الجزء الثاني من اسكريبت الخطف 🙂♥️
-ودوني على بيت حبيبي نعيش مع بعض فيييييييه.
=ماما، بس بقا يا ماما، اسكتي مش عارف اذاكر صدعتيني، وبعدين انتي ف بيت حبيبك اهو.
-اي دا؟... اومال مش مبسوطة ليه؟... ولا فكك من المذاكرة يلا قوم العب، فك عن نفسك، خدت اي من المذاكرة يعني، م عندك ابوك اهو كان دحيح وف الآخر ماشي ياكل زي الجاموسة ف البيت.
=هو مين دا اللي زي الجاموسة؟
-لولو حبيبي انت جيت، عملتلك البرسيم اللي انت بتحبه، قصدي المحشي..
=ورحمة امي لاكون مبيتك في الحجز النهاردة، فاكرة اول مرة شوفتك فيها عملت فيكي اي؟
-كان يوم اسود ومنقط بسواد، ياريتك كنت خطفتني وخلصنا بدل الهم اللي احنا فيه دا.
=اي دا يا حبيبتي انتي خسيتي أوي عن الصبح.
-بجد يالولو؟.... انا مكلتش غير بطيخة بس... يعني خسيت حلو يعني، خلاص خلاص متبرقش هجيب المحشي.
---------
-علي يا حبيبي انا مراتك حبيتك ام عيالك، وايه يعني لما حطيتلك سكر بدل الملح في المحشي، حصل اي يعني؟..... خرجوني من هنا عايزة اروح لماما.
=عسكري رجب.
-نعم يا فندم.
=خُد المدام للحبس الانفرادي، ومتلمسهاش فاهم.
-تمام يا فندم.
-استنى بس آخر مرة والله، اي دا يا لولو انت كرشك اختفى خالص.
=بجد يا منون؟.... يعني الدايت باين؟
-طبعاً يا حبيبي، ممكن بقا تروحني من هنا عشان اعملك المكرونة بالبشاميل اللي انت بتحبها.
-بجد؟..... زودي البشاميل الله يسترك.
=من عنيا بس كدا.
#العيلة_الهبلة_رزق
#حسناء_عطوان
