نساء تجمعهم ضروف قاسية في أحد السجون العراقية لكل واحدة قصه و وراء كل قصه رجل.
الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية
ولانهن خلقن اناث في مجتمعات ذكورية دوماً تبرر أخطاء الرجال.
...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اني رهف عمري 29 سنه
من عائلة غنية ابويه رجل اعمال عنده شركات كثيره بمجال الادوية و المستلزمات الطبيه عندي اخوان 2 واخت وحده كلهم طلعو مثل ما ابويه جان يريد انو يشتغلون وياه ويساعدو بمجال شغله اما اني فطلعت الجذع المايل بالعائله ماجنت احب اشتغل بالشركه جان كل حلمي هو انو املك مطعم واسوي الاكل الي احبه واسعد الناس بأكلاتي واشوف على وجوهم السعاده وهمه كاعدين بضيافتي لكن جان هذا القرار بحياتي صعب يتقبله اهلي بالاخص ابويه لكن بالاخير استسلم لقراري و رحت لفرنسا ادرس فن الطبخ الفرنسي هناك اني بالاصل جنت بالعراق مخلصة سياحة وفندقه وجنت من العشرة الاوائل قبل لا اسافر فرنسا جنت ادير اوتيل يملكه ابويه وهذا الشي الوحيد الي جان راضي عليه بقراراتي هههههه
المهم سافرت سنتين ادرس بفرنسا رجعت للعراق وجان حلم واحد عندي انو اسس اكبر سلسه مطاعم خاصة اليه هذا الحلم اكوم واكعد عليه واشتغلت هوايه حياتي جانت عمل بعمل كلها شغل وحسابات وطبخ وفعلا نجحت وفتحت مطعم لكن كان بسيط نوع ما لانو ما حبيت اعتمد على اهلي هوايه
اقرب واحد اليه من اخواني ايسر الي شفتو الي وصلنا للبصرة جان الصغير مال البيت والمدلل وكلش صديقي دايما جان يدعمني ويشجعني وساعدني هوايه حتى افتح اول مشروع خاص بيه عكس بقيه اخواني واختي جانو يكسرون بيه و يحاولون يرجوني اشتغل وياهم بالشركات او الاوتيل
بيوم من الايام ومن كثر الضغط الي صار عليه اضطريت اقبل اشتغل ويه ابويه وارجع الزم الاوتيل كأداره لكن مطعمي مفتوح ومتواجده بي يوميه جان كلش تعب وضغط عليه بس شسوي هاي رغبة بابا واني قبلت حتى لا اسببله الم و حسره
جان يوم احد عدنه اجتماع ويه المساهمين بالاوتيل طبعا اصحاب الاسهم مو غرب كلهم اعمامي وولدهم لان احنه شركتنه و ثروتنه وشغلنه عائلي مندخل غريب الا ماندر كلش
طبيت غرفة الاجتماعات كمدير مفوض لاول مره طبعا جانو عمامي موجودين والي ماموجود نائب عنه احد ابنائه
من ضمن الي جالسين بغرفة الاجتماعات جان مالك ابن عمي
مالك عمره 39 سنه جان يدير اوتيل بالموصل وعايش تقريبا هناك من 15 سنه لكن بسبب الاوضاع الي صارت اضطر انو يجي لبغداد اني ماشايفته هوايه اخر مره شفته جنت طفله من اجانه هو وعمي خطار للبيت
جان طول الاجتماع يباوعلي نظرات غريبه واني احاول اتجاهل نظراته اكثر من مره جادلني بالنسبه للمصروفات والتجديدات و شبه ردنه نتعارك لكن اخواني وعمامي ادخلو وفكونه كلش مزعج ومادي يريد يقلص عدد الموظفين و يزيد ساعات الشغل عليهم
وطبعا اني رفضت رفض قاطع الموظف شكد ما تريحه بالشغل رح يبدع وينطيك اكثر مما تتصور لكن شسوي للعقول القافله
خلص الاجتماع وطلعنه وطبعا قراري هو الي مشى غصبا عن الكل مو تحدي لا والله لكن للعدل والمصلحه العامه
وره يومين اجى عليه بابا الصبح للاوتيل جنت كاعده بالمكتب
ابو رهف_ بنتي المقاتله العنوديه شلونها ؟
رهف_ ههههههه كلش زينه حبيبي ،، ممم شعجب شرفتنا بزيارتك اليوم خاف جايتك شكوى عليه ؟
ابو رهف_ مممم هو جاي بموضوع وياج بس مو شكوى
رهف_ خير باباتي ؟
ابو رهف_ خطبج مالك واني وافقت !!
رهف_ مالك !!! ووافقت ؟؟؟؟؟؟ واني شنو غير تاخذ رأيي ؟؟
ابو رهف _ محد يعرف مصلحتكم غير ابوكم صح اني جاريتج بكل شغلاتج بس هاي السالفه اني اعرف منج بيها ومالك الشخص المناسب الج
رهف_ يعني شراكه ماليه قبل لاتكون اسريه ؟
ابو رهف_ ماليه واسريه من كل النواحي هو المناسب لا تحاولين تعندين ويايه الولد خوش ولد وعنده مستقبل وانسان محترم وحيحافظ عليج ويصونج اكثر من اي انسان
