اللقيط

الجزء الثالث

السلام عليكم
نعم ان الله حرم المحرمات لما فيها ضرر على الانسان واخطر هذه المحرمات هي الزنا والعياذ بالله قوة الشهوه والشيطان قد يرتكب بعضنا الاخطاء ولا نعصم انفسنا من الاخطاء المحرمه في كل مجالات الحياه وخاصه العلاقات الغراميه خارج حدود الزواج اي الحل الشرعي لهذه الامور
قد تكون البداية جميله لهذا الفعل ولكن الاثار السلبية من الفعل قد تكون كارثيه وهي وجود حمل وينولد طفل ليس له من ذنب
فقط فعل اثنان قرر بهم فعلهم بدون اي من الشرع والعرف والقانون
ويكون هذا الانسان ضحيه وتكون حياته اشبه بالجحيم ويكون اثر فكري ونفسي وله ردود سلبيه على المجتمع الذي يعيش فيه

نرجع للقصه وفعلآ صبح الصباح واذا العائله سمعو طفل يبكي وحجي علي شايل الطفل والحجيه وياه كاعده
الكل انصدم بالموضوع من هذا الطفل وشلون اجه وشنو قصته بعد ما الكل صافن ومذهول قرر الحجي يجمع العائله باليل وكل الولد والبنات موجودين
بس
الحجي قرر يتبنى الطفل
واذا ربه الطفل شلون راح يتعايش وياهم الحجي الافكار اطارده في كل مكان والحجي ما يعرف
وقرر الحجي انو محد يعرف بالموضوع خارج العائله
لان اذا عرفت المنطقه راح ايكون الوضع اصعب والحل ايكون صعب جدآ
وبعد ما سمعت سارة  ضلت تعلب بعقله وكالت لزوجها حسين
اكلك ابوك جاب طفل لقيط وابن حرام للبيت
حسين ... ماعتقد ابوي ايبقي الطفل يمه لان ابن حرام وحتى لو بقاه مستحيل نقبل
ساره ولله ابوك متستر بالدين خاف ابنه من غير زوجه وماتت
حسين ... ابوي لو ايريد يزوج جا تزوج من زمان بس ايحب امي ويخاف على زعلها
سارة .... لعد شنو الطفل وشنو قصة باليل نسمع

اجه عبدلله للحجي
ماما فهميني موضوع الطفل
الحجيه... الطفل ما عرف بي والموضوع كله يم ابوك
عبدلله خاف ابوي مزوج
الحجيه ... لا ابوك مي سويه لو راد من زمان تزوج
عبدلله ... ماما السالفه تخوف والمنطقه اذا عرفت شنو رد فعلنا كدام الناس
الحجيه ... الحل كله يم ابوك
اجن البنات الصغار
ماما ولله ما نرتاح لهذا اللقيط
الحجيه انصدمت لردود الفعل
مال الصغار
والبيت كله منتظر قرار الحجي
حجي علي العصر طلع
وراح لصديقه حجي ياسين ابو ناصر انسان معدل وفريضه ويفتهم
بعد ما سلم عليه وكعدو
كله حجي علي شبيك مو على بعضك
الحجي ولله يا ابو ناصر انه لكيت لكوه
ابو ناصر... ها خير شنو لكيت
حجي علي.... لكيت طفل لقيط وخليته بالبيت وبعدني ما متخذ قرار على الطفل ولا متشاور وي  ولدي وانه اجيتك عل  مود اخذ منك الراي لان تعبت من التفكير والقرار مو سهل مستقبل انسان
ابو ناصر... حجي انه معدل وفعلك قله ايسون مثله لان محد يكدر ايجيب طفل لبيته وهو يعرف بي ابن حرام
عند هواي خيرات يا اما اتسلمه للشرطه وانته تعرف احنى بزمن صعب وزمن خوف وراح تشبع تحقيق
او تسلمه الى مركز الايتام  او تبقي عندك بالبيت وتربي
وتحسن وياي ولله سبحان وتعالى اكيد ايجازيك على هذه الشي
واذا ما تكدر انطيني انه اربي
حجي علي... ابو ناصر انته تعرفي بي انه احب الطفل وتعلقتي بي ومو بهل سهوله انطيك اياه او اسلمه للدار الايتام او للشرطه وانه راح اربي عندي

ابو ناصر..... انته تتحمل عب كبير من ولدك ومن المجتمع والطفل راح ايعاني هواي كل كا يكبر كل ما ازيد معاناته
حجي علي .. ما اخلي احد يعرف بي لقيط
ابو ناصر... لامو من المجتمع راح ايكون هذه الشي تعرف بي العائله واكيد راح ايعرفون وانته بيوم من الايام راح اتموت هو ايضل ايعاني من بعدك

حجي علي ... ابو ناصر انه اليوم اجمع العائله واكلهم على هذا الشي وهذا الطفل هدية من لله سبحان وتعالى مستحيل اخلي ايعاني واحد راح ايأذي
اهم شي ارضي الله والباقي ما راح ايهمني احاول ان أئسس حياة لهذا الطفل واخلي مراح ايحس من صعوبة الحياة
مهما كانت قساوتها والظروف والايام والصعبه والتعايش مع الايام واللحظات التي لاتكون سهله او تكون صافيه

يتبع في الجزء الرابع