مالك جان مطلق وعنده ولد وبنيه وطليقته بالموصل عايشه ماحاولت اعرف سبب الانفصال فكرت بكلام ابويه انو اول وتالي هو ابن عمي واكثر شخص حيخاف عليه طبعا اما الحب ماجنت حاطته بقائمة افكاري ابدا
ووافقت اتزوج مالك
المفاجأة الي ربكتني مالك جان مصر انو نتزوح رأسا ماراد فتره خطوبه و تعارف وكذا ..
فجهزت نفسي بأسبوع وجان يمكن مره لو مرتين ملتقيه بي وكلشي منحجي المهم خلص الاسبوع
واجى يوم الزواج جنت لابسه فستان بسيط جدا مو بدلة عرس لان العرس صار عالضيق وماحبيت اني هم البس بدلة لذلك اختاريت فستان حريري لون اوف وايت وتسريحه شعر بسيطه وياها تاج صغير
ابويه هداني بيت طبعا هو كل واحد مسجل بيت بأسمه من يتزوج يهديلهيا جان يعرف اني احب منطقة ببغداد ( القادسية ) لذلك اشترالي بيت هناك وهداليا جان جاهز ومأثث مناقصة بس احنه رحنه استقرينه بي
مشت الامور طبيعيه اول شهر العلاقة جانت كلش جامده بينه مابيها روح ولا رومانسيه يعني اداء واجب لا اكثر بعد الشهر ظهرت عليه اعراض الحمل حللت وفعلا طلعت حامل ما اكوللكم شكك فرحت يمكن جان احلى خبر اسمعه بحياتي اني كلش احب الامومه واحب الاطفال يديت اعد الايام حتى التقي بطفلي
بهاي الاثناء صعد صيت المطعم وبديت اكبره بابا ساعدني بقرض اضافه للي بحسابي بالبنك وكل مجوهراتي بعتها جمعتهن كلهن وصلن مليون دولار
واخيرا وصلت لنقطة تحقيق حلمي اكبر مطعم ببغداد للاكلات الفرنسيه واني جنت مختصة بعمل المعجنات الي بالجبنه والحلويات بكافة انواعها الفرنسيه والاوربيه بشكل عام حتى الحلويات الشرقيه وياهه
علاقتي بمالك صارت بيها مشاكل بالاول بقرارات الاوتيل و المساهمين و بالتالي الى انشغالي الدائم بالمطعم ولازم ارتاح لانو حامل لكن اساس مشاكلنه كانت اغلبها الماديات الي نختلف عليه بالعمل صار يأثر على علاقتنه بالبيت
مالك_ رهف محتاجج بشغله ؟؟
رهف_ كول مالك !
مالك_ داخل مشروع شراكه ويه صديق ومحتاج على فلوسي 120 الف دولار ضروري حتى نكدر نقيم المشروع بشكل مثالي
رهف_ 120 الف دولار !! هوايه ماعندي هذا المبلغ جوه ايدي حاليا انت تعرف صرفت كل العندي حتى افتح المطعم
مالك_ زين تكدرين تاخذين قرض على ضمان مشروعج المطعم ونسحب المبلغ ؟؟!
رهف_ هاي شدا تحجي يعني ارهن مشروع بمليون دولار على 120 الف شبيك مالك
مالك_ شبيه مدا اكول شي ممعقول وتره الشي كلش بسيط واني خلال شهر مسدد المبلغ للمصرف ومنتهيه السالفه تره اني زوجج واجب عليج تساعديني اذا بنت عمي وزوجتي مساعدتني منو يوكفلي لعد ؟
رهف_ امري لله صار
مالك_ بس هذا الشي خليه بينه ماريد احد يعرف ،، يعني منظري ومكانتي بين الناس ماريد احد يكول احتاج لمرته
أنت تقرأ
نساء من رصاص
Чиклитنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
