- بُصيلي!
= ضروري؟
- لازم! عينك حلوة!
= عيني أنا؟!
- كفاية البصة فيها بتسحرني!
= دي أنا؟!
- دا أكيد.
= أنا عادية خالص، مش مُبهرة زي أي حد، يمكن أقل من العادية كمان، أنا كُلي عيوب، مستاهلش كدا، أنا متحبش!
- ربنا جعلك في طريقي، حظي الحلو كله خدته فيكِ، تتحبي بكُل تفاصيلك، بتبهريني كل مرة بشوفك فيها، من غير ما تتصنعي، بحب طبيعتك وتلقائيتك، عيوبك دي أحلى حاجة فيكِ
=مش مصدقة! دي..... دي أنا؟!
- طيب ممكن متصدقيش كلامي، مش كفاية نظرة عيني؟!
= كتير عليا كل دا
- لأجلك تكرم ألف عين، لأجلك أعمل أي حاجة تخطر على بالك أو متخطرش، أنا شخص تخيلت حياتي معاكِ وبنيت أحلامي وكنتِ أنتِ بطلة أحلامي ومحدش غيرك قدر ياخد مكانك، أحلامي الحلوة اتعملت علشان تكوني أنتِ بطلتها.
= أنا مش عارفة عملت اي علشان أتحب بالشكل دا!
- معملتيش حاجة
= إزاي؟!
- أنتِ حرفيًا معملتيش حاجة، مش ضروري تجتهدي وتحاولي علشان أحبِك، قبلتك بعيوبك وبكل تفصيلة فيكِ، طبيعتك بتبهرني، لو اتمنيت أمنية واحدة هي إني تكوني رفيقة ليا في الدنيا والآخرة، قلبي اختارك، وأنا واثق إنه اختار صح 🤍.
لـ حسناء عطوان
