ضلو البنات صافنات محد عرف شنو يكول وشلون يواسي مريم
اجتي رهف وحضنت مريم وباستها من راسها
رهف_ عدت حبيبتي هاهيه كلشي صار ماضي
سما_ الحمد لله خلصتي من هذا الحيوان
فاطمة_ قصرتي ما كتلتي للناقص
مريم_ اتمنى لو كاتلته اله بس هيه هيج جتي
رهف_ الحمد لله على كل حال ..
يلا بنات روحو ارتاحو
ثاني يوم اجتمعو البنات عالريوك
كعدت مريم و فاطمة عالطاولة جانت رهف دتسوي الريوك ولحكتها سما تساعدها بتقديم
رهف_ بنات لازم كل وحده تشتغل تره فلوسنه يادوب وصلتنه لهنا ولاتنسون بعد ورانه اقامات و فواتير المي والغاز والكهرباء و المسواك
فاطمة_ انتي تعرفين المنطقة اكثر ساعدينه واحنه نشتغل
رهف_ اوك خلصو شغل وتحضرو حتى نطلع ندور شغل
طلعو البنات الاربعة يتمشون بالشارع ورهف تقودهم للطريق لانه جانت عايشه بهاي المنطقة سابقا وكفت كبال مطعم سمج بحري
رهف_ اوكفو هنا خل اشوف هذا المطعم محتاج عمال ؟
فاتت رهف شويه وطلعت وصاحت على فاطمة ودخلت جوه حجت ويه صاحب المطعم انو هيه هاي البنيه والرجل وافق
رهف_ فاطمة هنا شغلج بالمطبخ رح تغسلين مواعين وتساعديهم بتنظيف السمج ميحتاج عملج ذيج اللغه و هنا رح تتعليمين شويه شويه لغة منهم ركزي على شغلج تمام
فاطمة_ اوك
رهف_ يلا رح اعوفج هسه تبلشين واني ارجع اخذج بين ما تتعلمين عالطريق كوني مطيعه و اليفه ههههه
فاطمة_ هااااا شنو قصدج
رهف_ ماكو شي بس انتهبي ماشي يلا باي
طلعو البنات كملو مشوارهم بالمشي ووكفت رهف يم افران خبز تركي وفاتت وره شوية طلعت صاحت مريم
مريم_ ها رهف شنو شسوي
رهف_ رح تشتغلين وياهم بالمعمل جوه تساعديهم
مريم_ اهووو شنو هالشغله هاي مالكيتي غيري خلي سما تشتغل هنا
ما اوصخ ايدي ماريد
رهف_ الكل رح تشتغل هيج شغل مريم كلنه بالمطابخ تره انسي انتي منو هذيج مريم ماتت بالعراق
مريم اليوم غير تختلف رح تعتمد على نفسها وتشتغل وتبدي حياتها الجديده
مريم_ رح احاول
طلعت رهف واتمشت هيه وسما لحد ماوصلو مطعم غربي عالبحر عالساحل جانت تعرف صاحب المطعم طبت هيه وسما وحجتله تريد شغل لسما وانطاها الوظيفه
رهف_ سما رح تشتغلين بالمطعم جوه ايد الاسطه او الشيف تمام تساعدي ورح اكتبلج كلمات مال مطبخ تساعدج حتى تفهمي وانتي شويه شويه تتعلمين
واني باليل اجي اخذكم ونرجع
طلعت رهف بعد ما امنت شغل لكل البنات واتجهت تمشي عالساحل لحد ما صعدت عالشارع وصار مطعم فخم مقابيلها فاتت وحجتلهم انو هيه شيف معجنات وحلويات وخلوها تحت اختبار الشغل لمده اسبوع ووافقت رهف
......
بعد عناء يوم طويل
مرت رهف واخذت كل بنيه من مكانها واتجهو للبيت
مريم_ مدا اتحمل ميته تعب باعي اظافيري عاااااا مدا اتحمل اباوع على نفسي
سما_ اني هم ميته تعب متوقعت هيج الشغل صعب حموووووت
رهف_ رح تتعودون اصبرو شويه
.. واناي فاطمة شخبارج شو ماعلقتي
فاطمة_ اني متعوده على التعب عادي اتحمل اي شي ولا ارجع لهذيج العيشه
رهف تقربت عليها ومسدت على شعرها والله اظاهر انتي الوحيده الي مرح اتعبيني هنا
فاطمة_ اطمئنو اني ما اريد ازعج احد ولا اتعبكم تره صح تشوفوني عدوانيه وعصبيه بس والله غصب عني انتو متعرفون الي مريت بي
رهف_ شنو قصتج فاطمة ؟
.
زينب النعيمي
أنت تقرأ
نساء من رصاص
ChickLitنساء تجمعهم ضروف قاسية في أحد السجون العراقية لكل واحدة قصه و وراء كل قصه رجل. الخيار مابين الموت والحياة يدفع بأبطال قصتنا الى خطوة جنونية نحو المجهول هاربات من قيم ومعتقدات لا إنسانية ولانهن خلقن اناث في مجتمعات ذكورية دوماً تبرر أخطاء الرجال. ...
