شخبطة عالماشي....
-انتي اتجننتي؟.... انتي عاوزاني اتجوز واحد معاق؟....... انتي عارفة الناس هتقول عليا ايه؟...... مرات المعاق!.... انا بجمالي اقدر اتجوز واحد سليم.... انسي الموضوع دا ومتجبيش سيرته تاني....
=هتفضلي طول عمرك غبية ومغرورة..... مش بتهتمي غير بالمظاهر وبس.... بس انا مش هسيبك تضيعي نفسك.... الظاهر ان امك وابوكي قبل ما يموتوا دلعوكي زيادة عن اللزوم.... بس انا كدا مش باخد رأيك... انا بقولك بس.... ولازم تكوني جاهزة بكرا... فاهمة؟
-لا مش فاهمة..... انا مش بحب حد يتحكم فيا.... دي حياتي وانا حرة فيها...
=حياة.... بذمتك اللي انتي عايشاها دي حياة... صحابك اللي انتي مصحابهم... دول بني آدمين اصلاً.... كلمة واحدة وقولتها....... انا اختك الكبيرة وعارفة مصلحتك اكتر منك....
-ايوا ما انتي متجوزة واحد سليم ومش معاق..... وبتكرهيني وعاوزة تحوزيني واحد معاق....
=اخرسي وبطلي تفاهة.... انتي عارفة المعاق اللي مش عاجبك دا.. بيموت ف التراب اللي بتمشي عليه... من صغرك وهو بيحبك... انتي اكتر واحدة عارفة كدا كويس.... انتي عارفة... دا بيحبك اكتر من نفسه... بيحبك اكتر من ابوكي وامك.... انتي فاهمة دا معناه ايه؟!..... ولا اقولك الكلام معاكي ملوش لازمة....... بس هتقابليه بكرا يعني هتقابليه بكرا....
************
--ازيك؟
-كويسة...
--..... مش هتقولي حاجة....
اوووف.. اقول اي...
--طيب انتي عارفة انا جاي هنا ليه؟
-للأسف.... بقولك ايه يا "رفعت"..... سيبك مني... اتجوز واحدة شبهك.. انت فاهم قصدي طبعاً...
-- فاهم؟..... بس مكنتش اعرف انك بالقسوة دي.... "ريم"... انتي ازاي بقيتي كدا....؟... دا انا اللي مربيكي....
-يووووه حتي اسمي بكرهه عشان انت اللي سميتهولي..... اتفضل من غير مطرود...
--صدقيني هتندمي.... عمرك ما هتلاقي حد يحبني زيك.... انا اسف اني حطيت نفسي ف موقف زي دا... انا فكرتك اتغيرتي بس للاسف...
*******************
=انتي عملتي ايه للراجل خلتيه يمشي زعلان....؟
-فهمته مقامه.... وبالمناسبة في عريس جاي يتقدملي بكرا... احسن منه ميت مرة... وسعي بقا جالي صداع وعاوزة انام...
=تمام اوي لحد كدا... انا هسيبك تعملي اللي انتي عاوزاه... بس متندميش ف الاخر...
*************
-ياااه يا حسام اخيراً اتخطبنا انا بجد مش مصدقة نفسي...
==لا صدقي.....
-انت من ساعة م قعدنا سوا وانت ماسك الموبايل...؟... وريني كدا بتعمل ايه؟
==اوعي ايدك.... انتي اتجننتي...
-اسفة...
==طيب.... انا اتأخرت ولازم امشي...
-طيب خليك معايا شوية...
==يووه انتي مش بتسمعي الكلام ليه... انا ماشي....
..........
=مشي عريس الغفلة....
-ايوا مش يا "رنا"...... يا خبر دا نسي ساعته.... انا هنزل اديهاله...
=استني متنزليش... لما تشوفيه ابقي اديهاله...
-لا....
.......
-حسااااام.... حسااااام... استني نسيت ساعتك....
==ايوا عدي وجبيها......... رييييييييم
**************
رنا :طمني يا دكتور اختي عاملة ايه....
الطبيب :احنا عملنا اشعة ومستنيين التحاليل... ادعيلها.....
.............
رنا :ها يا دكتور طمني اي الاخبار...
الطبيب :للاسف.... اختك هتفضل معاقة برجليها علطول... دا قدر ربنا......
..............
ريم :يعني خلاص بقيت معاقة.... يعني مش هقدر امشي علي رجلي تاني......
رنا :دا قضاء ربنا وقدره.... احمدي ربنا انها جات لحد كدا....
ريم : الحمد لله.... هو فين حسام.... مجاش يطمن عليا ليه....
رنا : حسام اداني الورقة دي ليكي....
ريم: وريني كاتب فيها اي...... " سامحيني... مش هقدر اكمل حياتي مع واحدة معاقة....هتلاقي دبلتك مع اختك"
..... نفس اللي قولته ل "رفعت" بالظبط.... انا جرحته.... ربنا عمل كدا عشان ينتقم مني.... حسام مش بيحبني.... حسام طمعان فيا.... صدقيني انا مش زعلانة علي حسام.... انا زعلانة اني ضيعت رفعت من ايدي..... هو فين انا عاوزة اشوفه....
رنا : للأسف.... هو سافر يوم خطوبتك انتي وحسام... ومش راجع تاني.....
#حسناء_عطوان
#ريم_ورفعت_الجزء_الاول
