نساء من رصاص

بارت 1

بليلة من ليالي الصيف الحارة وبحمامات احد السجون النسائية في العراق صوت صوت عالي وعركة قوية بين فاطمة ورهف
فاطمه _ انتي خاف عبالج اذا احجي حسكون ويفوتوهه الكم لا حبيتي لا كبل انفرادي وتخرب خططج
رهف _ نصي صوتج واحجي بلا فضايح شرايده انتي تردين فلوس  اذا تردين فلوس هسه ادز لاهلج مبلغ يكيفهم وزياده

فاطمة_ ههه ضحكتيني يمة لاحبيبتي لا ميفيد حجيج  وخاف عبالج تسكتني الفلوس.

رهف _ نصي صوتج كتلج شتردين

بهل اثناء فاتت سما

سما _ هاي شكو شصاير شبيجن نريد نام فاطمه  منخلص من مشاكلج

فاطمة _ تعالي حبيبتي تعالي دادة شوفي رهف ومريم خانم حينهزمن  وانتي ضلي نايمة

سما _ يعني يعني شكي بمحله واصلا اني يارهف سمعتكم بس ردت اتأكد

رهف _ وخرن من عندي انتن متخلفات وكلامكم غلط

فاطمة _ ماشي حبي ام العقل هسه اروح لضابط خفر واحجيلة وباجر يجي مقدم كريم وانتي تعرفي وهم احجيله وشوفيني شطارتج
وعافتهم ومشت

مريم _ شبيج رهف شكو خفت افوتلج للحمام هاي فاطمة مشرانية

رهف _ مصيبه صارت ولج هاي المخبله هي وسما عرفن بموضوعنه وديهددن يفتنن

مريم _ عزه عزه لا مستحيل شلون كل هلفلوس والتعب والانتظار كلشي يخرب اوكفي خلي  ينامون ونكول لبدرية السجانة تنطينة التلفون نخابر احمد ضروري يلكالنه حل وانتي لتحجين شي هسه

  بعد ساعتين.......
الو احمد  اسمع ولتقاطعني بنات اثنين سمعونه بلزيارة مالتكم وعرفو كل خطتنه  وديهددن ومدنعرف نسكتهم حيحجون لمقدم كريم كلشي  شلازم نسوي هسه الحكلنه
لا لا احمد ميردن فلوس كنالهم والي عرفت وحدة شرانية كلش ورهف حجتلهه علفلوس بس مقبلت  انطيني حل.

رهف_ ها شكال
مريم _ اصبري كال ساعه وحخا كبركم لان ميكدر يأخر الموعد ولا يلغي هسه وهيه هاي فرصتنه الوحيدة
رهف _ اوك لعد خلي ننتظر ولو خايفة كلش والله مستعدة ارتكب جريمة من صدك هلمرة  اختنكت بعد مااتحمل ولو ما عيون أيسر صدكي مااكعد دقيقة هنا
مروة _ اوكفي ديخابر
الو ها احمد بشر اي خابرت ايسر شكال وشحتسون مو حيصرن هواي  لا احمد ممطمنة هيج خاف يخربوهه علينه  لك اكو وحدة خبله كلش  هاي فاطمة الي كتلك عليهه  زين اذا مكفن  روح على قاصتي الرمز مالتهه **** اخذ الي يكفيك لتهتم بس خلصنه باي
رهف _ ها بشري شكالو

مريم _ رهف احمد وايسر يكلون حندفع زياده ونطلعهم وياكم
رهف _ مستحيل شلون  سما اتقبلهه بس فاطمة  لا
مريم _ مضطرين نوافق وبس نطلع بعد معلينه بيهن
رهف_  امرنة لالله   خلي نكعدهن هسه ونحجي وياهن لازم قبل ليكعدن البقية 

اجتمعن الاربع بنات

رهف _ اسمعوني انتو الاثنين  مراح اكلكم شرايدين بس حنطيكم مقترح تستفادون من عنده
حنهزمكم ويانا وفلوس الهروب علينه بس بشرط
حجاية وحدة متطلع منا لباجر ماكو اعتراض وتذمر طول ماانتو ويانا  وبس نطلع من العراق مالنه ة دخل بيكم  تنسونة واذا تردون تحجون فمخايفين  روحو احجو وابقو هنا طول عمركم  فكرو منا للصبح وانطونة القرار

فاطمة _ ميحتاج هذا هو بس اذا نكتو بينه قسما بذات السماء مستعدة بدم بارد امثل بجثثجن

مريم _ ماكو داعي احنه دنريد نخلص بلا مشاكل وثرثرة زايدة

سما _ اني مثل مكالت فاطمة واصلا من نطلع من العراق يعد منحتاجكم بس شلون حنطلع

رهف_  اسمعوني كلش زين
عكب باجر رح يصير نقل سجينات
من ضمنهم احنه الاربعه وراها نطلع لطريق خارجي وراها ننزل لان حتصير حادث للسياره متفقين عليه احنه والضابط احنه محضرين بديل جثث النه رح نمشي مسافة ونلاكي اخويه ينتظرنه بسيارته

فاطمة ‐ والضابط والسايق شنو مصيرهم ؟

رهف _ لاتخافين الضابط والسايق رح ينظربون ويطلعلهم تقرير طبي بالحادث كلشي بالفلوس ينحل .

.

زينب النعيمي