نساء من رصاص

بارت 5

طلعو البنات الاربعه متجهين لدولة اذربيجان

.....
الدولة اذر بيجان
الساعة 2 ظهرا

سما_ اوووف بعمري ماتخيلت اروح لهيج مكان حلو فاطمة باعي الطبيعة الحلوه والهوى الي يرد الروح معقولة الدنيا كلش حلوه هيج ؟

فاطمة_ واني هم ممصدكة اني هنا بس ماعرف اشو كلبي ديلعب ماعرف شكو

رهف_ هلو بنات شلونكم ..

سما و فاطمة _ زينين نحمد الله ونشكره

رهف_ حروح للسوك ماكو شي ناكله تردون شي اجيبلكم ويايه ؟

سما وفاطمة _ لا شكرا

رهف_ فاطمة اعتقد محتاجه ملابس غيري ملابسج والبسي شي يناسب الجو والمكان الي احنه بي

فاطمة_ شنو قصدج ماعرف البس لو مبهذله اشو متعرفين تحجين خاتون !!

رهف_ مو صوجج صوجي عبالي اجيبلج شي ويايه يلا طالعه باي

مريم_ بنات اليوم اريد نسهر بره انريد تحتفل بالحريه

سما_ واااو متحمسه

فاطمة_ ماريد اطلع

مريم_ لا لا فاطمة خلينا نتونس اليوم اول يوم بحياتنا الجديدة

رهف_ اعتقد صار لازم فاطمة تغير ملابسها للسهره

فاطمة_ ليش مجوزين مني لخاطر الله شنو خاله كورتج ويايه ؟!!

تقربت من رهف وجرتها من ملابسها رهف دفعتها وتعكافشن من الروس
وسما ومريم يفاككون بيهن

مريم_ هاي شنو بنات شنو هالسوالف مال الجهال ... تره كلنه تعبانين و مابينه حيل هالسوالف وانتي فاطمة اعقلي شويه بلا مشاكل لاتنسين احنه اتفقنه من البدايه ماكو مشاكل ولا كلمة لا كافي اكعدي واسكتي

رهف_ خلي اطلع اسوك احسن !!

............
الساعة بال١٠ ونص تقريبا باليل
البنات دخلن مقهى ليلي والاجواء كلش صاخبه وصوت الموسيقى عالي
كعدو على الطاولة وسما بدت تندمج ويه الموسيقى وتركص و فاطمه معتزله وبس تتفرج و مريم و رهف يتبسبسون ....

مريم _ باجر الصبح نطلع

رهف_ اي ضروري كافي لهنا وصلناهم كثر خيرنه والله بعد همه يتحملون مسؤولية نفسهم

مريم _ هاهيه ،، اكلج بيتج هناك جاهز لو لا ؟؟

رهف_ اي كلشي جاهز بس فلست ولا عانة عندي تره يادوب توصلنه لهناك

نزلو العشى و فاطمة متقبل تاكل الاكل ماجان عاجبها

مريم_ متاكلين شكو صافنه

فاطمة_ ما اكل شي ما اعرفه

مريم_ شتردين انزلج تشريب مثلا لو باكله هو هذا الاكل المتعوده عليه اكيد