رهف_ ماكدر رح اموت من الخنكه
سما_ قابل روحتج شرح تسوي رح تعرضين نفسج للخطر
فاطمة_ احسبي نفسج بعدج بالسجن واكعدي شبيدج تسوين ؟!
رهف_ هذا ابويه شدا تحجون انتو
مريم_ نعرف والله ومقدرين بس انتي ميته هناك والميت ميرجع رهف اذا رجعتي رح تفتحين كل الدفاتر
رهف_ اه ياربي ساعدني
فاطمة_ احنه كلنا يمج والله موجود لا يعوفج ولا يعوفه ادعيله حبيبتي
ضلت رهف تحجي ويه ايسر اخوها والبنات ابد ماعافوها حتى بوقت النوم نامو وحده بصف الخ
وضلو يسولفون بأمور هوايه يحاولون يخففون عن رهف
بعد ساعات اتصل ايسر ع رهف وكال دخل للعمليات ونجحت العمليه الحمد لله
البنات كلش فرحن على فرحة رهف وقررو يسوون احتفال بسيط بالبيت على سلامة ابو رهف
فاتت فاطمة للمطبخ تسوي الاكل و مريم ترتب الطاوله وتزينها للحتفال ورهف تنظف وترتب البيت اما سما فراحت تتسوك الاغراض الي يردوها
رهف_ ها فطومه وين وصلتي ؟ تردين مساعده؟
فاطمة_ لا كلشي تحت السيطره اليوم ارتاحي اني الشيف رح اصير
رهف_ ههههه امممم والله وصرتي تعرفين تطبخين
فاطمة_ بجهودج غير 24 ساعه حاصرتني يمج بالمطبخ بالمطعم وبالبيت اصلا هذا اقل شي اسوي
رهف_ هااا هسه طلعت حاصرتج مو ؟!
مريم_ اريد فد يوم افوت عليجن ما الكاجن تتناكرن يبووو ههههههه
فاطمة_ لا بس اسطه رهف مدا يعجبها شي
رهف_ خلي اروح اكمل شغلي رح تستلمني اثنينجن شحيخلصني بعد
مريم_ اشو سما مارجعت ؟
فاطمة_ اييي والله وين طست هالفصعونه ؟
رهف_ بس لا تيهت
مريم_ معقول لا لا
رهف_ شلون نطلع ندور فقد طفل كبير اسمها سما
هو صوجي الي وافقت تروح ابدالي للسوك
وكفت سما بنص الشارع و شايله علاليك المسواك الهوايه تاخذ نفس وتستراح شويه شافت حديقه براس الشارع كالت لنفسها خلي اروح اكعد استراح هناك شويه
كعدت تستراح والجو ربيعي كلش حلو وريحه الزرع النقيه تريح الاعصاب غمضت عيونها على انغام عزف هادىء صوت الموسيقى جان متناغم ويه الجو والمكان حتى نست الوقت ونست وين كاعده بعد وقت قصير فتحت عيونها وحاولت تعرف طريق لمصدر الصوت اتمشت لكت شاب كاعد بصف نافوره تتوسط المكان
طويل ابيض شعره اسود وعيونه كبار عمره 30 سنه وسامته وهيئته تنطي جمال روسي
اتقربت سما مبتسمه ووكفت مباشره اله تسمتع لعزفه على اله الكيتار خلص عزف صفكتله سما بحماس
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
