اجى يوم العرس والكل مخبوص واني طبعا ماطلعت اجاني كادر للبيت وميكب ارتست مشهور طبعا
طلعت مثل الفراشه كلش حلوه جنت متحمسه افوت للقاعه واشوف عيون الناس عليه
طبيت وفعلا مثل ماوقعت ابهرت الكل بفستاني و مكياجي وجمالي الا عمار ما انطي اي تعليق ولا باوع عليه جان كاعد و شارد بفكره الى ان اجيت وكتله لاتضل هيج العالم ديباوعون عليه
خلص العرس ورحنا لفندق على نهر دجلة سويت كامل بالمي والاجواء رومانسيه كلش
طبيت بدلت ملابسي وكعدت فات هو بدل ملابسه وكال تصبحين ع خير
ضليت صافنه شنو تصبحين ع خير
اشو هذا شبي ياربي يلا يجوز تعبان من الحفله ونمنه
مر يومين ونفس الحالة الا ان اجى اليوم الثالث طبعا هو يوميه يطلع من الصبح ميرجع غير تالي الليل فات وكتله شنو قصتك انت ؟
كلي_ شنو تريدين مني
كتله الي اريده حياة طبيعيه واحنا حاليا بموقف مو طبيعي لو تكلي شبيك لو رح اخابر اهلي واحجيلهم تره .
ارتبك و كام ينزل عرك من جبينه وكالي هل افوت للحمام ومن اطلع الي تردي رح يصير
اخذ تلفونه وفات للحمام وفوته طولت واني كاعده انتظر
طلع راسأ بدون اي مقدمات جرني
وصار الي صار
مر الوقت ويه عمار اني بس سفرات وطلعه ما كاعدة بالبيت وياه جنت احاول اسد الفراغ الي وياه بالسفر والطلعات وما افكر بموضوعنه وزواحنه يلا هو عايفني على راحتي البس اطلع اسافر على كيفي وبمزاجي
الى ان اجى يوم وكعد فاتحني بموضوع
عمار_ مريم شنو رأيج تكملين دراسات عليا بمجامعة كامبرج ببرطانيا
مريم_ شنوووو؟؟ وشغلك شلون ؟
عمار_ شغلي موجود واني موجود بشغلي
مريم_ يعني قصدك اروح هناك ادرس سنتين لوحدي ؟
عمار_ مو بهذا الشكل بس هنه سنتين وبالعطله مالتج تجيني واني كذلك بعطلتي اسافرلج يعني اقريبا كل اربعة اشهر احنه متشاوفين
بصراحه حبيت الفكره وشويه ابعد هم منا لان جان الوضع تعبان كلش بالنسبه النه بس بنفس الوقت كمت اشك اكو شخص بحياته لان اصرفاته من اول يوم خطوبتنا وزواجنه الى هسه موطبيعيه وهسه يريد يبعدني سنتين يعني مو اني بهذا الغباء حتى ما افكر بهيج شي فقررت اوافق واقدم هناك واسافر حتى اعرف شنو الي ضامه عليه واعرف العله وين
وره كم شهر كملت اوراقي وجهزت نفسي للسفر لبرطانيا
رحت هناك وداومت فتره و عمار يتصل عمار بيه بس مو بشكل يومي لحد ما اخذت قرار انو رح انزل لبغداد بدون علم احد
وفعلا قررت ونزلت حجزت لبغداد و اجيت وياريتي ما اجيت ابد
من المطار للبيت ع طول فتت للبيت
البيت هوسه يعني حتى العاملات اشو ماكو لان مبين محد مشتغل ابد مواعين وكلاصات و هدوم بكل مكان
صعدت للغرفة سمعت صوت عمار ديحجي اتقربت اكثر واني واكفه وره الباب
بسسسي لحظه مستحييييييل لالا
هذا مو صوت بنيه الي وياه صوت ولد زين معقولة صديقه زين صديقة شعنده بغرفة نومي
سمعت وراها اصوت غريبه من الطرفين مما خلاني افتح الباب بدون تفكير
وششششفت المنظر كبالي
عمار ويه واحد بغرفة النوم وانتو افهتمو بعد شنو المشهد الي شفته
ضليت مصدومه وارجف ركض عمار عليه ويكول _ بس اصبري افهمج اصبري خلي افهمج
دا احاول اطلع بره لزمني الولد الي جان عمار جوا جتفني حيل وكال لعمار خوش قطعة مختار
من افتهمت قصدة معرفت شسوي
عضيته ودفرته وركضت للمطبخ شلت سجينه جبيره جانت عالطاولة
اجى ديريد يلزمني ضربته بيها مو بقصدي اكتل جان والله بس شتردوني اسوي بهاي اللحظه ماجان عندي غير خيار
عمار ساكت لا دافع عليه ولا انطى اي ردت فعل هذا الي خوفني
بلحظه انهيار والجثة كدامي ماحسيت الا عمار ورايه وضربني ابره بأيدي ماحسيت بعد الا واني بالتحقيقات متهمة بقتل عامل الحديقة مال بيتي بسبب المخدرات الي اتعاطاها
حجيت وكلت ومحد صدكني ولا استمعلي ويكولي هلوسة مخدرات هاي كمتي تتخيلين اشياء مصايره
وصعدت محكمه وانحكمت تعاطي وقتل وجان حكمي الاعدام
معقووووولة اني مريم اني بنت العز اني المدلله هيج نهايتي معقووووولة
وكضيت سنة بالسجن الا ان اجى اخويه احمد وكالي ابويه يكول ضروري نطلعج منا
وهايه قصتي
.......
قد ينلقب الحال من حال
وتعصف بك الرياح من كل الاتجاهات
وتذبل تلك الورود التي كانت تسقى
بماء الماس
هي هذا الحياة اليوم فوق السحاب
وغدا راكع على الاقدام
......
زينب النعيمي
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
