لو لم نمر بالالم والتعب لما عرفنا طعم وحلاوة السعادة والراحه
هي الحياة عشها بكل المها و خساراتها و معاركها لتشعر بحلاوة القوة من بعد الضعف الربح من بعد الخسارة والسعادة من بعد الالم لو لم تكن ممرت بهن اعلم انك ميت فالاحياء وحدهم من يخسرون لكي يربحو في النهاية .
زينب النعيمي
..
جانت الاجواء شبه صيفيه والبحر هادئ واكفين رهف وفاطمة و سما يودعون سما ويتمنولها حياة سعيدة بالقرار الي اخذته
فاطمة_ رح اشتاقلج جديات انتي قطعة من كلبي صرتي كلكم كل وحده بيكم هيه قطعة من كلبي وعائلتي الي نحرمت منها ارجوج دايما اتواصلي ويانه وطمنينا عنج
سما_ اكيد يوميا رح نتواصل ان شاء الله ديري بالج على نفسج كلش زين وديري بالج على رهف
رهف_ على عيني وعلى كلبي والله وافقت اخليج تسافرين بس هذا قرارج وحياتج الله يوفقج حبيبتي اتمنى الج الموفقيه بحياتج والسعاده لاتتذكرين الماضي ولاتخلي يأثر على حاضرج ومستقبلج لكن لاتنسين اغلاطج و عثراتج حتى يبقى الدرس كدام عيونج وتتعلمين منه شلون توتجهين الحياة بالقوة والاصرار انتي كاملة محتاجه احد يكملج .
سما_ شكرا رهف على كل شي قدمتيليا مارح انساج ولانسى انسى هاي الايام لي عشناها صح الظروف الجمعتنه صعبه و محلوه بس انتو اطهر واطيب ناس قابلتهم بحياتي اتمنى الكم السعادة من كلبي واتمنى نبقى اخوات مهما بعدت بينا الارض والايام
البنات صارو يبجون وحظنو سما بعدين سمعو صوت رجل من وراهم يكول _ يلا ننتظرك انسه بوست البنات وصعدت عاليخت وبقن البنات يلوحن بأيدهن ويتابعن اليخت هو ويمشي الى ان ابتعد كلش واختفى عن الانظار
فاطمة_ شدكولين رح تنجح لوحدها
رهف_ الي مرت بكل هاي الظروف وطلعت منها بعدها محافظة على توازنها وعقلها اكيد تكدر بأذن الله
فاطمة_ ان شاء الله .. الله يسعدها
مشو البنات عالبحر وهمه ساكتين كل وحده سارحه بأفكارها البحر جان هادئ امواجه لطيفه وصوت الطيور ويه امواج البحر مثل السحر يبعث بداخلهم امل وامان وطاقة هدوء جملية جدا
كل هذا الاجواء الحلوه اختفت على رنه تلفون رهف
طلعت التلفون من جيبها وشافت رسالة من رقم غريب
مكتوب بيها
"" مرحبا رهف هانم انا المالك الجديد للمحل الذي تعملي به ارسلت هذه الرسالة لأخبرك انه امامك شهر من الان لأخلاءه ارجو التعاون معنا ""
حمرت عيون رهف وضلت ترجف وتصيح _شلون شنو هالكلام مستحيل
حاولت فاطمة تفهم شنو الموضوع لكن رهف صايره نار و مدا تعرف شنو تحجي
فاطمة_ بس فهميني شنو شنو الي اجاج
اهذت التلفون ن رهف وقرت الرسالة
ضلت مصدومه
فاطمة_ م م محل شنو انتي مو مشتريته رهف؟
كعدت رهف على اقرب مكان للجلوس عالبحر
رهف_ اي
فاطمة_ لعد شنو هالحجي هذا ؟
رهف_ مادري اكو غلط بالموضوع اكيد ،، ياربي يعني يوميه مصيبه جديده اريد اعيش يوم مابي احداث ماكو
فاطمة_ اهدئي هسه نفتهم شنو السالفه اتصلي على الرقم وقابلي وافتهمي شنو السالفه
كمزت من مكانه رهف وصاحت بعصبيه وصوت عالي
رهف_ شنوووووووو؟؟ اتصل شنو هذا المحل محلي واذا عنده شي خل يجيني هو بعدهم ميغرفون ويامن اندكو
فاطمة_ اهدئي شبيج فضحتبنه يجوز اكو سوء تفاهم ممعقوله تره .
رهف_ مو غلطانين لان كاتب رهف خانم اكلج احنه شكو دنحلل على كولتج هل اخابر وافتهم
لزمت التلفون طلعت الرقم واتصلت بس ماكو رد
رهف_ مدايجاوبون
فاطمة_ ارسلي رسالة
كتبت رهف رسالة تكول
"" مرحبا انتظرك غدا الساعة العاشرة صباحا يبدو ان هناك سوء تفاهم ""
رجعو للبيت وضلو يفكرون شنو القصة رهف طول الليل تحاول تتصل بالمالك القديم للمطعم وماحصلته
طلعت باليل راحت على مكانه مالكته صارت اعصابها نار متعرف شتسوي
_ شنو انصب عليه معقوله يبووو هذا شقى عمري وكل البقالي يالله لاتكولها يارب اترجاك ساعدني شسوي
.......
يتبع
أنت تقرأ
نساء من رصاص
Literatura Femininaنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
