لم يكن ذنبي ولا حتى اختياراتي كنت دوما مستسلمة للظروف الايام ومؤمنه انه قدر محتوم علينا ان نعيشه ودرس يجب ان نتعلمه
زينب النعيمي ♡
بعد مرور اسبوع
كان الكل معزول بنفسه وغارق بأفكاره
جاد كاعد يفكر بالي مرت بي و ليش ضمت عليه انو كان رح يتزوجون وهو ميعرفها زين بس هو حبها مدا يكدر ياخذ قرار بين عقله وكلبه
مراد طول هاي الايام كاعد بالبيت ويباوع على صور رهف حاول يدور عليها لكن فشل عاش بين الغضب و الحب والندم
اما فاطمة فضلت يوميه تطلع هيه ومريم يدورون على رهف بس ماكو اي اثر الها يرجعون مكسورين الخاطر خايفين على مصيرها وشنو الي صار بيها وشنو حالها
وليش اختارت تختفي بدون اي كلام
فاطمة_ مستغربه على رهف شلون تسوي هالحركه وتختفي يعني متدري شلون رح يضل بالنه يمها
مريم_ كلبي رح يطك عليها خايفه لا سوت بروحها شي
فاطمة_ لا لاتكولين هيج رهف متأذي نفسها لهالدرجه اكيد مارح تفجع كلوبها بهالطريقه
يارب احفظها واحميها وين ماتكون ورجعها سالمه ""
مريم_ امين يارب ... صدك انتي وجاد شلون ؟؟
فاطمة_ والله مادري هو بكل قرار ياخذه حقه يعني ماعرف شكول صح احبه بس حياتي والي صار ويايه مايناسبه واني اعرف لو يدري جان كلشي انتهى بينه عموما اني همي هسه رهف وبس
............
رن تلفون مراد طلع هو من الحمام وحاط المنشفه على راسه شال التلفون
مراد_ نعم جاد
جاد_ شو مو لازم نقعد نحكي
مراد_ بشو
جاد_ بكلشي مراد محتاج احكي معك
مراد_ طيب تعا للبيت نقعد نحكي
جاد_ ساعه وبكون عندك
سد مراد التلفون تنهد وكعد عالسرير ودنك راسه
بعد صفنه طويله كام لبس بنطرون اسود و تيشيرت رصاصي مشط شعره ونزل للحديقه كعد يتأمل الاشجار و حركه العصافير شويه ودخل عليه جاد
جاد_ كيفك مراد
مراد_ اهلا وسهلا بأبن العم كيفك ؟
جاد_ مو منيح مراد مو منيح ابدا
مراد_ فاطمة ؟!!
جاد_ ايييي فاطمة مابعرف شو اعمل ملخبط ومشاعري كلها على بعضها ملخبطه
مراد_ بتحبا ؟
جاد_ شو هالسؤال الاهبل ئبل اسبوع كانت خطوبتنا كنا رح نتجوز ياخي لييششش هيك عم يصير معنا ليشش
مراد_ يمكن عندها اسبابها فكر بالموضوع انها تحبك
ومابدها تخسرك
جاد_ انت لي عم تقول هيك مراد ؟
مراد_ مابعرف شو احكيلك بس يعني لازم توزن الامر بعقلك وقلبك ولازم تقعدو تحكو سوه حتى توصلو لحل
جاد_ ااااه ياربي رح جن والله ... رهف مابينك لهلاء ؟
مراد_ مابعرف مابتهمني
جاد_ اممممم معقول
مراد_ اييي ليش لا
جاد_ لكن ليش تحكيلي انا وفاطمة نعطي فرصه لبعض
مراد_ منشان بعرف انتو بتحبو بعض
جاد_ وانت ؟
مراد_ لا كنت غلطان توهمت اني بحبا
..................
فاطمة كاعده بالبلكونه شارده بأفكارها سمعت صوت جاد يصيح بأسمها باوعت عالشارع لكته واكف وكفت هيه وهو تقدم ودخل دك الباب مشت تفتح الباب بخطوات بطيئة فتحت الباب وضلو واحد يباوع بعيون الثاني وساكتين
جاد_ كيفك
فاطمة_ مو زينه كلش
جاد_ لازم نحكي فاطمة
فاطمة_ تفضل ادخل
دخل جاد ووكف بالصالة اجتي فاطمة وكفت وراه
جاد_ ليش كزبتي عليي فاطمة ؟
فاطمة_ مو بقصدي اكذب والله بس خفت طول عمري عايشه وحيده وعيت عالدنيا هاي ماعرف امي وابويه وليش مارادوني وذبوني للشارع تربيت بميتم خالي من الاحساس والمشاعر عايشين على قوانين وبس ماريد اتذكر الماضي لان يوجعني ولا افكر بالمستقبل لان اخاف منه طلعت من الميتم واني بدنيا طويله عريضه مالي اي احد بيها ما جنت انام زين ولا الاكل اله طعم على طول احس بروحي اجيت غلط لهاي الدنيا ومالي اي قيمه بيها وعشت هاي الظروف والي صار صار دمرني كليا فقدت اي معنى بالحياة صرت مجرد جثه على قيد الحياة بس ..... بس بعد ما شفتك تعرفت على نفسي من جديد صرت احس الي قيمه بهاي الحياة واكو شخص يهتم لوجودي ويريدني يمه اني موجوده كلبي ماحسيت بدكاته الا من اقتربت منك صرت انام واني احلم بالمستقبل بدون خوف لاول مره بحياتي كل هذا خلاني اخبي عنك اني اسفه جاد جدا اعتذر ادري اني مو الشخص المناسب الك انت تستاهل الاحسن مني اتمنى تسامحني والله سويت هيج من حبي الك
جاد_ بدك ياني سامحك ؟
فاطمة والدموع تارسه وجهها هزت براسها يعني اي تقرب جاد عليها ولزمها من جتفها وباوع بوجهها
جاد_ تتزوجني هلاء ؟
فتحت عيونها مصدومه
جاد_ هلاء تتزوجيني فاطمة
فاطمة_ ورهف ؟
جاد_ مندور عليها سوا المهم مابدي اياكي تخبي عني شي بعد هلء والي عملتي صح بيسموه جريمه بس هي رد شرف وانا فخور فيكي وبحبك اكتر من اي شي بهالكون
بعد يومين خلصو اجراءات عقد القران واتزوجو لكن بدون اي احتفال و لمه ماكو غير مريم وزوجها و مراد كان الكل حزين مكدرو يفرحون الفرحه الي تمتوها بهيج يوم ورهف غايبه محد يعرف شي عنها .
.......
يتبع
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
