السلام عليكم ورحمة الله وبركاته
✍
الكاتب احمد الخفاجي
حسابي انستا
zoi.93
_
________________________________________
البعض من المتابعين دائمآ ايكولون البارت قصير
بس الي يقرأ مو مثل الي يكتب
وانشاء لله اطول البارت
صلاح كعد من الفجر لان عمال الافران ايخبزون الفجر غسل وجها رجع للغرفه شاف لطيف نايم نوم عميق جدآ كأنه ما نايم من ايام
بس صلاح خايف على لطيف من العمال الي بالفرن
لان لطيف جميل جدآ
وتعرفون الفساد الي اصبح بي المجتمع
اصبحنا انخاف على الولد اكثر من البنت
سد الغرفه صلاح وتوجه للعمل وبدأ الشغل وحركة ناس اول الصبح وجو بارد
ودوام
بس كل شويه صلاح ايروح للغرفه ايتفقد لطيف خاف ايصير عليه شي
صلاح ... ها لطيف صباح الخير
لطيف :::: صباح النور
صلاح ::: شلون صرت
لطيف ::: الحمد لله ارتاحيت نمت نوم فضيع
صلاح ::: راح ارجع للشغل انته ابقى كاعد على ما اخلص ونتريك اني وياك
رجع صلاح ابيع صمون وبهل الاثناء اجه حيدر الاسمر
ابو الفرن
حيدر الاسمر ::: ها استاذ صلاح صاير اجيب حلوين للفرن وتبيتهم يمك
صلاح::: حيدر انته رجال جبير وخلي تفكير نضيف لاتظن بيه السوء
حيدر الأسمر::: هي مال ادروب كلهن طكن جواي
صلاح ::: اعتقد الي وصلك هذا الشي فاهم الموضوع غلط هذا الي بات بالفرن اعرفه شخصيآ وابن ناس ولا ايرح بالك لغير شي واني مو طبعي ولاتربيتي ولا اخلاقي اصير انسان فاسد
حيدر الاسمر::: عوف المثاليات والكلاوت بس اتكمل شغل اشوف شنو قصته
اني رايح فد ساعه وارجع شغل سيارة حيدر وطلع
صلاح كمل شغله وجيك الحساب والعمال سوو ريوك
بس هو اخذ حصته وراح وي لطيف
تريكو وكملو
لطيف ::: صلاح هسه اني شسوي اريد حل
صلاح :: ابو الفرن اريد ايشوفك هو ميعرفك ترى انته كله انه كنت اشتغل بالمجمع الي بالفرع
وبطلت وانه اداوم بالاعداديه وشفت صلاح وبتت يمه
لطيف:: خاف هذا ابو الفرن ما ايشغلني عنده او يطلع يعرف عامر وينطيهم ابو الفرن خبر ويجون عليه وبهذا الحاله شسوي
صلاح ::: انته بس احجي وياه ولتخاف منه
واذا مقبل ايشغلك انه ابطل منه وانروح انه وياك اندور على شغل
لطيف :::: اني جنسيتي اختفت بوقت الحادث ولا جنسيه ولا اي مستمسك شلون اضل هيج
صلاح ::: سهله بس يستقر وضعك انروح للنفوس وانسوي بدل ضايع
أنت تقرأ
اللقيط
Ficção Geralهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
