نساء من رصاص

بارت 2

قد يمنحك القدر فرصة ثانيه على هيئة ولادة جديده في الحياة

زينب النعيمي ❤🌹

...
مشى الامر مثل ماخططو ونجحت الخطه التقو بأيسر ووزعلهم ملابس مدنيه ( عبايات اسلاميه )
صعدو بالسياره وبدو يمشون بطريقهم الطويل

سما ‐ كامت تبجي تصورت مارح تطلع من هذاك المكان ممصدكه

التفتت عليها فاطمة ‐ شبيج تبجين ؟ كافي سطرتي راسي

وصلو لمكان استراحه للمسافرين بطريق عمارة- بصره
دخلو البنات للحمام غيرو ملابسهم وغسلو وعدلو شكلهم حتى يطلع منظرهم طبيعي كدام الناس .

.
ايسر _ شعندج طالعه ؟

فاطمة _ دا اشتم هوى

ايسر _ دخلي جوه لا تخلين العين عليج احنه بحالة ماتسمح لاي غلط واي لفت انتباه

فاطمة _ عوفني ودخل جوه معليك بيه

ايسر _ داكلج فوتي شنو مدا تفتهمين ؟ يلا امشي

فاطمة _ بسيطه
وفاتت جوه

ايسر _ رهف هاي البنيه فاطمة يمكن رح تكتلني باعي نظراتها عليه الله يستر

رهف _ مو كتلك معليك بيها يمعود استر علينه بس خلي نطلع منا ونخلص مانريد مشاكل ولغوه لخاطر الله

...
صعدو بالسياره وكملو طريقهم وصلو للبصره ولكو احمد ينتظرهم و مضبطلهم طريقه حتى يطلعون من الحدود العراقيه

احمد _ الحمد لله على السلامه
رح نطلع هسه بزورق من شط العرب
ورح تعبرون شط العرب للأحواز هناك اكو قريه صغيره عربية تروحون على شيخ رضا الخزعلي هو رح يرتبلكم الباقي واني على اتصال وياكم خطوه بخطوه يلا شدو حيلكم والله يحفظكم
.......
ايسر و رهف تحاضنو وهمه يبجون
ايسر _ اني اسف رهف اني الي خليتج بهذا الموقف

رهف _ اسكت ولاكلمه اسمع منك الي صار صار وهذا جان خياري ولحد هسه مامتندمه عليه .

احمد_ تره كل الي بخزنتج يادوب كفى ومن عندي ضفت 20 الف دولار
حتى يكون عندج علم

مريم_ بس اني فلوسي ومجوهراتي يكفن وزايد عموما مشكور ماقصرت حبيبي .

ركبو بالزورق و اتجهو على الحدود الايرانية .
.........
وصلو للحدود تقريبا الساعه ٣ باليل
كامو يمشون بس الدنيا ظلمه هندس
سمعو خطوات حرس الحدود تركض بأتجاهم كامو يركضون همه هم
الدنيا ظلمه مدايشوفون طريقهم زين
مريم عثرت ووكعت ركضت عليها رهف وسما ساعدوهم بالاهثناء فاطمة كالت لازم نسوي خطه نطلع منا هذا ركضنه مو حل ؟

سما_ شنو الحل بله ؟

مريم _ ماكو حل رح ننلزم

فاطمة _ همه ميعرفون عددنه لان ليل هندس فوحده من عدنه رح توكف وال3 الباقيات ينهزمن

سما _ كل عقلج بعد ماوصلنه لهنا نرجع ؟؟؟؟ انتي مخبله

رهف _ كلام فاطمة للأسف صحيح اركضو واني رح اوكف

مريم _ رهف انتي ؟؟؟ ليش انتي هيج دائما ؟؟

رهف_ فاطمه اسندي مريم وركضو ماكو وكت يلا اتحركن

راحن ركضن البنات مسافة وسمعن ضرب طلقات وكفن ووحده تباوع على الثانيه بخوف من انو الي ابالهم هسه يطلع صدك

رهف اول ما وصلولها الحرس سمعت ضرب طلقات ورجال طلع كبالها صارت بظهره

رضا الخزعلي _ باللغه الايرانيه ( انتو شلون تلاحكون مرتي ؟ )

واحد من الحرس _ باللغة الايرانيه ( منين هاي ماشايفيها قبل ؟ وشعدها بهالوكت وبهالمكان ؟ )

رضا الخزعلي _ باللغة الايرانيه ( هاي مرتي الجديده وصار سوء تفاهم هيه وعيال بيتي وطلعت متعرف المكان زين واني جيت وراها ارجعها .... رجعو لمكانكم وشوفو شغلكم مشكورين والله يقويكم )

مشى رضا و رهف ووصلو للبنات والبنات جانو واكفات مرعوبات

رضا الخزعلي عرفهم على نفسه ومشو وياه لبيته رحب بيهم بالبيت قدملهم وجبة اكل و حضرلهم غرفه ينامون بيها .

.....
البنات الاربعه بالغرفة دك الباب عليهم رضا

رضا _ ماريد اي اثارة انتباه حتى لا يعرف الناس اكو احد عدنه ومنا ليومين جوازاتكم جاهزه وتطلعون على اذر بيجان ومناك انتو احرار

هزن البنات راسهم موافقين
واتسطحت كل وحده على فراشها
تسرح بأفكارها ووين الحياة رح تاخذها بيا طريق مجهول وشنو راسمه القدر الهم

.......
مريم اتقدمت يم رهف تهمس بأذنها
اكلج شلون رح نخلص من ذني ؟ اني مدا اتحملهن وبالاخص هاي البيئة الي اسمها فاطمه حتى اكل ماتعرف تاكل مثل الناس

رهف_ اصبري خلي نخابر ايسر ويلكينه طريقه

مريم _ بسرعه مدا اتحمل

رضا الخزعلي _ جاب تلفون وانطاه لمريم كاللها هذا التلفون الكم وبي رقم اخوج السري ممنوع تاخبرون غير احد من عنده طول ما انتو بحمايتي

مريم _ الو احمد شلون الوضع ؟ احنه زينين وبيت الشيخ . شلون الوضع مشت الخطه شخبار الصابط والسايق
اكلك اسمعني اريد اخلص من هذني الاثنين بعد ما اتحمل

رضا الخزعلي _ سمع كلامها وكال ممنوع اني ما اسمح لهذا الشي يصير جيتو سوى ترحون سوى ما اتحمل مسؤولية اي وحده افتهمتو

مريم _ كامت تتأفف اظاهر رح اتحملهم يومين بعد

.......
فات يوم ثاني واجى رضا وسلمهم جوازاتهم والفيزه وانطاهم موعد الطياره باجر باليل

البنات بالغرفه كاعدين واخر ليله الهم هنا وحده تباوع على الثانيه فجأة سما كامت تبجي

سما_ مختنكه كلش كلبي احس عليه جبل اني ما استاهل والله الي صار بيه ماجنت احب اعيش هيج حياة

مريم_ احجيلنا شنو قصتج سما ؟

.
زينب النعيمي