"ياااااه يايوسف الذكرى دى مر عليها ٧ سنين بالظبط سبع سنين فاتوا علي اعترافك بحبك لياا... ٧ سنين فاتوا علي اجمل صدمه ف حياتي... ٧ سنين علي ميلاد حبي ليك ببساطه لاني حبيتك اضعاف حبك ليا انا عشقتك.. ليه سيبتني ومشيت سبتني لوحدى ف الدنيا دى بس حاسه اني هجيلك قريب اووى..! الله يرحمك يا يوسف.. انت اللي خليتني احب مرضي انت اللي خليتني اثق بنفسب انت اللي خليتني احب حبك لياا... سبتلي اجمل حاجه حصلتلي ف حياتك وهديه ربنا ليا.. ابننا.. عمر.... شبهك اوي... بيفكرني بيك... لسا فاكره تفاصيل اليوم دا وكأنه امبارح"
_هتفضلي تقولي هاا كدا كتير....؟!
=لا... بس هووو... يعني!
_بصي يا ستي هبسطهالك... ببساطه انا حبيتك من اول مرة شفتك فيها من حوالي سنتين....!شوفتك في فرح واحدة صاحبتك.. لقيتك قاعدة هاديه ولوحدك... مش بتحاولي تلفتي الانظار حواليكي... شفت لمعه الحزن في عنيكي... برغم ان اللي يشوفك يقول عنك قويه... بس انا شوفت حاجه تانيه.. شوفتك ام ولادى...!
=انت صدمتني...!
_اديني فرصه بس وانا هخليكي تعشقيني...!
"كنت واثق اوي من نفسك وانت بتقولهالي وبتبص في عنيا بكل جرأة وكانك بتتحداني... بس انت كسبت التحدي دا بسرعه.. قدرت توفي بوعدك معايا.. وفيت بكل وعودك معايا... بس الوعد الوحيد اللي انت خلفته انك هتفضل معايا س انت سبتني..!
فاكره كمان يوم كتب كتابنا"
*بارك الله لكما وبارك عليكما وجمع بينكما في خير...
_مبروك يا مراتي..!
=الله يبارك فيك...! "وكنت اول مرة ابتسملك فيها"
_احلي ضحكة ف الدنيا... ضحكتك حلوة اوى... خليكي اضحكي علطول كدا.. لاني قلبي بيضحك لما بتضحكي...
"وابتسمت لتاني مرة... لقيت فجأة قربت مني.. وكان هيغمي عليا من الكسوف لقيتك بتقولي..."
_اقولك علي سر..!
=سر..!
_انا كل العرسان اللي رفضتيهم...!
= هااا.. ازاي يعني مش فاهمة...!
_ببساطه بقالي سنتين بتقدملك وحضرتك بترفضي من غير ما تشوفني... يااه دا انا دعيت ربنا كتير لحد ما استجاب... بحبك.. والله العظيم بحبك... يا مراتي...
"بصىاحة وقتها كنت بحبك بس كنت بكابر انا حبيتك بسرعة اوى.. عشت معايا اجمل 5 سنين في حياتي... عمرك ما زعلتني ولا قولتلي كلمه تجرحني.. استحملتني بمرضى وكبريائي اللي منعني اني اقولك.. بحبك... ياريتني كنت قولتهالك... بس انت مت قبل ما اقولهالك.. الله يرحمك يا حبيبي... بقالك سنة بعيد عني... سنة روحي راحت معاك..
بعشقك يافؤادى
#الجزء_الثاني _يوسف_ومريم
حسناء عطوان
