الحب هو ان تتعلم العطاء قبل ان تتعلم كيف تأخذ
الحب مواقف وافعال ليس كلام ندونه على الجدران
الحب شيء عظيم ومقدس للقلوب الحية التي تنبض قلوبها لأجل غيرها
❤🌹
زينب النعيمي
طول الحفلة وعيون مريم وأوهان يلتقون جان احساس حلو تشعر بي مريم خجل على اعجاب على شي ثاني ممفهوم البنات لاحظو ارتباكها وطبعا راحت سما للبنات وحجتلهم عالصاير طلعت رهف وفاطمة من المطبخ ويباوعون من بعيد ويبتسمون
خلصت الحفله وبدو يطلعون المعازيم بقى اوهان اخر واحد تقريبا
أوهان_ ممكن ان اخذ رقم هاتفك ؟
مريم_ شتسوي بي ؟
أوهان_ ان لم تمانعي اريد ان اعزمك على قهوى ؟
مريم_ تمام
تبادلو الارقام وجانو البنات خلف الكواليس يتابعون الي ديصير استأذن أوهان وطلع اندارت مريم ولكت البنات صافنين عليها وطكوها بضحكه عاليه
مريم_ شبيكم تره طلب رقمي كال اخاف اصير عندي مناسبة حتى احجز هنا لان مطعمكم جوه حلو
رهف_ اييييي شكو بيها ونسويله تخفيضات هم
مريم_ شنو قصدج ولج
رهف_ هههههههه ماقصدي شي حبيبي بالتوفيق
فاطمة_ خوش رجال مبين لطيف وانيق
سما_ شفتو طوله ووسامته وااو فدشي
مريم_ شنو هالحجي بنات عيب تره
فاطمة_ بدت الاخت تغار من هسه ههههههه
مريم_ شبيج بابا اهوووو خلي اروح اكمل شغلي شرح يخلصني من حلكجن
مر يومين والحياة طبيعيه روتينه بحياة البنات الاربعة و اوهان اتصل على مريم وحددو بوقت المساء يعزمها
مريم_ رهف اريد اخذ اجازه واطلع
رهف_ خير شكو
مريم_ ضايحه اريد اطلع اتمشى عالبحر
فاطمة_ امممممممممم اي من حقج
مريم_ مالج شغل انتي
رهف_ انتظري شويه ونشطب شغل ونطلع نتمشى كلنه
فاطمة_ اييي والله محتاجين شويه نكعد عالبحر
مريم_ لا اريد اروح وحدي
رهف_ اكو شي مريم ؟
مريم_ ماصاير شي اريد اكعد وحدي
رهف_ ما اقبل
مريم_ ليش بله ؟
رهف_ كوليلي الحقيقه يلا
مريم_ اهووووو حطلع ويه اوهان عازمني
فاطمة_ اهاااا عازمها البحر عيني
مريم_ وبعدين !!!
فاطمة_ خلص خلص سكتت
رهف_ اوك حبيبتي بس ديري بالج ع نفسج
مريم_ تمام رهوفه
فاطمة_ سلمينه عالبحر مريومه
مريم_ سخيفه
فاطمة_ هههههههههه
رهف_ كافي فاطمه ههههه
جان الجو كلش حلو والمطع الكعدو بي هادئ ورومانسي بدو يحجون ويتعرفون اكثر على بعض
طبعا مريم حاولت تتهرب من هواي اسئلة بالاخص الاسئلة الي تخص ماضيها بالعراق
كل الي حجته انها مطلقة بسبب ما تفاهمو وانها رادت حياة وهو راد حياة ثانيه اوهان هم جان منفصل وعنده طفل عمره ٧ سنوات ومنفصل من خمس سنوات
بدت مريم تنعجب اكثر بأوهان بشخصيته وذوقة واخلاقة وكلامه الطيف الي افتقرت اله بعلاقتها ويه عمار ابد ماجانت تسمع منه كلام غزل او لطيف ولا بعمره حسسها انها انثى لكن الامر مع اوهان كان مختلف بكلشي حست بشعور جميل جدا
حست بالبساطه بالحياة بأنها انثى وتجذب الشخص المقابل
كانت ليلة من الخيال عاشتها ويه أوهان اكلو و سولفو وركصو وطلعو يتمشون وبعدين وصلها لباب البيت
أوهان_ كان وقت جميل جدا اتمنى انه لم ينتهي
مريم_ فعلا شكرا لك
أوهان_ اتمنى ان نعيدها ؟
مريم_ بالتأكيد
أوهان_ تمام تصبحي ع خير
اتقرب عليها وباسها من جبينها وتركها ومشي ضلت صافنه ولزمت جبينها وابتسمت اندارت بكل مرح وخفيه وفتحت الباب
سما_ شلونه موعدج الاول ؟
مريم_ سويتو موعدي الاول
فاطمة_ هسه دحجي شبيج شصار وياج ؟
مريم_ ماكو شي كعدنه سولفنه وتعرفنه ع بعض اكثر
فاطمة_ شنو يعني شنفتهم منج هسه معجب بيج لو شنو
مريم_ امممممم اعتقد هههه
سما_ واااااو كلش فرحانتلج حياتي
فاطمة_ ديري بالج تأكدي منه يلا تنطي كلبج ؟ هذوله الزلم مو سهلين لاتكولين تركي لو سويدي لو امريكي هذا كلهم من نفس الطينه مصنوعين
مريم_ الله كريم .. اكلكم رهف وين ؟
فاطمة_ ابوها تعبان بالمستشفى ناقلي خابرها ايسر وهيه انهارت كوه سكتناها وهسه اخذت حبوب مهدئه ونامت تريد ترجع للعراق تشوف ابوها
مريم_ ليش مكتولي بنات
سما_ ماحبينه نقلقج وانتي طالعه موعد واحنه هنا قابل لوحدها هيه
مريم_ تخبلت شنو ترجع للعراق
رهف_ اي رح احجز باجر وارجع
فاطمة_ تخبلتي شلون ترجعين وانتي ميته واذا احد شافج وعرفج انتي اخوتج ميعرفون بيج عايشه تردين تموتين
رهف_ اذا ابقى هنا اموت
مريم_ حبيبتي قابل روحتج شرح تسوي رح تضره ما تنفعه صدكيني رح يدخل بسين وجيم وهو موكادر عليهن فكري بعقلج حبيبتي وادعيله وكلنه ندعيله الله يكومه بالسلامه
....
يتبع
زينب النعيمي
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
