اللقيط

الجزء الثالث والثلاثين

السلام عليكم ورحمة الله وبركاته

الكاتب
احمد الخفاجي
ahmed_93iq

************************************

اني استسلمت للقدر وبعد ما اكدر اسوي شي اباوع لعيون صلاح حمر شفايفه يابسه 

وسميه بس اتصيح اقتله   وانا ما اعرف شنو اسوي   الدنيا ظلمه في عيوني  واني شعرت  بالموت  الذي لا بد منه غمضت عيوني   واعلنت الاسستلام لهذا القدر الذي يطاردني  سميه كانت خايفه  تصيح صلاح اقتله اني قلت بسم الله الرحمن الرحيم  وضليت اقرأ اية الكرسي

هو فز وكعت السجينه من ايده  سميه طفرت وشردت واني شردت وصلاح لزم رجلي وكعت بالارض اني اسحب وهو يسحب دفعت السجينه بايدي جوة الطباخ
كتله صلاح اني لطيف ليش تغيرت حس شوي ما كو فايدة من الحجي لك صلاح اتركني خلي اروح راحت سميه بس ما اعرف وين

ابد ميحجي شي بس عيونه مفتوحه ومغضب ماكنت مخلي بالي صلاح مسحور بس انه ماعندي عقل افكر بي ماكدرت اقاوم قوته رجع نام على صدري وخله اصابع ايده بركبتي وخنكني ضليت كوه اتنفس وبس احرك رجليه واديه دفعته بقوة على اخر نفس طك راسه بالميز مال الطعام نزف دم من راسه وكع على الارض اني وكفت باب المطبخ اجيت اروح من شفاته ينزف بعد ما كدرت هذه اخوي ما اكدر اعوفه وانه مديون اله بكل حياتي

فتح الثلاجه ما لكيت بيه شي رجعت اخذت صلاحيه وترسته مي من الحنفيه وغسلت راسه كان مغمي عليه وغسلت وجه بس احس كلبه ايدك بسرعه وراسه حار جدآ اني هنا خفت عليه وكفت واذا صلاح يرفسني بظهري وكعت شمر عليه الصلاحي دنكت

كتله صلاح اشبيك صلاح انه لطيف صديقك صلاح ليش تغير ما جاوب ولا حجه شي الساعه تقريبآ ب ٤وربع ماكنت افكر بالسحر او اعرف هيج سوالف ولا انتبهت على نفسي من قريت اية الكرسي

بس اني ما اكدر اعوف صلاح اكدر اضل يمه يقتلني موت ولا اعوف صلاح وحده بالبيت لان احسه مو على بعضه لايمكن صلاح يتغير مهما كانت الاسباب بس لازم اكوشي   ايخلي صلاح هيج حالته كلت خاف صلاح انجن ضليت اقرأ ايات قرأنيه بصوت عالي هو هاج كلج وظل ايكسر اني خفت منه حيل ومن الحال الي هو بي

كلت خلي استمر بالقرأه لحد ما بدأ يهدأ وضل متمد على الارض لا اكدر اتقرب عليه ولا اكدر اعوفه وامشي واني على هذا الحال واذا اسمع صوت برى البيت اعتقد سيارات هواي ما سمع اله اله اندفر باب الاستقبال وخلو الشرطه للبيت ما اسمع اله سلم نفسك سلم نفسك
وجهو السلاح علينه دنك دنكت ربطو اديه كتله خلي افهمك كال اتجب حراميه
اني ضليت ساكت اخذونه وصعدونه بالبدي مال سيارة الشرطه واخذونه للمركز

صارت الدنيا مغرب دخلنا للتوقيف كتلهم هذا صديقي مريض محد سمعني كان السجن وصخ والمساجين عيونهم عليه اني خفت ايسولي شي شلون انام ضليت محتار اباوع لصلاح نايم على وجها