نساء من رصاص

بارت 30

بين الحب والكراهيه بين الشك واليقين بين الخوف والامان هناك وقعت في تلك المشاعر المختلطه ساعدني كي اعرف اين انا الان

.....

زينب النعيمي ♡

............

بمدينه اسكيشهير التركيه بوسط المدينه وخلال شهرين ونص كمل الاوتيل و تحضرو للأفتتاح الكل سوه الي عليه واكثر
جانت رهف تعبانه كلش من تجهيزات المطعم لان كلشي اختارته بأيدها وبنفسها بمساعدات ايضا من فاطمة وبأشراف مراد وياهم جان خطوه بخطوه

قبل يوم الافتتاح بليلة جانت رهف وفاطمة متسطحين عالسرير من التعب وكل وحده بيهن عينها عالسكف وساكتين فجأة دارت فاطمة وجهها لرهف

فاطمة_ واخيرا خلصنه عااااااا حموت حموووووووت حموووووووووووت من التعب

رهف_ الحمد لله كلشي خلص واخيرا رح نفتح مشروعنا ونبدي نشتغل من جديد

فاطمة_ شنو يعنيلج هالمطعم ؟

رهف_ هوايه يعنيلي فطومه هذا المكان الي اكدر اعوض بي خسارتي للمطعم الي بالعراق وارجع طموحي واحلامي بي مثل ما بنيت هذاك ذره ذره بنيت هذا ورح اكمله .... تدرين شنو فاطمة ؟

فاطمة_ شنو !

رهف_ مادري بس جديات احس روح جديده دخلت جوايه من زمان ما حسيت بهالحماس والشعور هذا

فاطمة_ اييي روح جديده امممم ههههههه

رهف_ شنو قصدج لا لا فهمتيني غلط اقصد على حلمي والمطعم تره مو قصدي مراد

فاطمة_ ومنو جاب سيره مراد هاااا ههههههههههههههه

رهف_ يلا نامي باجر ورانه شغل هوايه

فاطمة_ انتي تحبين مراد رهف

رهف_ ههههههه شلون بله عرفتي اووو نسيت حضرتج المحقق كورومبو

فاطمة_ ميحتاجلها تحقيق وروحه للقاضي هوايه تغيرتي من دخل حياتج ابتسامتج الدائمه حيويتج الي زادت حبج للحياة وحماسج لمعة عيونج من تذكرين اسمه كلشي يكول انتي واكعه بحبه

رهف_ اه ياربي والله مادري شكلج يمكن اي او لا ماعرف بس احسه هو التعويض المثالي لكشي مريت بي وخسرته حنون و مهتم بيه و روحه حلوه وقلبه طيب وسيم يعني لازم ينحب

فاطمة_ كوليله

رهف_ شكله ولج تخبلتي مجان رحتي على جاد انتي هم واعترفتيله مو احسن ما شالع كلبج لاتدرين بي يحبج او معجب بيج نجار وبابه مخلع

فاطمة_ والله هالجاد رح يخبلني مرات احس بي يحبني ويموت عليه ومرات احس ولا يمه الموضوع اخر شي رح الزمه وانتف شعره وافكس عينه الحلوه هههههههههه