رهف و فاطمة ديشتغلون بالمطبخ والشغل روتيني لكن بدون حماس وحده تباوع عالثانيه ميعرفن شنو يحجن
دخلت عليهم مريم بهجة و فرح وابتسامة عريضه
مريم_ شلون الحلوات
ابتسمو البنات وحضنوها وبوسوها وتحمدو ع سلامتها جانت رايحه شهر عسل بأنطاليا
مريم_ اشتاقيتلكم ليش هيج كطعتو ويايه صارلكم اسبوع ماكو بعدين تعالن شبيها وجوهكم مصفره وين صاير وياكم شي ؟
رهف_ ماكو شي حبيبتي الحمد لله ع سلامتج شوكت رجعتو
مريم_ البارحه باليل رجعنا و كلت اجي اشوفكم سما شلونها راسلتكم مناك ؟ وصلت ؟
فاطمة_ اي البارحه جنت احجي وياها وصلت بسلامة صارلها يومين
مريم_ شكو بنات احجولي
فاطمة_ والله مادري شنكول واكعين بمشكله
رهف_ اسكتي فاطمة البنيه توها جايه من شهر عسلها لايضل بالج مريومه مشكله بالشغل وتنحل ان شاء الله
بهالاثناء دخل عامل من عمالها بالمطعم كاللهم اكو شخص موجود اسمه جاد يريد يحجي وياهم
مريم_ شكو شصاير ومنو جاد ؟
طلعت رهف عالسريع عليه
وتبعتها فاطمة وركضت وراهم مريم
جاد كاعد على وحده من الطاولات ومنزل كهوه ديشرب اول ماشاف البنات ابتسم ابتسامة لطيفة
فاطمة_ احنه مو كنالك بعد لاتجي هنا شنو حاب تنسحل هالمره بنص الشارع وتنهان تره وصلتها لحدها ها
جاد_ اهدئو ياصبايا انا تركتن اسبوع لتهدءو اتفضلو هي اوراق ملكيه البناية والعقد الي بينا وازا بدكن تسألو اي حدا بالعقاري مو مشكل نحنا بدنا نحلا معكن بالشكل الودي لانو اول شي وللصدفة الجميله انو كلنا عرب واخوي مابدنا نأزيكم بشي ولا تقبلو نحنا ننأزا ؟
هلئ ممكن تقهدو شوي لكمل كلامي ولتفهمو القصة منيح
كعدو البنات بس على اعصابهم يستمعون لكلامه
جاد_ هلاء من بعد ماصار هداك الموقف بينا نحنا استفسرنه عن الموضوع فيا صبايا حصل هون سوء تفاهم واحتيال عليكن صاحب المحل القديم هداك الي على اساس باع الكن المحل هاد نصاب بيستأجر المحل شهرين تلاته او اكتر ويصطاد ناس مع احترامي لحظرتكن مابيعرفو كتير بالمنطقة وبالناس الي فيها فيبيع المحل على اساس انو محلو وانتو اساسا مارح تحسو على القصة الابعد سنه لانو بيكون دافع اجار سنه لياخذ المحل هلاء هاد النصاب عند الشرطه صارلو شهرين محبوس اذا في عندكن شي شكوى ارفعوها عليه وانا رح خلي محامي الشركه يساعدكن
ضلو البنات ساكتين مصدومين بالي سمعو مدا يستوعبون انهم ضحيه نصب واحتيال وانو خلص رح يرجعون للصفر بالاخص الموضوع جان على رهف كلش ثكيل
أنت تقرأ
نساء من رصاص
Genç Kız Edebiyatıنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
