نساء من رصاص

بارت 4

بعد سنه ...

جان شهر كانون الثاني والمطر ينزل كلش قوي وصوت الرعد يرعب
ساعة بالوحده ونص تقريبا باليل جنت كاعده منتظره سيف يرجع للبيت لازمه الموبايل بأيدي ومتوترة من الخوف اعصابي تلفانه من صوت الرعد ،،،

انفتح الباب وفات سيف بس الغريب مو لوحده جانت وحده وياه وجهه صافي مابي كدمات بقت عيني بيناتهم اثنينهم لحد ماستوعبت وكلتله منو هاي ؟؟ .. ضحك وحضنها وكال هاي مريتي !!
تهسترت وكمت اصيح ماعرفت شسوي ...
كالي يلا  اخذي هدومج واطلعي بره
اذكرت كلام مصطفى من جان يكولي انتي وحده ضعيفه كمت ادفع بي واحاول اضربه بس هوه اقوى مني

كتله_تريدني اطلع بره ؟؟
كلي_ اي امشي طلعي

كتله _ اوك ماشي رح اطلع
ماعرف عقلي وين جان

.......
اذكرت مصطفى كلامة قبل لايجي سيف من كال انهزمي لاتبقين ضيفه وراضخه انهزمي ويايه وانعيش بعيد عن اهلج صدكيني مارح اندمين
واتذكرت ردي من كتله لا ما اكسر امي الي ضيعت حياته علمودي
تاليها عافتني بلحظه ....

فكرة الانتام عمت عيني اتجهت لغرفة النوم على اساس الم هدومي وافكر وين اروح بهاليل هذا ومنو رح يتحملني واني اقرب الناس اليه اتخلى عني وعافوني ...

اتجهت لكنتور سيف واخذت المسدس مالته ماعرف شجاني وليش هيه لحظه جانت يأما ضعف يأما قوة بس الي اعرفه شخص دمر حياتي ملازم يعيش
شنو صار بعدها ما ادري ما حسيت بس صوت صياح البنيه وسيف مدمى و مدد عالكاع ...

بقيت لازمه المسدس وصافنه متفاجئه عطت على البنيه وكتلها المفروض تفرحين خلصتج من هيج انسان حيدمرج

البنيه من الخوف بقت كاتمه انفاسها وجامده بمكانها
اتجهت للموبايل وخابرت مصطفى
كلامي وياه

_مصطفى اني قوية مو ضعيفة
تعال اخذني هسه  وديني لهاي المره مو كلت محتاجه معينه وياها بالبيت الها .. ؟ تعال اخذني بس وصلني ومعليك بيه

مصطفى _ باجر الصبح اجي اخذج ب٨ اني يمج ..

سما_ ماشي اني حنتظرك

بقيت اباوع على البنيه صافنه بوجهه جان الخوف والدموع مبين عليها كتلها انتي ليش تبجين اذا باقيه وياه حتصيرين مثلي باعي وجهي باعي ايدي كلها كدمات بسببه

بقت عيني عالساعة وعلى البنيه اخاف تخابر الشرطه لو نتهزم لحد ما صارت ساعه ٨ واتصل مصطفى وكالي يلا اطلعي انتظرج يم الباب

محاولت ابدل طلعت بالهدوم العليه
طلعت والغريب اني جنت حاسة بأنتصار ماحاسه بهزيمه بقيت بيني وبين نفسي همه الي وصلوني لهذا الموضوع مو اني هذا حقي واخذته واليوم اني حررررره .

مصطفى ضل يباوع عليه مصدوم بحالتي لان اضحك وابجي بنفس الوقت سألني شنو الخلاني اخذ هالقرار هسه ؟
جاوبته _ لان اتزوج وعافني ولان هسه يلا كدرت اتعرف على سما القوية الي لازم تحكم حياتها بنفسها وترسم طريقها لوحدها اني مو تابعة لاحد اني حرررره

جان مصدوم بأجابتي ووصلني للمره وطبيت للبيت و سولفتله قصتي والموضوع من غير اخر ليله
تعاطفت ويايه كلش وكالت حساعدج واعتبريني اختج الجبيره او امج

بقيت تقريبا يومين بيتها اكل واشرب وانظف من غير تعب وكلل لا احس بتعب ولا يحزن ولا ندم ولا اي احساس كأنما ماتت كل المشاعر ...
لزمت البيت جلف تنظيف والمره سمعتها تخابر على مصطفى تكوله هاي مخبله عدها حاله نفسيه ماعرف مدا ارتاح لوجودها تعال اخذها بسرعه ..مصطفى مدا تنام بس تشتغل ولاتكعد خوفتني تعال اخذها وخلصني
وطلعت بره تكمل مكالمتها بعد مكدرت اسمع شي
باوعت عالبيت مالكيت شي انظفة

ساعة ب٤ تقريبا العصر والجو بارد او بكولون بارد ما جنت احس بشي طلعت الزوليه ودا اغسلها بره
اباوع عالمره شفايفها تتخرك كأنما داتعيط
بعدين حسيت بجرة ايد من ورايه لحد ماوعيت لكيت نفسي تحقيقات ومحكمه ..
يكولولي ليش كتلتلي ؟؟
شفت البنيه الي اجت وياه ذيج الليله واكفه
كلت للقاضي _ حتى لايشوه وجهها مثل ما شوهه وجهي !

اسبوع او ما اعرف شكد خاليني بغرفة وبهاي الغرفة اني بس كاعده اشرب واكل وانام اكو بنيه جانت دايما تدخلي تكلي اني المرشده النفسيه ...

بقت تحجي ويايه هوايه وبديها ورقه وتكتب
اني ارتاحيتلها وحجيت لها كلشي ونعرضت بعدها عالطب الشرعه حتى يكشوف امكاكن التعذيب وره ماطلع التقرير صعدت محكمه والقاضي خفف حكم القتل من الاعدام الى المؤبد

وكضيت ٣ سنوات من الحكم الى ان التقيتكم .

ماجنت اتوقع رح اشتم هوى ولا اشوف العالم مصدومه بعدني الي هسه ومدا اصدك سما القديمه ماتت وسما الجديده رح تكمل الحياة بحرية .

رهف ومريم كامو يبجون وتأثرو بسما وصوتها المكسور وبجيها الي جان اول مره بعد ٣ سنوات يطلع

.....

سمئت الضعف الذي كسر اشرعتي
واعتزلت ايام البكاء البالية ..
ماعدت انا كما كنت
ولا عادت ايامي سارية
توقفت عند ذاك اليوم
عند تلك الساعه
احاول لملمت باقي احلامي
ودفن ما مات من امنياتي

.
زينب النعيمي