نساء تجمعهم ضروف قاسية في أحد السجون العراقية لكل واحدة قصه و وراء كل قصه رجل.
الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية
ولانهن خلقن اناث في مجتمعات ذكورية دوماً تبرر أخطاء الرجال.
...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اني مريم
عمري 28 سنه حاليا اسكن بغداد والدي مسؤول بالدولة واخواني وياه عدهم مناصب اني المدلله بالعائلة رغم اني مو الوحيده بس جنت محبوبة من قبل ابويه وامي ودايما يجيبولي الهدايا القيمه
من كثر الدلال صارت عندي شخصيه نرجسيه و ما افكر غير بس بنفسي شلبس بيا مطعم اكعد بيا سياره اطلع
قبل خمس سنوات ........ جنت ادرس بكلية الهندسة قسم معماري طبعا من افوت للجامعه الكل ينتظر يشوفني شنو لابسه اليوم صديقات ماعندي الا وحده بس لان ما امشي ويه اي وحده الى من عائلة ارستقراطيه واتيكيت
...... بالمرحلة الرابعة طب علينه استاذ اسمه استاذ عمار رجل ثلاثيني وسيم جدا صارت بينه نظرات ومجاملات والعجبني بي ميباوع على اي وحده ثكيل كلش ومن عائلة صاحبة نفوذ وفلوس يعني تقريبا نفس مستوى عائلتي
فديوم كاعدين اني والبنات وصار حجي على هذا الاستاذ وكالو مستحيل اكو وحده تجيب راسه كلش قافل وميحجي ويه اي بنيه
اني تحمست وكتلهم ما اطلع بنت ابويه اذا ماخليته يلبسني الحلقة
بديت اخطط واباوع اله بنظرات الاعجاب وحركات البنات من اجي يمه واحجي وياه اتموع و ادلع زايد اللزوم بس هو ولا يمه ابد
قبل يوم من التخرج
عمار_ شلونج مريم ؟ جاهزه للامتحانات النهائية ؟
مريم_ الحمد لله اي طبعا جاهزه شتعرفني اني دومي رقم واحد هنا
عمار_ مريم شنو هذا الحجي الصاير ؟
مريم_ شنو استاذ ؟
عمار_ اني خاطبج ؟؟؟
مريم_ شهالحجي استاذ ياخطبني لا طبعا
عمار_ يعني انتي متدرين بهيج شي الكليه كلها تعرف والاساتذه كلها تباركلي معقول اني خاطب واخر من يعلم بخطوبتي ؟ والحجي واصل الاهلي شنو موقفي هسه اني من عدهم ؟؟
رحت من يمه ورجعت للبيت واكول لنفسي بس لا لعبت لعبة جبيره وماحكون كدها للعصر واجونه ضيوف امي استقبلتهم مانزلت
ثاني يوم اجى ابويه عليه وكالي الموضوع واصل للحزب مال الطرفين وميريدون الطرفين مشاكل فالحل الوحيد حنزوجكم حتى نخلص من الحجي والقال والقيل والمشاكل وهم بيها شراكه سياسيه ومادية رح تصير بينا
هنا فرحت لان سويت الشي الاريده و ربحت الرهان وبنفس الوقت خلصت من مشكله ويه بابا
اجوي طلبوني رسميا وصارت الخطوبه بس طول الوقت عمار ساكت وجامد ميحجي ولا يبادر بأي شي كلت يجوز بسبب الظرف الي ارتبطنا بي
