-ي لهواااااي ....لاااااا
=في اي ي حبيبتي اهدي في اي بس ...اعوذ بالله من الشيطان الرجيم..دا كابوس ي قلبي
-انت طلقتني ؟!!
=طلقتك اي بس ما انا جمبك اهوو!!
-لا انت طلقتني ..!!
=والله ما اتنيلت ...ما اتنيلتش ..نامي ي حبيبتي ورايا شغل الصبح بدري نامي ي قلبي ....
-اناام ...انت عاوزني انام بعد اللي عملته!!...انت طلقتني ي احمد ..
=ما تبس بقاااا والله ما طلقتك ..انام عاوز انام نامي بقاا...
-بس انت طل.
=تلاتة بالله العظيم لو ما نمتي دلوقت لكون مطلقك بجد ...
-يعني انت عاوز تطلقني اهووو..
=جهااااااااد !!!
-حاضر..
-احمد..
=ايه تاني؟!!
-انا جعانة.
=مش انتي اكلتي قبل ما تنامي!!
-لا انا لسا جعانة ..اطلبلي بيتزا ..
=بيتزا الساعة 4 الفجرر ..ي جهاد !!
-ايوا اومال عاوز ابنك يطلعله بيتزا ف قفاه ..!!
=بيتزا اي اللي تطلعله ف قفاه ي هبلة ي بنت المجانين ...انتي ف مخك بطاطس ولا اي ؟!!
- بتزعقلي ي احمد ايوا ما انت مبقتش تحبني زي الاول ..بس عموما الاهتمام مبيطلبش .!!
=خلصتي ؟!!
-اها..
=نامي بقااا..
-حاضر..احمد!
=.....
-احماااااد
=اييييه ...ارحميني بقااا..والله تعبان وعاوز انااام ..سببني ارجوكي .....
-طيب بص ..وديني عند ماما ..وانا مش هعمل صوت ..
=حاضر ...الصبح هوديكي عند امك ..تقعدي عندها اسبوع بحاله ...هيصي بقااا .
-يعني انت عاوز تخلص مني اهووو ..وتستفرد بالشقة لوحدك !!
=تصدقي بالله انا غلطان ...ايوا والله غلطان..عارفة ليه ..علشان اتجوزت واحدة حلوفة براس جاموسة زيك !!
-انت بتزعقلي ي احمد !!..بتعلي صوتك علياا ..بعد كل سنين الجواز اللي بينااا.. طلقني بقااا ..طلقني وريحنااااي ...انا استحالة اعيش معاك بعد كدااا .....
=سنين اللي بينا انا متجوزك من 5 شهور اصلا ..المهم عاوزة تطلقي ...مش هطلقك ي جهاد عارفة ليه ؟!!..علشان انا عمرى ما حبيت ولا هحب زيك ..عارف انك مجنونة بس طيبة وجواكي طفلة..وروحك حلوة وتتحبي بسرعة ..انا لو عاوز اطلقك مكنتش اتجوزتك من الاول اصلا ..فهمتي ؟!!
-لا!!!....بس انت قولت اهووو انك عاوز تطلقني...رد عليااا بقااا غلطانة ولا مش غلطانةة ..
=......
-نمت ...نوم الظالم ...بس برضو مش هسيبك تطلقني...
