الكل جان ساكت مايعرف شنو يكول او شلون يواسي فاطمة تقربت سما وحضنت فاطمة وانفجرت بالبجي وياها اما مريم جانت مدنكه راسها وعيونها مليانه دموع رهف حاولت تسيطر على مشاعرها مسحت دموعها وكالت
رهف_ المهم خلصتي انسي انتي اليوم انسانه جديده اتركي كل الماضي السلبي احلمي وحققي احلامج سوي كل شي تحبي
مريم_ اني ويه كلام رهف احنه كلنا هنا بدبنه حياة جديده وشخصيات جديده لازم نتسى الماضي حتى نكدر نكمل حياتنه بشكل صيحيح ونحاول منكرر اغلاطنه
فاطمة_ اني اعتذر عن الاسلوب الي قايضتكم بي بس هذا الحل الوحيد حتى اكدر انقذ نفسي جدا اشكركم رهف و مريم انتو انطيتوني حياة جديده
رهف_ كافي دراما اليوم يلا عالنوم عدنه شغل باجر
مريم_ عاااا لاتذكريني بالشغل
سما_ اي والله لاتذكرينا
رهف_ اعتمدو على نفسكم وسوو لنفسكم قيمه وكيان
انتي مثلا سما ،، لانو جنتي خوافه ومو صاحبة قرار واستسلمتي للواقع شفتي شلون ادت النتيجه
ومريم نفس الشي جانت مدلله متعوده الي اريده يجيها متتعب بشي لذلك كانت خياراتها غبية وخطئ
فلذلك اكوللكم اعتمدو على نفسكم كونو كيان وشخصيه وهدف بهاي الحياة حتى من تختارون تختارون عن تعب ووعي وثقه
فاطمة_ ماعرفتج هيج حكيمه رهف عبالي بس تعرفين تطبخين ههههه
رهف_ اووو افاجئج اني عيني ،،، يلا يلا كل وحده على فراشها
...
ثاني يوم الصبح كل وحده راحت لمكان شغلها
لكن كل وحده كانت تعاني من مشكله بالشغل
مثلا:
كانت مريم تعاني من خشونه وقسوة العمل
وكانت سما تتعب حيل وماعدها استراحه
بالاضافة الى ضعف اللغه ماجانت تكدر تجاريهم
اما فاطمة فجانت مشكلتها هي انو المكان الي اشتغلت بي كان كم شخص بي عنصريين ويتصرفون بعنصريه وياها وتجريح
اما رهف كانت تعاني من ضغوط شغل قويه بالاضافة الى الراتب القليل بالنسبه لعملها جانت شيف اول معحنات وحلويات لكن راتبها جدا ضعيف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
