا نفطر و ندوز عليك..
قطع عليه و حط التلفون على الكوافوزة و دخل دوش .. خرج كينشف فشعرو .. لبس تيشورت
فلكحل مكتوب عليهاا كتبة بلصفر مع سروال دجين و صبادري.. دار ساعة فيدو و رش من بارفانو #Sauvage.. مشا لكوزينة لقا سعاد كتفطر و كتبكي..
يوسف: الواليدة ياك لابااس
سعاد: توحشت .. توحشت بااك هيييئ هئ
يوسف: ( عنقهاا ) شش صافي دعي معاه برحمة..
سعاد: هيييئ هئ واخا سنيين دباا هى مقدرتش مقدرتش هييئ ننساه مقدرتش نحيدو من باالي هيييئ 😢..
يوسف: ( باس ليها يدها ) ماتبكييش.. را غي مكتزيدي تحرقييه .. شنو نقول انا لي منين كانت عندي 7 فقدتو..
سعاد: ( بكات كتبكي.. تا سكتهاا بهضرتو لي قواتها)
احمد راجل سعاد دار فحادث سيارة و مات فلبلاص و من داك لوقت مقدرااتش تنسااه ديما حاضر فبالهاا.. كملو فطورهم فصمت ..
سعاد: اش ديك الحلقة لي داير فوذنييك و نيفك .. بحال شي كااوري
يوسف: بديتي تاني.. هادشي را عادي ماتبقايش كل مرة تفرعي ليا كري بييه..
سعاد: اوا الحلقات كيديروهم غير لولياات ماشي درااااري ( كرزات عليهاا )..
يوسف: غنقود نشووف فين نمشي تهلاي..
خرج من دار معصب .. داز على اميين باش يشوف شي دار ولا برطمة يشريهاا.. لقاه كيفطر .. تسناه تا كمل فطورو و تاجهو لصونطر .. دازو من طريق ليسي.. كانت 12 ديك لوقيتة كلشي خارج.. سمر كانت خارجة و طالقة شعرهاا و يسرى تابعاها تا وقفات حدا واحد الاودي بيضة ديال رياان.. كتهضر معاه من سرجم.. و منضرهاا كيبان بحال شي وحدة باغا تشد نمرة بحال شي وحدة ماطيرياليست..
يوسف: كلهم قحااب .. هاد الفلوس كيشريو كلشي..
امين: ( بغا يمشي عندها )..
يوسف: ( حبسو ) زييد خلينا نمشييو ..
زرب فخطواتو و امين ورااه..
#سمر..
سمر: ولا اريان منقدرش نغيب.. راك عارف ايام الفروض هادو
ريان : واخا على خاطرك ازين ..
كسيرا وخلا لعجااج ورااه .. و سمر كدير ليه اشارة بيدها زعما باي باي..
يسرى: شنو بغا
سمر: قالك باغي نتلاقاو دباا
يسرى: يمشيي يأااااود..#يتب___ع
#توقعااااتكم؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
نتي ليا و نديك بسيف
Romance.. 😍 انني هنا.. من بعد ما فكرت مزياان قررت نكتب قصة .. ولكن بعيييدااا على كل القصص لي قريتو .. يعنيي مافيهاا تا حاجة من لخياال اي حاجة قريتووهاا حقييقية .. هاد القصة مبنية على احداث واقعية 100 % هادي شحال فكرت نكتبهاا مكتاابش .. و دب قررت نكتبهاا ح...
