_يا بنتي حرام عليكي بقاا وافقي بقاا وريحيني ..!
=حاضر ياماما هوافق..!
_بجد يا بنتي ...؟!
=بجد ياماما ممكن بقا حضرتك تسيبيني لوحدي شوية؟!
"طبعا ممكن تكون مشكلتي مشكلة معظم البنات اللي في سني ..هو مش معظمهم اوي يعني بس انا يمكن اكون قافلة علي نفسي شوية بس انا عاوزة حاجة مختلفة مش عاوزة اتجوز كدا وخلاص مش اي واحد كويس وخلاص انا عاوزة حاجة مختلفة زيي ؛حد ليه كاريزما ؛حاجة كدا محصلتش ؛حد مجنون زيي؛معظم اللي اتقدمولي مملين ؛انا بجد زهقت ؛لدرجة اني بقيت ارفض اي حد من غير ما اقعد معاه حتي ولا اشوفه بس مش عارفة المرادي امي مصرة علي العريس دا ليه ....اهو نجرب ولو معجبنيش اطفشه يعني هي اول مرة اهو نتسلي ...اتكلمت كتير مش كداا خلينا ف المهم "
_مريم متحاوليش تعملي اي حاجة انا عارفاكي مجنونة ..!
=خلاص يا ماما حفظت كلامك وهنفذه بالحرف ..!
_اول ما تدخلي تسلمي علي الضيوف ..!
=حاضر يا ماما اي حاجة تانية ؟!
_مفيش يا اخرة صبري ...!
"بسم الله الرحمن الرحيم صحيح كنت مترددة شوية مع ان دي اول مرة تحصلي قلبي بيدق بسرعة اوي ..مش عارفة خوف ولا توتر ولا اي بالظبط استر يارب ...اول ما دخلت "
= السلام عليكم..!
"اي القمر دا هو في كدا ..استغفر الله العظيم ..غضي بصرك يا مريم ...دخلت سلمت عليهم وقعدت جمب بابا وانا مش عارفة اعمل ايه حاسة اني هيغمي عليا...لا لا لا مش هضعف ...ضعفت!...شكله مش غريب عليا مش لازم انسي هتطفشيه يا مريم المهم في وسط القاعدة العجيبة الغريبة دي انا مكنتش مركزة هما بيقولوا اي اصلا لحد م لقيت بابا بيقول نسيب العرسان لوحدهم شوية استر يارب انا خايفة اوووي استرها معايا يارب "
-ازيك عاملة ايه؟ !
=انا كويسة الحمدلله!
-هتفضلي مركزة مع السجادة كتير؟ !
=لا بس انا متوترة شوية ..!
_خلاص اتكلم انا ..انا اسمي يوسف مهندس عندى 27 سنة وحيد امي وابويا وعندى شركة صغيرة كدا اسستها من حوالي سنتين وبس كدا ..وانتي؟!
"مش عارفة ليه عجبتني طريقة كلامه والثقة اللي بيتكلم بيها لقيت نفسي بقول مرة واحدة "
=انا مريضة سكر ...!
"لقيته ابتسملي ابتسامة غريبة اوي بس كأنه بيطمني"
_وايه المانع ..؟!
=مانع ..انت مش شايف اي مانع خالص !..انت ازاي تجبر نفسك انك تعيش مع واحدة مريضة ؟!..
_مريضة .!..المرض ف العقل والتفكير ..مش مرض جسدى وخلاص ...انا لوكان عندى مانع مكنتش جيت من الاول ...اللي بيحب حد بيتقبله بعيوبه بيحبه اكتر من نفسه ..مش علشان سبب تافه يسيبه ...بيحب عيوبه قبل مميزاته ...بيكون دوائه ...بيقف جمبه مش بيسيبه ...!
"مكنتش عارفة ارد اقول ايه وقتها بس اكتر جملة وقفت عندها (اللي بيحب حد بيتقبله بعيوبه) معقول ! لا لا مش معقول "
_انا مش عاوز اسمع رد منك دلوقتي ....انا هسيبك تفكرى لوحدك ...وبعدين تقررى.
"انا اول مرة في حياتي ابقي مترددة في اختياري..بس هو ليه كاريزما كدا مشفتهاش ف حد ...3 ايام تفكيرى متشتت ..مش عارفة بجد ..بس في المواقف اللي زي دى مفيش غير حل واحد *صلاة استخارة* ..بعد ما صليت حلمت حلم بس طبعا كالعادة معرفتش افسره ...روحت طبعا لنبع الحنان "
_متأكدة انك حلمتي بكدا .؟!
=ايوا يا ماما ..متأكدة ..في ايه هو الحلم وحش ..؟!
_ومالك قلقانة كدا ليه يا بنت بطني ؟!
=قلقانة ...لا لا مش قلقانة خالص؟!
_شكلك بيقول غير كدا يا بنت بطني ؟!
=يووووه بقا يا ماما احكي بقااا ..!
_عالعموم ياستي ...الحلم بيقول انه خير وخير كبير قوي كمان ..! الحمدلله ربنا يفرحك يا بنتي ويجعله من نصيبك ..!
"مش عارفة ليه وقتها كنت مبسوطة اوي وكأني عملت انجاز عظيم "
_انا بجد مش مصدق انك وافقتي ...انا مش عارف اقول ايه ...مريم انا بحبك ♡
=هاااا.؟!!!!!
_بقولك ...بحبك ..؟!!
=هااااا...؟!
_انتي هتفضلي تقولي ها دى كتير ...؟!
=يوسف انت فاجئتني مش عارفة ارد اقول ايه ..¿¡
_الله اسمي حلو اوى منك ...مش عاوز حاجة منك غير انك تديني فرصة اثبتلك فيها اني بحبك ميهمنيش راي الناس ..مش مهم تحبيني ..المهم اني بحبك ...صدقيني هتحبيني ...اوعدك ...اني هخليكي اسعد واحدة في الدنيا ...لانك الوحيدة اللي تستاهلي انك تكوني ام ولادى...ربنا يقدرني ..واسعدك ...يا وردتي.!
=هاااا...؟!!
#حسناء _عطوان
