#اسكريبت_فرحتي_٢ ❤️💭
-مش كفاية بقا يا زين، بقالك ١٣ سنة عالحال ده من يوم م اختفت، انساها يا ابني.
=انساها؟ انساها ازاي يا أمي، صدقيني حاولت ومقدرتش.
-لازم تنساها يا زين وتشوف حياتك انت مش هتبكي العمر كله عليها، هي اللي اختارت كدا، هي اللي اختارت تسيبك.
=بس كانت طفلة وقتها، هي كانت متعلقة بجدتها أكتر مني، صدقيني يا أمي هي دوائي، ظهورها تاني في حياتي هيردلي روحي، ادعيلي يا أمي ألاقيها.
-ربنا يريح بالك يا ابني.
..................
-فرررح يا فرررح.
=تعالي عايزة اقولك حاجة مهمة.
-خير يا تيتة في اي؟
=ابوكي بيموت وعايز يشوفك، صدقيني يا بنتي ابوكي محتاجك بعد م مراته الحرباية عملته فيه.
-عملت اي؟... وازاي متقوليليش حاجة زي دي، دا ابويا مهما عمل.
=مش وقته العتاب يا بنتي، ابوكي عايز يشوفك.
.........
يعني هي جات؟
=ايوا، جات تشوف ابوها، هو طلب يشوفها.
الحمدلله يارب اللهم لك الحمد، انا رايح اشوفها، لازم اشوفها.
-استنى بس يازين.
=لا لا مش هستنى لحظة واحدة.
"خرجت من شقتنا بسرعة وصلت لحد باب شقتها، قلبي كان بينبض بسرعة وجسمي بيرتعش، كنت متردد إني اروح بس لازم اشوفها هي وحشتني، خبطت بهدوء على الباب فتحتلي بنت، ايوا هي فرح، ملامحها متغيرتش نفس الابتسامة، ابتسمتلها بسذاجة وقولت"
-فرح صح؟... انتي فرح؟.
=ايوا أنا فرح، حضرتك تعرفني؟
" لحد هنا وكفاية، دموعي كانت هتنزل غصب عني، قولتلها وقلبي كان بيتقطع ل ١٠٠ جزء "
-انا زين يا فرح مش فاكراني؟... مش فاكرة زينو؟... كنتي بتقعدي عندنا زمان وانتي صغيرة، نور اختي وماما ايمان مش فاكراهم.
"لقيتها بتقولي ب ابتسامة"
-زينو، طبعاً فاكراك، انا كنت عند ماما ايمان ونور من شوية، بس انت مكنتش موجود، كبرت أوي يا زينو.
" يا الله، لكم أن تتخيلوا سعادتي في اللحظة دي، فرح فاكراني، ياالله، يا أحلى يوم في عُمري، أنا أسعد واحد في الدنيا"
-مين يا فرح؟
=دا زينو اللي حكيتلك عنه يا معتز.
-زين نسيت أعرفك، دا معتز خطيبي.
=ايه؟. خطيبك؟.
-ايوا، فرحنا كمان شهرين كمان، انت طبعاً مش محتاج عزومة.
" لتاني مرة تكسريني يا فرح، ليه؟ عملتلك ايه؟، دا جزائي اني حبيتك، يارب"
..............
-خلاص بقا يا زين، انساها، هي شافت حياتها انت كمان لازم تشوف حياتك.
= حياتي، م خلاص كل حاجة راحت.
-مفيش حاجة اسمها كدا، صدقني لو من نصيبك مفيش حاجة هتقف في طريقكم، ثِق في ربنا انه مش بيختارلنا حاجة وحشة أبداً، دايماً بيختارلنا الخير.
-ونعم بالله، انا نويت اخطب انا كمان، لازم اشوف حياتي.
................
يعني ايه هتفضلي هنا لوحدك؟
=معتز لو سمحت، انا مش هقعد مع حد غريب دا ابويا، بطل بقا الشك اللي فيك دا، زين مجرد أخ مش أكتر.
-انتي مكنتيش شايفة بيبصلك ازاي.
=قولتلك زين زي اخويا بالظبط، انا بجد مبقتش قادرة استحمل كل يوم نكد وخناق، ارحمني شوية، العلاقة دي بقت مُتعبة أوي يا معتز ولو فضلنا عالحال ده مش هقدر اكمل.
-ايوا مش هتكملي عشان لقيتي حبيب القلب.
=انت انسان مريض، قولتلك زين مش اكتر من اخ ليا والكلام ده سمعتهولك ١٠٠ مرة.
-أخ؟ أخ ايه اللي بتفضلي تتكلمي عليه قدامي ٢٤ ساعة، انتي واحدة مش مُحترمة.
=انت انسان عديم الأخلاق، انت اللي مش محترم وميشرفنيش اني اعرف واحد زيك، الحمدلله انك ظهرت على حقيقتك قبل م اتدبس واتجوز واحد زيك، وآدي دبلتك أهي خدها وغور.
-هتندمي يا فرح على كلامِك ده.
=صدقني عمري م هندم اني خرجت واحد زيك من حياتي.
.............
-فُك التكشيرة دي بقا يا زينو في عريس يبقا مكشر كدا يوم خطوبته، الناس تقول عليك اي، مغصوب عالعروسة.
= فرح انتي مبسوطة؟.
-طبعاً، هو انا هتبسط لمين غيرك يعني ها؟... مش انت كنت بتقولي دايماً سعادتنا من سعادة بعض.
= لسا فاكرة الكلام ده يا فرح؟
عمري م نسيت أي حاجة قولتهالي، بالرغم من إني كنت طفلة عندي ٧ سنين، سيبك بقا من الكلام ده البت نور لو شافتك مكشر كدا هتشمت فيك وانت عارفها.
"ليه يا فرح مُصرة توجعيلي قلبي، مبسوطة دلوقتي انك هتشوفيني مع غيرك، م انتي بقيتي مع غيري هتفرق اي، زي م انتي قولتي ميهمنيش غير سعادتك، وطالما انتي مبسوطة ف أنا هكون مبسوط"
................
"مش عارفة ليه كنت حاسة بوجع في قلبي وانا شايفاه بيخطب واحدة غيري، كنت شايفة الحزن ف عنيه، مع إنه المفروض يكون مبسوط زيه زي أي شاب يوم فرحه أو خطوبته، لحد هنا وكفاية، خطيبته دي انا مش مرتاحلها وبتبصلي بقرف من ساعة ما شافتني كأني قتلتلها قتيل، مقدرتش استحمل منظرهم كدا وهما قاعدين جمب بعض سيبت المكان وخرجت اتمشى شوية لقيته ورايا وبينادي عليا "
-فرح يا فرح استني انتي رايحة فين؟
=زين!... انت هنا ليه؟.... المفروض تكون مع خطيبتك دلوقتي مينفعش كده.
مشيتي ليه؟
=عادي، عن اذنك روح لعروستك.
فرح انتي زعلانة صح؟
=وازعل ليه؟. دي حياتك وانت حُر فيها.
-انتي كنتي كويسة الصبح وبتتكلمي معايا، ممكن اعرف ايه اللي حصل؟
=يوووووه، خلاص بقا يا زين.
-انا آسف فعلاً، انتي دلوقتي واحدة مخطوبة ومينفعش اللي انا بعمله عن اذنك.
= مخطوبة، انت متعرفش اني سيبت خطيبي من يوم م رجعت، عن اذنك.
"يا الله، كل م اقرب منك خطوة برجع ألف خطوة لورا، ليه في كل مرة بتنتهي بحزن، نفسي تنتهي بسعادة"
....................
-خلاص يا حبيبة انا مبقتش قادر اكمل خلاص، كل شيء قسمة ونصيب.
= لا يا زين انت مبتحبنيش، انت بتحبها هي، عمرك م قولتلي كلمة حلوة ولا حتى حاولت تحبني، بس انا اللي غلطانة من الأول اني وافقت اتخطب لواحد مبيحبنيش، دبلتك اهي، لو بتحبها بجد اعمل اي حاجة عشان توصلها عن ادنك.
.................
-سافرت تاني؟
=ايوا سافرت تاني، هي وابوها، جدتها جت وأخدتهم معاها.
-صدقيني المرادي يا أمي هتكون ليا، ليا أنا وبس.
..................
-تفتكري المرادي مش هنتفرق؟
= زين!
-ايوا يا اللي مغلبة زين وراكي.
=انت عرفت من مكاني منين؟
-من هنا "وشاورت على قلبي"
= أنت!.... مينفعش كدا.... انت دلوقتي واحد خاطب وخطيبتك بتحبك.
-لا خلاص بح.
= يعني أنت... اآا.....
-ايوا.... اآا....
-طيب اي؟
=حبيتك من أول م شوفتك يا فرحتي.
-عايزة شيكولاته من اللي كنت بتجيبهالي يا زينو.
= شيكولاته اي احنا نجيب شربات علطول.
#تمت
#حسناء_عطوان
#كائن_النكد
