نساء من رصاص

بارت 21

حسين_ شبيج سما ليش تتهربين مني ؟

سما_ ماكو شي وعليش اتهرب

حسين_ لا مو مثل قبل من بعد ماسمعتي كلمة احبج وانتي مو طبيعيه

سما_ انت تشوف هذا وقته نحجي بهذا الموضوع ؟

حسين_ لعد شوكت انتي تتهربين مني واتصل متجاوبين شوكت نحجي سما

سما_ خلي تخلص الحفلة وراها نكعد ونحجي

حسين_ تمام منتظرج

.....
الاجواء كلش حلوه العرس مليان حب ورومانسيه ومشاعر رهف واكفه تباوع على مريم ومبتسمه
ومريم جانت تركص ويه عريسها
فجأة تقدمت رهف على الستيج ووكفت الموسيقى
اهذت المايك وهنتهم بالتركي وراها حجت عراقي

رهف_ الف مبروك حبيبتي واختي ورفيقة دربي ادري قليل رح يفهمون كلامي هسه لان بالعربي بس لازم احجي اليوم يوم العمر وماجان لازم يمر وبي نقص
واريد اخليلج هاي الفرحه مميزه اليوم كلش بحياتج
مريم اريدج تباوعين على الباب

وراها مريم باوعت على الباب واوهان والموجودين على نظرات مريم اندار نظرهم انفتحت الباب وطلع الدخان لابيض وبنص هالدخان طلع منه رجل كبير بالعمر لابس قاط نيلي ومبتسم

مريم خلت ايدها على حلكها وكامت تبجي

مريم_ بابا لا لا اني بحلم اكيد

ركضت عليه وحضنته حيل شبكته وهيه تبجي وهو هم شبكها ويبجي

ابو مريم_ اشتاقيتلج بنتي الغاليه

مريم_ مو بكدي احس كلبي حيوكف والله من فرحتي

ابو مريم_  الف مبروك حبيبتي تتنهنين يارب

مريم_ احبك انت احسن اب بالعالم

رهف_ ها شلونها مفاجأتي مريومه

مريم_ ماعرف شكلج والله انتي اختي الي ماولدتها امي اليه احبج كلش رهوفه بس شلون سويتيها ؟

رهف_ ادري موكت ندخل بتفاصيل بس ادري الفضول رح يكتلج ههههه المهم اتصلت بأيسر وكتله يدزلي رقم والدج بعدها اقترحت عليه يسوي سفره مرضيه لليونان ومن اليونان سوينه اتصالاتنه دخلنا تهريب حتى لايبين بجوازه هو بتركيا طبعا بمساعدة اصدقاء ايسر رتبناها وبس يخلص العرس يرجع لازم لليونان فلاتضيعين وقت وعيشي هاي اللحظات حبيبي

مريم_ شكرا رهف وتشكريلي من ايسر هوايه مارح انسى وكفاتكم ويانه

رهف_ انسي يمعوده انريدج بس تعيشين بسعاده بلكي نكر وراج واخلص من فاطمة وسما وازوجهن ههههه

مريم_ ان شاء الله كلجن اشوفج احلى عروسات
... تعال بابا اريدك تحجيلي شلونك صحتك شلونها شلون الحياة بعد موتي امي شلونها