الموظف جان ابن المدير المالك للشركه جان كلش مدلل ومتعود كلشي يريده لازم يجي كلش ماجنت احب شخصيته
شخص تافه سطحي كلشي عنده اب ام عائله تحبه فلوس جاه لو واحد بمكانه جان سوه شي عظيم يفتخر بي الناس بس هو شنوووو؟؟ شرب بنات سفر حفلات تفاهه
اظاهر خلاني براسه لا مو اظاهر فعلا خلاني براسه طول الوقت يلاحكني واني بديت اضوج كلش
فاطمة_ انت متحس على نفسك شنو هالنفسيه هاي بابه عوفني لحالي
ياسر_ انتي لي شبيج اكو وحده يجيها ياسر وترفضه انتي عاقله مخبله ؟
فاطمة_ عاقلة او مخبله ابتعد عن طريقي احسن الك تره والله اروح على ابوك واحجيله شداسوي ويايه وهت يعرف شلون يتصرف وياك
ياسر_ شنو تهدديني ؟؟ طفل كدامج ؟
فاطمة_ شتريد مني ؟
ياسر_ اريدج ؟؟
فاطمة_ يعني ؟ شنو تريد مني ؟؟
ياسر_ كلج على بعضج فايته مخي وكلبي
فاطمة_ واني مو رخيصه
ياسر_ اهوووو بدت تستشرف عليه بنت الملاجئ
فاطمة_ انت شنو داتحجي؟؟ منين تعرف ؟
ياسر_ اني ياسر تره اذا اريد اجيب معلومات عن احد اجيب حتى تاريخ ابوه وامه
عفته ومشيت ردت بصراحه اصفعه على وجهه بس لزمت نفسي مشيت الطريق كله ابجي اني شنو ذنبي اتعير بشي مالي ذنب بي ما اختاريت ابويه وامي ولا اختاريت اعيش بهذاك المكان ليش هيج شمسويه اني حتى اتعاقب بهالطريقه ليش ياربي ليش
مرت الايام واني علاقتي وياه متشنجه حيل ودايما يذبلي بسامير حجي يستفزني بيها ويجرحني واني اسكت ماكدر احجي واخسر شغلي اني كوه لكيت شغل اشيل نفسي بي وين اروح ومنو يصرف عليه واني لا اب لا ام لا اخ
جان يوم اربعاء تونه خلصنه شغل وطلعنه اني بنص الطريق اتصل بيه السكرتير الخاص بالمدير كالي اكو اجتماع مهم باجر الصبح و اوراق اكو يمج اريدها ارجعي ضروري
رجعت للشركه كانت البنايه فارغة لان كل الموظفين طلعو باقين بس السكيورتي وكاعدين بالكرفان الخاص بيهم فتت للشركه فتحت غرفتي واتجهت للمكتب اطلع الاوراق واني دا ابحث عنهم حسيت اكو شخص صار كلش قريب مني
رفعت راسي لكيته ياسر !!
فاطمة_ نعم ؟ شتريد ؟؟
ياسر _ شريد يعني ؟ اريدج
وبده يتقدم يحاول يلمسني دفعته حيل و تجهت للباب اريد اطلع لزمني وحصرني على الباب وخلى ايده على حلكي
ياسر_ مو اني الي تسوين وياه هاي الاشياء مسويه روحج شريفه هو انتي لقيطه كتلج اريدج بالحسنى ما اجيتي جان شبعتج فلوس وسفر وونسه الي خليتيني هيج
أنت تقرأ
نساء من رصاص
Chick-Litنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
