حدد اوهان يوم يجون بي اهله على بيت مريم
والبنات استعدن للمقابله تنظيف وترتيب و صنع حلويات ومريم ترتب بنفسها
اجى وقت الزيارة اجتي امه واخته وجانت الكعدة حلوه وخفيفه وحددو موعد لعقد القران جانت رهف هي الي كاعده وتسولف ويه الام اما فاطمة قدمتلهم الضيافه وسما تعدل بشكل مريم وتساعدها بالملابس والمكياج
.....
فاطمة_ رهف هذا الولد عراقي يكول دزوني مكتب تشغيل
رهف_ اييي فوتي خل نشوف
فاطمة_ لو جايبين تركي او جنسيه ثانيه مو احسن
رهف_ شبيج فاطمة رح تظلين قلقه وتخافين من الفات وتجذبين الانتباه الج بهاي الطريقه هو شمدري منو احنه ومنين لاتصيرين خوافه زايد فوتي
فاتت سما للمطعم جانت جايه متأخره لانو راحت للسوك اشترت بعض الأشياءالها
سما_ هاي شجابك هنا ؟
حسين_ انتي شعندج هنا ؟
سما_ اني اشتغل هنا
حسين_ امممم صدك ؟ يعني صرنه زملاء شغل
سما_ شنو تقصد
فاطمة_ حسين الموظف الجديد ويانه بلش من اليوم
سما_ بالتوفيق
حسين_ شكرا ستي الغاليه
فاطمه_ رهف
رهف_ هااااا
فاطمه_ كلبي ديلعب من هذا الموظف الجديد مادري ليش
رهف_ يبو شرح يخلصنه بعد
فاطمة_ اهو شلون بله اسمعيني والله متخسرين شي
رهف_ كولي
فاطمة_ خلي نسأل عليه منين هو صارله شكد هنا وليش اجى يمنه بالضبط يشتغل
رهف_ تمام بلش كورومبو
.....
حسين_ توقعت البارحه اشوفج ؟
سما_ جان عدنه ضيوف ماكدرت اعوفهم
حسين_ من حسن حظي طلعنه نشتغل سوى
سما_ امممممم
حسين_ ممكن نصير اصدقاء
سما_ امم ليش لا
حسين_ شكرا الج سما
..............
صار وقت التعزيله والكل منشغل ينهي عمله ويرتب غراضه حتى يطلع دخل اوهان وسلم عالبنات و مريم عرفته على الموظف الجديد حسين حياه بلطف واخذ مريم وراحو يشربون شي ويرجعها للبيت
طلعو البنات ورهف قفلت الباب
رهف_ خوش شعل اشتغلت اليوم حسين باجر الساعه 8اريدك
حسين_ تمام ان شاء الله
فاطمة_ يلا خل نروح متت برد
سما_ اني اريد امر للسوك شويه وارجع للبيت بعدين
فاطمة_ وين اكو هسه سوك الساعه 11 باليل
سما_ اكو كم محل اعرف مفتح وانتي شعليج بعد روحي مو بردانه استغفر الله والشكر
رهف_ روحي بس لاتتأخرين وديري بالج ع نفسج
راحت سما تتمشى وراها سلم حسين عليهم وطلع يمشي
رهف وفاطمه ديتمشون بالطريق رايحين للييت
فاطمة_ رهف داتفكرين مثل اني ما افكر
رهف_ ههههه اييي
فاطمة_ من اول ماشفتهم شكيت بعدين سمعته بالصدفة يكوللها شو ماجيتي البارحه ثبت عيد بعد
رهف_ نكدر نكول هسه عرفنه سبب شغله يمنه بالذات
فاطمة_ تقريبا هههههه
...........
حسين_ وين رايحه بالهاليل ؟
سما_ انت شعليك ؟
حسين_ شنو شعليه بابا شنو مو بعينج اني
سما_ اهووو انت من هذا النوع
حسين_ شنو قصدج شنو من هذا النوع ؟
سما_ الرجال المتسلطين الي مايحترمون حرية المرآة
حسين_ واشج واشج متسلطين وحقوق المرآة شكو كل هذا لان خايف عليج تمشين بهالليل وحدج ؟
سما_ اني جبيره واعرف اتصرف واعالج اي موقف اتعرضله
حسين_ مو قصدي اقيدج لو افرض شي بس صدكيني من يوم الي شفتج وحسيت برابط غريب بينه ومن شفتج اليوم مره ثانيه كلت لنفسي هاي مو صدفة لا هذا اكيد قدر ويريد يجمعنا لذلك اذا تصرفت بشي او كلت شي ضايقج اني اسف ماكلت او ماتصرفت بشي اتجاهج الا بدافع الخوف عليج
سما_ اني الي اسفه اعصابي تعبانه يمكن هالفتره
حسين_ ماكو مشكله وهسه تسمحيلي ارافقج لحد ماوصلج للبيت ؟
سما_ اممم تمام
......
يتبع
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
