اللقيط

الجزء السادس والعشرين

السلام عليكم ورحمة الله وبركاته

بقلمي

الكاتب احمد الخفاجي

◇◇◇◇◇◇◇◇◇◇◇◇◇◇◇◇◇◇

ا تستخف بدموع احد يتئلم
فالبشر عبثو في القلوب فساداًً...ً

وأسواء مافي دروس الحياة
اننا لا نستوعبها غالباً إلا بعد فوات الاوان...

ومؤلمه تلك الشهقه التي تخرج منك وقت البكاء وتكتمها
فتشعر حينها ان قلبك توقف عن النبض...

انني ابوح ب احاسيسي هنا لأني لا أجيد ولا احب التحدث مع الاخرين....

عبد ال توبه::: لطيف هذا  عنواني ارجوك لازم نشاوف مرة ثانيه
لطيف ::: انشاء لله نشاوف

عبد شغل سيارة وراح الى بيته وكان جدآ حزين على لطيف
عبد ايكول انه ليش خليته ايروح خاف معنده احد
وهو مصاب وجرحه بعده
هذا الشاب ليش كلي هذا الكلام معقوله يعترف على نفسه ويكول لقيط

من وصل عبد للبيت تلكته زوجته سعاد
ها عبد شبيك ضايج

عبد ال توبه:::: ضايج على هذا الشاب المراهق  طلع من المستشفى اليوم
سعاد ::: اجو اهله
عبد ال توبه::: لا بس صدمني بقصته
سعاد ::: شنو قصته
عبد ال توبه  ::: من كتله  وين اهلك او اي احد من اقاربك كال اني ما عندي احد اني لقيط عشت بيت رجال جبير  ومن مات ضلموني ولده وحد قتلوني بس ارادة لله كان انا في عداد الموتى

سعاد :::: يا خطيه بس ماسئلته ليش رادو ايقتلو
عبد ال توبه:: اي سئلته بس كال اني جنسيتي بس ابوهم وخاف اطالب بالورث رادو ايخلصون مني

سعاد ::: ولله ناس طايح حظهم اخلي ايشوف حياته مو اقتله
عبد ال توبه  ::: ما قبل يجي وياي كلش يستحي بس انطيته مصرف بس خاف ماعنده مكان ايروحله
سعاد ::: عبد اهم شي سويت الصح وانطيته مصرف
عبد ال توبه  ::: انه الي سويته لوجه لله وانه لله يجازي كل انسان صالح

طلع لطيف وحده  يمشي بالولايه محتار وين ايروح كان الالم ماخذه والخوف من عامر او اي احد من عائلة
حجي علي ايشفونه
كان يمشي بخوف وبحذر وكان الجو بارد وبدت الناس
تخف من السوك
وصل للشط ضل صافن ايفكر وين ايروح وبدأ الظلام
وبدءت الاصوت تختفي لان ليل الشتاء يكون هادء
ضل يفكر وين ايروح اذا ايروح الى هاجر زوجها مجود وراح يضايق واكيد العائله  تعرف ويوصل الخبر الى عامر وينفضح امري وما اريد ايصير ضغط على هاجر
بسببي واتكون موقفه صعب خليه مستقره في بيتها

ضل لطيف  ايده على خده ويفكر وين ايروح  ويطر اي باب من الابواب ايروح لصديقه قيس بس بيته بالمنطقه الي بيه بيت حجي علي وبيوت ولده اهناك
والمنطقه كل تعرفه