نساء من رصاص

بارت 27

قد يأتيك رزق الله على هيئة حب صادق
من اعظم ارزاق الله ان يرزقك بشخص
على هيئة عالم ♡

زينب النعيمي

.....

رهف_ انتي شمفهمج بهذا الشغل؟

فاطمة_ عادي اتعلم شكو بيها قابل جنت اعرف بالطبخ من اشتغلت وياج

رهف_ ممممم اشوفج متحمسه

فاطمة_ هذا احسن عرض شغل حاليا ممكن نشتغله لاتشيلين هم اني من زمان عندي مواهب رياضيه مدفونه

رهف_ هههههههههههههههه ايي محمد علي كلاي ولا يكعد راحه يونس محمود هههههههه

فاطمة_ اييييي استهزئي استهزئي متعرفين الكدامج شعدها مواهب بعد

رهف_ دخيلج كافي مواهب خلينه على كورومبو ويونس محمود والحمد لله والشكر

فاطمة_ ديلا خلي نروح للسوك اريد اشتري شغلات تجهيزات

رهف_ اويلي انوب تجهيزات ... ماشي عيني يلا كومي

............

ثاني يوم الصبح فاتت فاطمة للنادي لابسه ملابس رياضيه لون اسود وشايله شعرها ولافته ليفوك ومنزله نثرات خصل منه رفيعه استقبلها جاد بأبتسامة واسعه

جاد_ اهلا وسهلا نورتي المكان

فاطمة_ شكرا  ... شنو شغلي

جاد_ ههههه هلئد مستعجلي تبلشي

فاطمة_ طبعا غير احنه هنا يشغل

جاد_ تمام ست فاطمة تعالي معي لفرجيكي عالنادي وتتعرفي على باقي الموظفين هون

افترو بالنادي وبدا يعرفها على القاعات الي بي و الموظفين وتعرفو على فاطمة همه هم اكثر الموظفين كانو عرب سوريين ولبنانين و مغاربه

واستلمت شغلها بالإشراف على عمل النادي و جان جاد وياها طول الوقت يعلمها على طريقه الشغل و شكو ماكو بي

فاطمة فجأة كلبها كام يدك ماتعرف شنو السبب وليش لكت نفسها منجذبه لجاد كلش بدون سبب واضح بس جانت مسيطره على تعبيرات وجهه  وحركاتها

من جهة اخرى
رهف و مريم واوهان كاعدين يتريكون ويسولفون بأمور عامة بيت مريم والاجواء هادئة بالنسبة لرهف ورومانسيه بين اوهان ومريم رن تلفون رهف استلمت رسالة فتحت تلفونها طلع المرسل مراد

مراد_ صباح الخير فينا نلتقي عالعشى اليوم ؟

ابتسمت ابتسامه خفيفة لا حظتها مريم

مريم_ خير من منو هاي الرسالة اللطيفه

رهف_ شمدريج لطيفه ههههه

مريم_ مبين من رسم وجهج .. منو ماكلتي

رهف_ ها .. هاي فاطمة دزتلي نكته تعرفين بعد فاطمة وتفاهتها ههههه يلا اترخص اني عندي شغل لازم اكضي هسه