جهاد :يالهواااااااي..... الحقوناااااااي..... هتموتنااااي.....
والده جهاد :اه يا مجنونه يا بنت المجانين... هتوديني ف داهيه... مش هعملك حاجه وانتي مكسوره كدا...
جهاد: لا انتي هتقتليني زي ما قتلتيها..... انا شوفتك وانتي بتدبحيها بالسكينة... مش هتقتليني لااااااااا..... احماااااااد..... الحقني يا احمااااااد... هتقتلناااااي.....
"انتبه كل من كان بالمشفى علي هذا الصوت.... جاء أحمد مسرعاً ما أن سمع صوتها."
أحمد :ايه في ايه يا جهاد بتصوتي ليه؟
جهاد : الحقني يا أحمد والنبي هتقتلني زي ما قتلتها....
احمد :هي مين دي؟
جهاد : قتلتها... كانت بريئه...كانت بتلعب وسط صحابها واخواتها دبحتها بالسكينه... ااااه ياني.... هتقتلني زيها....
احمد :هي مين دي؟
جهاد :شاهنده...
ام جهاد :قوليله يختي مين شاهنده دي!
جهاد :هو يعني..!
احمد :ما تنطقي.... ولا القطه كلت لسانك اللي عاوز القطع دا...
جهاد : هو يعني... اا...صل...
احمد :انطقي... يلا..
جهاد :الفرخة.! 🥺
احمد :فرخة ايه؟!
جهاد :شاهندة الفرخة بتاعتي...دبحتها بالسكينة وانا اقولهاا لا وهي ابداً..قتلتها.. انا مش مسامحاكي....
احمد :يعني انتي عامله الفرح دا علشان الفرخة...!
جهاد :اه...ايه دا انت رايح فين... تعالى بس نتفاهم... هنتفاهم...
ام جهاد :ربنا يعينك علي ما بلاك يا جوز خالتي (بصوت حاحا)... امشي انا بقااا... جتك نيلة ف خلفتك المنيلة... اعمل فيكي ايه... انا زهقت منك.. الاقيها منك.. ولا من اختك ولا ابوكي... مبتعملوش غير المصايب... جتكوا نيله...
جهاد :انتي ماشيه انتي كمان.... متسينيش معاه... والنبي....🥺
.............................................................................................................
"بعد مرور عده أيام"
جهاد :خلاص يا احمد مش هعمل مصايب تاني... علشان خاطري بقا رد علياا... وحياتي بقاااا...
احمد:جهاد انتي مبقتيش صغيرة علشان كل يوم والتاني تعمليلي مصيبه شكل... آخر مرة عملتي حادثه بالعربيه وكسرتي نفسك... وكنتي هتموتي ابنك... انا مستحمل جنانك علشان بحبك... تقومي تستغلي.. حبي ليكي وتعملي فيا كداا..
جهاد:خلاص بقاا علشان خاطري... اخر مره... اخر مره... آخر مره..
احمد :خلاص ماشي... مش زعلان.. بس اوعديني انك متعمليش مصايب تاني..
جهاد :حاضر... خلاص بقا صافيه لبن..
احمد :حليب يا قشطه...انا هاخدك معايا الشغل بكرا... بس لو عملتي مصيبه هقتلك...!
جهاد :حاضر يا حبيبي... هات بوسة بقاا...
احمد :خدي بوسه من ايدك اهيه..
جهاد :ايه دا... انت بتبوس والدتك... انا عاوزه من التانيه...
احمد :هو في غير دي..؟
جهاد :نعم يا خويا...! 🙄
احمد :هو دا اللي عندي... ويلا بقا نامي علشان هنصحي بدري..
جهاد :ليه..؟
احمد :هو ايه اللي ليه.. علشان تتنيلي تيجي معايا الشغل... ويلا اتخمدي مش عاوز اسمع صوتك
...........................................................................
"في صباح اليوم التالي"
احمد :جهاد اصحي يلا...
جهاد :لا سيبني انام كمان شويه..
احمد.:والله لو م صحيتي بالذوق هصحيكي بالعافيه...
جهاد :لاااا خلاص قومت... انا عاوزه افطر...
احمد :فين صباح الخير الاول...
جهاد :صباح الخير... فين الفطار..؟
احمد :في المطبخ...
جهاد :ومجبتهوش ليه... انت عديم الرومانسيه علي فكره.. المفروض تجيبلي الفطار لحد عندي...
احمد :قدامك عشر دقايق تقومي تصلي وتفطري وتلبسي...
جهاد :انت مرتدتش عليا ليه.. وبعدين البس ليه... ايه دا استني... سايبني ورايح فين...؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
"داخل شركة أحمد"
السكرتيره :صباح الخير مستر احمد.... صباح الخير مدام..
احمد :صباح النور
جهاد :صباح النور يختي...
احمد :جهاد... قدامي علي جوا...
جهاد:طيب متزوقش طاااا...
٠٠٠٠٠٠٠٠٠٠٠
"داخل المكتب"
احمد :ممكن افهم ايه اللي انتي هببتيه داا؟
جهاد :عملت ايه؟
احمد:عملتي ايه.؟!... ست كبيره قد والدتك تقوليلها يختي...؟
جهاد :الله وانا مالي يا لمبي...
احمد :لمبي...!... حسابك معايا بعدين... غلطاتك كترت... نص ساعة واجيلك... اترزعي هنا... انتي عارفه لو عملتي مصيبه... هعلقك علي باب الشركه... انتي فاهمة..؟
جهاد : طيب..!
"بعد مرور بعض الوقت"
_السلام عليكم
جهاد :وعليكم السلام
_انا اسف اني دخلت هو الباشمهندس احمد مش موجود؟
جهاد :لا هو خرج وراجع كمان شويه.. ممكن تستناه هنا. انا اخته! 🏃♀️
_اهلا وسهلا بحضرتك يا فندم.. انا المهندس محمود...
جهاد :اه... اهلا وسهلا.... هو المهندس عامل ايه... قصدي يعني بيتعامل ازاي مع الموظفات اللي هنا..
محمود:عفواً..!
جهاد :متفهمنيش غلط... انا قصدي يعني اطمن علي اخويا بس مش أكتر..
محمود :لا الباشمنهدس محترم جداً وبيتعامل برسمية مع أي موظفة... واضح جداً انه بيحب مراته جداً..
جهاد :تربيتي..
محمود :عفوا...
جهاد :قصدي يعني انا اللي مربياه...
"قاطعهم دخول احمد"
محمود :باشمهندس احمد انا جبت لحضرتك التصميم اللي حضرتك طلبته مني..
احمد :شكراً يا باشمهندس اتفضل انت....
محمود :علي فكره يا باشمهندس.. واضح ان اخت حضرتك بتحبك جداً...
احمد :اختي!... بس انا... "نظر احمد الي جهاد فوجدها تنظر اليه ببراءة"... اه اختي طبعاً لازم تخاف عليا... مش كدا ولا ايه...
جهاد :طبعاً...
محمود :عن اذن حضرتك..
احمد :اتفضل..
جهاد :بتبصلي كدا ليه... استني هفهمك... ايه دا انت بتخلع الحزام ليه.. استني بس هفهمااااااك يختاااااي
#احمد_وجهاد_الجزء_السابع
#حسناء_عطوان
