نساء تجمعهم ضروف قاسية في أحد السجون العراقية لكل واحدة قصه و وراء كل قصه رجل.
الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية
ولانهن خلقن اناث في مجتمعات ذكورية دوماً تبرر أخطاء الرجال.
...
ام سما_ من يزوج يعقل ماكو احد مجان هيج قبل الزواج لاتتوقعين حبيبج المهتلف والحافي يصير صهري سنة والف ما اقبل اضل كل مايجون اطردهم ؛؛ شوفي اني شهر الجاي مسافرة رح ازوج ابو محمد ،، وغصب عنج تقبلين بسيف ماعندج حل ثاني كافي اني فنيت عمري علمودج كبرتج وعلمتج و سويتج مره ،،، شوفي دا اكلج باحر يجون اي حركه منج وملعوبه اني احرك روحي تره سمعتيني زين ؟
سما_ هايه يمه ذنبي بركبتج ،،، لاتصورين رح ترتاحين من تزوجيني ،، اني صدك هسه حسيت باليتم واحتاجيت ابويه يمي الحمد لله والشكر على كل حال لادير بال باجر رح يصير الي تردي .
................. بعد الزواج بأسبوع
سما_ ساعة 1 باليل لكو واحد عريس توه يرجع من بره ؟ وبهالطريقه هاي ؟ شوف قميصك شوف حالتك حرام عليك تره
سيف_ اييييي شمسوي قابل بدينه على نكد النسوان ؟؟ شوفي لو ما امي تره ما اخذج لو شيصير اصلا اني مو مال زواج ولا احبه بس من وره اهلي وصار الي صار بعد اتحملي حتى لا اذيج
سما_ ولا اني جنت جنت اريدك بس هذا وامر واقع ولازم نتقبله ترضه ماترضه اني زوجتك حاليا خلي نحاول نعيش مثل البشر ونتقبل الامر الواقع خلص
سيف_ اوك تمام خلي نتقبل الامر الواقع وانتي هم تقبلي الي يصير لاتحاولين تحكميني وعوفي هاي الدراما لاتتوقعين رح اخلي مره تمشيني .
سما_ براحتك سيف انت الي داتخصر
.....
سما _ اجتي خالتي للبيت وشكيتلهه من ابنهه بس المشكله الي صدمتتني بردهه العنيف وكالت اتحملي انتي ولتتعودين تشكين مو امج شمرتج هنا وراحت مالج غير رجلج بوكتهه ملكيت غير مصطفى ( صديقي وحبيبي السابق)
سما _ اجتي خالتي للبيت وشكيتلهه من ابنهه بس المشكله الي صدمتتني بردهه العنيف وكالت اتحملي انتي ولتتعودين تشكين مو امج شمرتج هنا وراحت مالج غير رجلج بوكتهه ملكيت غير مصطفى ( صديقي وحبيبي السابق)
دار بيناتنا الحديث وكمت دائما اخابر مصطفى واشكيله حته ينطيني حل. المشاكل كبرت كلش بيناتنا توصل لدرجه انو ابقه بلمستشفى ايام بسبب التعنيف الجسدي جسمي عبارة عن خرائط والوان بنفسجيه بكل مكان وصل لحد انو مره حسيت نفسي تشوهت وبعد متروح الاثار شوفو هذا الخياط اللي بايدي هاي بسجينته الخاصه
لانه جان سكران وخفت من عنده بقيت ليله كامله اني بغرفتي خاتله بسبب صوته العالي ومن كعدت الصبح اول مشافني عنفني وبعيطه من عنده جر ايدي وشكهه خله الدم ينزل وكام باصبعه يذوك دمي لحد ما بعد محسيت الاه وخياطي بيدي وتهمني انو اني منتحره
كل اسبوع جان يختفي من الخميس للسبت حته يتونس ويا بنات الليل
...... مصطفى_نصحني اروح لخالة طبيب نفسي وكالي حتى شويه تتقوه شخصيتج وتخلصين من هالضعف وتكدرين تاخذين قرار وموقف .
لكن اني رفضت اني مو مخبله ولا احد رح يتقبل هذا الشي
مرت الايام ومصطفى يحاول يقنعني اروح للطبيب واخذ سيف ويايه حتى يتعالج من طبعة السادي العنيف المشكله كل ما اواجه سيف بالموضوع اخذ كتله وتعنيف اقوى من الي قبله .
بيوم كاعدين عالغده اني وسيف
سما_ مو كافي اني شمسويتلك حتى تعاملني بهالمعامله فهمني شنو الذنب الي سويته على شنو دا تنتقم مني ،، مأذيتك بشي اني ؟ اهلي مأذيك بشي ؟ شنو فصليه اني ؟ كلي فهمني شنو ذنبي ؟
