_احماااااد يا احمااااااد اصحي يا احماااااااد
= عااااااا الحقوووني البيت بيولع
(جهاد بتحاول تكتم ضحكتها)
_في اي بس يا حبيبي
= حبييك اي وزفت اي في حد يصحي حد كدااا؟ وبعدين عي الساعة كام؟ !
_اربعة الفجر
=يا نهارك اسود ومنيل علي دماغك في حد يصحي حد كدا
_اه انا
= انا كنت عارف من الاول انها جوازة منيلة بستين نيلة علي دماغي
_هو انت كنت تطول تتجوزني اصلا يا ابن عناقيد العنب انت
= احم احم وليه تجيبي سيرة امي دلوقت؟!
_ما انت بتعصبني يا حبيبي
=ممكن تنامي بقا وتسبيني انام انا كمان
=حاضر
(بعد خمس دقايق)
_احمد قوم يا احمد
=ايه تاني عاوزة اي؟
_انت بتزعقلي؟!
=يا بنتي هو انا جيت جمبك؟
_انت مبقتش تحبني زي الاول ..انت بتخوني مع مدام سعاد اللي ف وشينا انا شوفتك وانت واقف معاها وبتضحكوا سوا
=وشينا ..ماشي...اولا: انا مش بتنيل اخونك..ثانيا:دي ست كبيرة وعندها 60 سنة
_الله الله وكمان عارف عندها كام سنة وتعرف عنها اي كمان؟ !
=انتي هتجنيني انا زهقت
_متوعقليش علشان حيدر ميتخضش ويطلع عصبي زيك
=ح ايه هو انتي ناوية تسمي ابنك حيدر
_اه وفيها ايه علي اسم جد بابا الله يرحمه كان باش كاتب اد الدنيا كان يتهزله رجالة بشنبات
=مفيش الكلام دا ..وبعدين انتي عارفة يعني اي باش كاتب؟
_لا
=تبقي تتخمدي وتسيبيني اتخمد انا كمان
_حاضر
(كمان 5 دقايق)
_احمد ي احمد
=امم في اي تاني
_عاوزة اقولك علي حاجة صغنتوتة ادد كدهون
=الصبح
_لا دلوقتي
_=انجزي علشان عاوز اتخمد
_بص انا عاوزة اشتغل
=ت ايه...بقولك اي انا مش عاوز جنان نامي
_انا عندي فكرة لمشروع وهديره من البيت كمان
=ازاي بقا ان شاء الله هتشتغلي خياطة
_لا طبعا ..بص انت تديني 500 جنيه اجيب بيهم كتاكيت صغيرة واربيهم لحد ما يكبروا ويبقوا فراخ كبيرة والفراخ الكبيرة تبيض وتجيب كتاكيت صغيرة تاني والكتاكيت تكبر وتبقي فر
=بسسس يا هبلة يا متخلفة كتاكيت اي اللي تربيها مش لما تربي نفسك الاول
_انت بتزعقلي ليه دلوقتي الحق عليا بشاركك طموحاتي واحلامي ..انت دمرتني خلاص حطمت احلامي الوردية خلاص يا عدو النجاح
=اتخمدي بقاااا كفااااية انا زهقت منك عمالة تقوليلي حيدر وكتاكيت انا زهقت نااااامي
_حاضر
_احمد انت نمت احمد
=ايييييييه بصي انا هقوم انام ف الصالة برا وخليكي مع حيدر وكتاكيتك كان يوم مهبب يوم ما فكرت اتجوز
_مع السلامة يا ابو حيدر ..انام انا بقاا عالسرير لوحدي هيييح اخيرا
*********حسناء عطوان******
_
