الكل بقى متألم على رهف ووجعها على ابنها الي فقدته
مسحت دموعها وكامت بكل شموخ
رهف_ خلص بعد منا وجاي ابد الماضي منجيب طاريه بأي شكل من الاشكال احنه بنات اليوم والمستقبل الماضي مات وياهم واحنه الي عشنه لازم نعيش ونعيش بسعادة لان هذا هو حقنا
فاطمة_ صحيح لازم نعيش بسعاده كافي الايام المره
رهف_ باجر روحو بلغوهم مداومون بعد واخذو حسابكم وتعالو هنا ،، سما ومريم روحو سوى واني وفاطمة نروح سوى عندي شغله ويه فاطمة
فاطمة فتحت عيونها وحلكها
ورهف ابتسمت ابتسامه بريئه وغمزتلها
فاطمة_ ياستار شضامتلي ؟
رهف_ رح اكتلج هههههه
...
ثاني يوم نفذو ما خططو اله وسما ومريم طلعو سوى
ورهف اخذت فاطمة وطلعن خلصو شغلهم وحسابهم ويه الشغل وطلعن يتمشون بالسوك فاتت رهف لمحل ملابس نسائي وبدت تشيل فساتين وقمصان وفاطمه تمشي وراها وتباوع
رهف_ هاج اخذي هذني جربيهن بله ؟
فاطمة_ شنوووو ؟؟ ماريد اجربهن مالبس هيج اشياء اني
رهف_ اسمعي كلامي وفوتي لبسيهن
فاطمة_ ليش بله
رهف_ لازم تغيرين شويه من نفسج ستايلج رجولي كلش وينطي انطباع سلبي وشرس على الي يلتقي بيج اول مره وانتي شكلج طفولي وحلوه لازم تتركين كلشي يتلق بالماضي وتبدين من جديد مثل ما اتفقنه وفاطمه القديمه ماتت اجتي فاطمة الجديده الي تحب نفسها وتعتني بيها وتفتخر كونها انثى وتبرز انوثتها بكل فخر بعدين يلا ورانه بعد نروم للكوافير هم لاتأخرينا البنات هسه يضل بالهم
فاطمه _ اوك
فاتت لغرفة القياس وبدت تلبس وتطلع تشوف رهف
رهف مره تضحك مره تلطم مره يعجبها البس
اختارت بالاخير فستانين واحد بلون وردي فاتح حريري وبي فيونكه بسيطه من الصدر والثاني اسود مورد بالاحمر والاخضر قصير واخذت جينزات وبلوزات بستايلات انثويه وطبعا مانست رهف الاحذيه العاليه والاكسسوارات بعدها راحو للكوافير وغيرت لون شعرها من الاسود للبني الفاتح وسوتلها تسريح ولفه بسيطه للشعر ومن صفحه وحده خلت ماشه شعر كرستال بسيطه ولبست الفستان الوردي وحذاء ابيض كعب رفيع جدا ..
فاطمه اول ماشافت شكلها النهائي دمعت عيونها وخلت ايديها على حلكها وتباوع على رهف
فاطمة_ شكرا رهف جد اشكرج من قلبي
رهف_ اممممم لا تشكريني اني ماسويت شي هو انتي جوهره حلوه كلش بس جان عليج شويه تراب واني نفضته اتمنى تكون نفسيتج احسن وتبقين بهيج شكل ايجابي و تفكر ايجابي
اتقدمت فاطمه على رهف بخطوات حذره لان متعرف تمشي بالكعب العالي تمشي وتتمايل لحد ما اجتي ع رهف وحضنتها
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
