"اسكريبت جديد"
_السلام عليكم.
=وعليكم السلام ورحمة الله وبركاته!. مين؟!
_انا خالد
=خالد مين ؟!
_اي دا ي سلمي انا خالد خطيبك بالامارة خطوبتنا كانت امبارح .
=ااااه صح افتكرتك مش انت اللي كنت قاعد جمبي ف الكوشة امبارح وكنت لابس بدلة وانا كنت لابسة فستان وامي كانت بتزغرط وابويا قاعد فرحان فيا !!
_ايوا انا !
=جبت رقمي منين غوازاي انطق !
_اي ي سلمي نسيتي ولا اي ؟!
=انت عارف اسمي منين ؟!
_صلي عالنبي بس كده ..شكلك جعانة !
=عليه الصلاة والسلام ♡...جبت رقمي منين ؟!
_من باباكي والله !
=اه بابا ...عاوز اي بقا؟!...
_المفروض اننا دلوقت مخطوبين !
=صح ..
_ف بطمن عليكي عادي ...بكونك زوجتي المستقبلية !
=عندك حق ..وانت ايش ضمنك اني هكون مراتك ..مش ممكن نسيب بعض او تحصل اي حاجة تانية !..محدش ضامن عمره ...
_عندك حق فعلا بس تفائلي ي شيخة !
=حاضر هتفائل.!...عاوز اي برضو..!
_بطمن عليكي والله !
=كويسة الحمدلله ...سلام بقا "وقفلت السكة ف وشه ساعتها ضربات قلبي كانت بتزيد ومكنتش عاوزة المكالمة تطول اكتر من كدا لانها لو طولت قلبي هيقف........تاني يوم لقيته بيرن عليا وانا نايمة صحاني من النوم احلي صباح ف الدنيا والله"
_السلام عليكم !
=وعليكم السلام ورحمة الله وبركاته !
_صباح الخير ي سلمي !
=صباح النور !"اي دا اول مرة اعرف ان اسمي حلو اوي كدا الله هييييح"
_سلمي روحتي فين !
"سلمي تاني يالهوي هموت كفاية كدا قلبي هيقف والله"
=هااا ...انا ...ااا...انا..انا معاك اهوووو!
_لا انتي مش معايا خالص !....هكلمك كمان شوية تكوني فوقتي شوية ...اه وبالمناسبة انا عاملك مفاجأة متأكد انها هتعجبك!
"وقفلت السكة تاني ....اخيرا انا بجد مش مصدقة نفسي والله حب 5 سنين مراحش عالفاضي بقي خطيبي كنت قربت اتجنن خلاص بس الحمدلله ربنا وفقني ووفقه الله "
'''''''''''''''''''''''''''''''''''''''''*سلمي ي سلمي اصحي !
=حاضر يا ماما صحيت اهووو !
*يلا البسي بسرعة واخرجي خطيبك مستنيكي برا !
"يالهوووي دا مصمم يوقف قلبي بقااا اما اشوف اخرتها معاه ....وخرجت وياريتني م خرجت ....اول م خرجت برا ف الصالة لقيت بابا وهو وباباه ومامته وناس كمان كدا معرفهمش والمأذون ...اوعي يكون اللي ف دماغي صح ...قلبي وقف خلاص الحقونااااي !"
*بابا:تعالي يا سلمي
=نعم يا بابا!
"دخلت سلمت علي مامته انا اعرفها كويس ست طيبة جدا وملامحها باين عليها الطيبة وباباه هو كمان شكله طيب عيلة جميلة جدا بكل معني الكلمة ....بابا استأذن منهم وخدني اوضتي وفهمني كل حاجة وبعدين خرجت انا وبابا للصالة لقيته بيبصلي اتكسفت ف روحت منزلة عيوني من عليه بسرعة وحسيت اني هموت من الكسوف ولقيت بابا بيقول سلمي موافقة ي جماعة فجأة مرة واحدة كدا لقيت نفسي ف اوضتي معرفش ازاي ..مفوقتش غير علي زغروطة من ماما بعد م المأذون قال:بارك الله لكما وبارك عليكما وجمع بينكما في خير ....ولقيت ماما جاتلي اوضتي وخدتني من ايدى وودتني عالصالة مكنش في حد غيره وانا هموت من الكسوف ومش قادرة ابصله حتي ..فجأة ملقتش ماما ومفيش غيرنا ..استر يارب ...ياربي "
_اذيك يا سلمي !
=هااا انا الحمدلله !.."اي دا بيقرب كدا ليه اوعاااااا هجراااااي "
_عاوز اقولك علي حاجة !
=هاااا....نعم ....ف اي ..ق ..قوول !
_اهدي بس مش هاكلك انا بقيت جوزك خلاص !
=اه ..!
_انتي عارفة انا عملت كل دا ليه ؟!
="دي احسن حاجة عملتها من ساعة م عرفتك جتك القرف ف حلاوتك "...ليه؟!
_علشان اتكلم معاكي براحتي علشان ابص ف عنيكي الحلوين دول براحتي علشان امسك ايدك براحتي ..علشان ...اقولك كل اللي جوايا براحتي ...علشان اقولك بحبك براحتي ....
"بصتله بسرعة وباستغراب ..يالهوي دا طلع بيحبني دا جنني خلاص ...اعمل اي بسرعة اهربااااي ي سلمااااي .."
_سكتي ليه انا قولتك حاجة زعلتك ؟!
=هااا..لا والله ..انت صدمتني بس ...انا ...مش عارفة ارد اقول ايه ...انت بتحبني بجد ؟!
_لا انا عديت مرحلة الحب دي بمراحل ...انا بقيت متيم بيكي ..بتحبيني يا سلمي ؟!
=ااااا....اناااا....مش....هواا...
_انا اسف لو ضايقتك شكلك مش بتحبيني !
"وفجأة لقيت نفسي بتكلم بسرعة ومش عارفة جبت الجرأة دي منين"
=والله ابدا انا بحبك من زمان اوووي من 5 سنين كدا وكنت بشوفك كل يوم وانت مش واخد بالك ..كنت بدعيلك وانا بصلي كنت بدعيلك انك تكون مبسوط حتي لو مع واحدة غيرى المهم تكون مبسوط وخلاص ...المهم عندي تكون مبسوط وخلاص !
_بتحبيني للدرجادي؟!
=واكتر من كدا كمان!
_تعرفي اني كنت بحبك من زمان اوي من قبل ما انتي تحبيني ...كنت بحبك من وانتي طفلة ..كنت بقول لنفسي ازاي احب طفلة ...لحد م كبرتي واتأكد اكتر اني بحبك ..قررت اني اجي اتقدملك كنت خايف حد ياخدك مني ...كنت خايف تطلعي مش بتحبيني ...بس قلبي كان بيقول عكس كدا دايما ...ربنا يديمك نعمة ف حياتي ي اجمل حاجة حصلتلي ف حياتي ...بحبك !
=وانا كمان بحبك ..!
"اخيراااااااااااا"
#حسناء_عطوان
