#اسكرييت_العوض❤️
-هِنا " وشاورت على قلبي"
=قلبك!
بيوجعني أوي، حاسة انه فيه حد ماسك قلبي بين ايديه جامد وبيضغط عليه بقوة.
=من إيه؟
من حُبَّك
"لقيته بيضحك على كلامي وكأنه بيتريق عليا"
=وهو فيه حد بيحب حد بيحس إنه قلبه بيوجعه؟ المفروض يفرح.
-عشان انت مش حاسس بيا، شايفاك بتحب واحدة غيري؛ عشان كده قلبي بيوجعني، مش ناوي تحبني بقا؟
"لقيته بيضحك تاني على كلامي"
-هو انا كل م اقولك كلمة تضحك عليا؟ انت شايفني عيلة قُدامك أنا عندي تسعتاشر سنة على فكرة.
= شوفتي؟ اهو انتي عيلة اهوه، انا بحب خطيبتي وهنتجوز وانتي في يوم من الايام هتلاقي اللي تحبيه.
-انا بكرهك.
"مستنتش رده ومشيت، فجأة لقيت نفسي بقع في حفرة كبيرة لقيته بيمدلي إيده وفجأة جت واحدة وشدته بعيد كنت متعلقة في صخرة فجأة ايدي فلتت منها ووقعت في الحفرة العميقة"
-حلم!.... معقول!..... كل يوم بحلم بنفس الحلم بس المرادي سابني أقع كان كل مرة بينقذني بس المرادي غير.
" أنا اسمي ملك بس انا مجنونة شوية بحب ابن عمي وهو خلوف لا يبالي علطول بيزوزني في أحلامي، بس لحظة أول مرة يقولي على خطييته في الحلم وكمان فيه واحدة شدته بعيد عني ممكن تكون هي!
.........
-يا ملك كفاية نوم بقا اصحي عشان تروحي الكلية
=حاضر يا ماما.
"لبست ونزلت بدري شوية عشان اروح الكلية، بحكم إن كليتي في محافظة تانية كالعادة أمي كل يوم بتوصيني اني مركبش القطر عشان البهدلة والزحمة، بس أنا بحب دوشة القطر، بحب اسرح في الطريق وأنا بسمع أم كلثوم، بحب أقعد جمب الشباك عشان اتفرج عالطريق براحتي"
-تاخدي عسلية يا آنسة؟
=شكراً مش عاوزة.
-على فكرة طعمها حلو ولو دوقتيها مرة هتطلبيها مني علطول.
" لقيت نفسي ببتسمله بعفويه، كان باين عليه انه ابن ناس، كل مرة اركب فيها القطر ألاقيه بينده عليا ويصر إني آخد منه العسلية كنت برفض اشتري منه بس المرادي لقيتني بقوله"
=معنديش مانع أدوقها يا..
-دكتور معتصم.... احم اقصد معتصم بس.
=انت دكتور؟
دكتور بالليل وبتاع عسلية بالنهار زي م انتي شايفة.
=ما شاء الله ربنا يحميك لأهلك يارب.
-مش عايزة تعرفي حكايتي؟
=واعرفها ليه؟ ده شيئ ميخصنيش.
-لأ لازم تعرفي عشان يخصك ويخصك أوي كمان يا زوجتي المستقبلية.
=انت ازاي تتجرأ وتقولي الكلام ده؟ انا غلطانة من الأول اني سمحتلك تكلمني.
استني، أنا مش قصدي والله، انتي فهمتيني غلط
=لا غلط ولا صح عن اذنك.
"من صدمتي مقدرتش اكمل اروح الكلية نزلت في أول محطة قابلتني وركبت القطر ورجعت بلدي تاني، مع إن المواقف دي عادي وبتحصل لأي بنت، بس حسيت بتوتر من كلامه قلبي كان بيدق بطريقة غريبة بسبب كلامه، احساس اول مرة احس بيه، بالرغم من اني بحب ابن عمي، نسيت اقولكم اني من يوم م وعيت ع الدنيا وانا بحب ابن عمي بس هو حلوف لايبالي، رجعت بيتنا مكنش فيه حد موجود، دخلت اوضتي وكالعادة لما اعيط ادفن وشي في المخدة واعيط نمت على وضعي، حسيت بإيدين بيهزوا في كتفي عشان اصحى من النوم لقيتها سمية بنت عمي واخت الحلوف قصدي اخت احمد ابن عمي اللي للأسف بتنيل احبه "
-مصيبة، مصيبة يا ملك.
=خير... قولي يا وش المصايب
-احمد اخويا رايح يخطب.
=مبروك... عقبا....... ايه؟
اهدي بس مش عارفة ده حصل ازاي؟
=اطلعي بره يا سمية واقفلي الباب وراكي.
-ملك انتي كويسة؟..... انا مش قصدي والله.
=سمية انتي ملكيش ذنب، م انا كنت قدامه لو كان عايزني كان هيتقدملي، الحمدلله، ربنا مختارلي الأحسن.
........
"شهر بحاله عدى عليا كأنه سنة، كنت بتظاهر بالقوة بالرغم من قلبي المكسور، فيه حاجة غريبة حصلت مشوفتش معتصم ولا مرة بعد م شوفته انا شاغلة نفسي بيه ليه؟.... بس بحس إني زعلانة في كل مرة مش بشوفه فيها"
-ملك البسي عشان تيجي معايا عند دكتور الأسنان.
=حاضر يا ماما.
.......
-السلام عليكم يا دكتور.
=وعليكم السلام ورحمة الله وبركاته، اتفضلي يا أم ملك...مش ملك برضو؟
-أ.. انت؟
=اتفضلي حضرتك استريحي.
-ماما؟... انتي جايباني هنا ليه؟
=عشان تشوفي العريس اللي متقدملك بقاله شهرين وانتي رافضة تقابليه يا هبلة.
بس ازاي؟.... وليه مقولتليش؟
=عشان مكنتيش هتوافقي يختييي، عن اذنك يا دكتور اسيبكم لوحدكم.
-ماما!
= سيبك من ماما وركزي معايا يا مغلباني.
-والله انت واحد مجنون.
=مجنون بيكي.
-لو سمحت عيب كده ميصحش، فيه حاجات كتير غلط انا مش فاهماها ازاي العيادة بإسم دكتور محمد عارف وانت اسمك معتصم وكمان العيادة ماشاء الله باين عليها الغِنى وانت بتبيع عسلية في القطر.
= مبدأياً كده انا اسمي معتصم محمد عارف ودي عيادة والدي واستغليتها عشان اخليكي توافقي تقابليني، ثانيا العسلية دي بتاعت ست كبيرة في السن رافضة اني اعطيها فلوس ابنها مريض كان بيبيع عسلية في القطر ف اقترحت عليها اني اشتغل مكان ابنها واهو اكون بساعدها من غير م احرجها.
-معقول فيه حد كده في الزمن ده؟
= آه، أنا
"ابتسمت على كلامه"
=ضحكتك حلوة على فكرة.
-انا يا ابني شكراً على ثقتك الغالية.
=لا بجد حلوة، قولتي موافقة؟
"اتنهدت براحة وابتسمت وقولت"
-موافقة، بس مش قبل م تقولي شوفتني فين؟ وعرفتني ازاي؟
=مبدأياً كده يا ستي اول مرة شوفتك فيها كنت ببيع عسلية كالعادة لمحتك من بعيد وانتي سرحانة وساندة بإيدك على الشباك وكنتي بتدندني لما قربت منك لقيتك بترددي أغنية لأم كلثوم بتقول" سنين ومرت زي الثواني في حُبك انت وإن كُنت أقدر احب تاني هحبك انت"
-صوتك حلو وانت بتغني لأم كلثوم.
= تقريباً أكتر حاجة شدتني ليكي هي حُبك لأم كلثوم استغربت جداً إن فيه حد لسه في الزمن ده بيسمع أغانيها بعيد عن الهرج والمرج والإنحدار اللي وصله الفن ده، حبيتك من أول نظرة لما خطفتي قلبي، حبيت حُبك لأغاني أم كلثوم وكأنه غنت ليكي المقطع ده مخصوص وهي بتقول
"رجعوني عنيك لأيامي اللي راحوا.... علموني اندم... على الماضي وجراحُه"
مسمعتهاش انت وهي بتقول :
" يا اللي ظلمتوا الحُب وقولتوا وعيدتوا عليه..... قولتوا عليه مش عارف إيه؟..... العيب فيكم يا في حبايبكم.... اما الحُب يا روحي عليه....."
= " يا روحي عليه..... في الدنيا مفيش أبداً أحلى من الحُب..... نتعب... آه.... نحزن.... آه.... نشتكي منه لكن بنحب"
"أحياناً نعتقد أن لكل شيئ نهاية، لكن هي البداية، بداية لكل شيئ"
حسناء عطوان
#حسناء_عطوان
