اللقيط

الجزء الثالث عشر

نعرف كل طفل من يدخل المتوسطه ايصير تغير هواي بشخصية الفكريه والجسديه ويبدي ينمو من كل النواحي وهنا اتكون الصداقه مع بداية المراهقه
طبعآ الاجواء بعد تغير النظام بالعراق صار انفتاح اقتصادي كبير وتحسن الوضع ودخول التكنلوجيا الرقمية برامج النت والكمبيوتر  وصار الطفل او شاب يعرف كل خبر او كل ما يدور من حوله في هذا المجتمع .....
من دخل لطيف للصف الاول متوسط كان الاول ٣ شعب لطيف صار بالشعبه ب وكان اغلب الطلاب ايعرفونه لهذا محد يكعد يمه اله الي ما ايعرفه هو يسمع انواع الكلام بالمدرسه ومن يرجع للبيت يسمع كلام كريمه وغلطها وضلمها هو جوعان يعني عايش بقصر كبير بس ما يكدر ياكل بكيفه ما هذا الضلم والجرم الي يتعرض اله هذا الطفل المسكين
هو يغسل ملابسه ويرجع يقرأ وصار الكتاب هو الصديق الوحيد في حياته...
كما قال الشاعر (( خير جليسآ في الزمان كتاب))
الكتاب هو الصديق الصدوق لهذا الطفل  الجميل للغايه الوجه الحسن
مرت الايام اجه طالب نقل للمدرسه اسمه قيس هذا قيس   من المنطقه بس كان بغير مدرسه او بغير محافظه لن كانو  شايلين ورجعو الى اصلهم
دخل قيس للصف وكل الرحلات بيه طلاب  اله رحلته لطيف كعد يمه وتعرفو على بعض
ومن دك الجرس طلعو يتمشون بالساحه كله انته من منطقتنا ... قيس ..  اي نعم كنا بغداد ساكنين لان ابوي يشتغل هناك وهسه اجينه لان خلص الشغل واريد يستقر يمه اهلنا
قيس...  انته ابن حجي علي مو اعرفه ابوك صديق جدي
لطيف .... يعني جدك يعرف ابويه
قيس .... ابوك تاجر جبير وكله تعرفه
وبدا قيس ولطيف اتصير صداقه بينهم بالمدرسه لان قيس كلش تعلق بصديقه الجديد  ولطيف اول صديق اله
وبدأ يجي عليه للبيت يقرون سوه ولطيف ما يكدر يطلع
بس تعامل ونظرات المدرسين غريبه على لطيف لان ايعرفون قصه ويكشون منه رغم شطاراته وتفوقه بس ما ايحصل التعامل اللاق منهم
ونفس الوقت يسمع كلام الطلاب عليه
الى اكو ٢ من الطلاب الثالث شويه كبار وراسبين بالصف دائمأ ايحاولون يتقربون لطيف بس يبتعد عنهم
لان يعرف نيتهم مو خاليه ولاسليمه وفعلآ بدو يتحرشون بالطيف ولطيف يهرب من هلشي المن يشتكي
فيوم من الايام رجع لطيف حال من المدرسه وحده والشارع خالي وهمه اجو وراه  وكامو ايركضون عليه
هنا لطيف جسمه ضيفه وهما كبار وبدأ ايدافع عن نفسه وما استسلم الهم وكدر ايخلص نفسه من اولاد الشوارع عديمين الخلقه والاخلاق  هؤلاء سببها تسيب الاهل وعدم التربيه الحسه ذوله هم تحسبهم ولد حلال الحلال ليس فقط في الفراش لازم المال والتربيه الحلال ... هسه من الافضل هذا الطفل الي يطلقون عليه ابن حرام... وذوله اولاد حلال!!!
رجع لطيف للبيت كلش خايف ورجع لكاه ما مسويه غده والحجي ما موجود خطيه ضل جوعان ودخل للغرفه وضل يبجي من الجوع ومن الخوف ولزم كتابه وضل يقرأ الى نام ولما صار الليل اجه الحجي وكعدو سوه وجابو الاكل وبدو ياكلون وكريمه بدأت تحجي عليه كدام الحجي هيج سوه بيه وهيج يغلط وهيج
والحجي ضل يحجي عليه
ولطيف ساكت ومدنك وكملو العشى الحجي راح لغرفه
ولطيف حاجه كريمه ... ليش متخافين لله شمسوي بيج انه
كريميه ..... انه ما اطيقك نفسي تلعب منك اصلن حرام وجودك بيتي
لطيف .... شكرآ الك رجع لغرفته وضل يقرأ
وبدأت امتحانات نصف السنه وبدأ قيس يجي على لطيف ويقرون سوة وطلع لطيف درجات كامله بكل المواد اما قيس كان با ٧٠ يعني متوسط
ولما قيس عرف بسالفت لطيف ضل ايفكر حتى لو هو هيج شنو ذنبه هو  صديقي ويحترمني ولا يكذب وكلامه حلو معلومات عنده اكول ليش هيج الطلاب ايكشون من عنده بس هو صابر وقوي على كل هذا العيار والحجي
ومن بدأ الدوام ومرت ايام لطيف وحده بالساعه ودك الجرس رجع للصف اجه الاستاذ اليوم عدكم درس شاغر اطلعو للساحه
اجه قيس لطيف عندي موضوع وياك
لطيف .... اي كول
قيس ...  اي صار وياكم ٤ اشهر بالصف واشوف تعامل الطلاب وياك واسمع الحجي عنك
لطيف .... تغير لونه ... شنو تسمع عني
قيس.... انو انته مو ابن الحجي انو هو لاكيك ورباك
لطيف ... دنك وسكت وصارت الدمعه بعينه
قيس.... اسف انه ولله مكان قصدي اجرحك بس كتلك الي بكلبي
لطيف ..... خله ومشه راح كعده وحده
قيس... انه سويت ليش هيج جرحت الولد ولله حرام
بس قيس  اهله ما ايقبلون عليه يمشي وي لطيف  لان ابن حرام  وايخافون على ابنهم منه بس قيس ماترك صديقه كملو الاول ونعفى لطيف بكل المواد وقيس نجح بس نجاح
وبدأت العطله الصيفيه ولطيف بس يطلع للشارع يوكف بالباب ويرجع يكتب مذكرات او يلعب على الحاسبه لان كلش ذكي وصار بعد بينه وبين الحجي وحتى من تجي هاجر صارت ما اتلحك رغم ما تبجي دم عليه بس صارت عندها مسؤليات وبيت ومفارغه لطيف المسكين
وحجي علي بدأ يتعب بس خيره كثير ويزاد وصار قليل التواجد بالبيت يركض ورى فلوسه بس هو مأمن على الطيف عند كريمه بس كريمه وحده لا ذمه ولا ضمير  حرامته حتى من الاكل  ومصرف ما تنطي لان صار كلشي بيدها اتبوك بفلوس الحجي وادز لولدها وحجي علي ما يعرف بيها
مرت الايام وبدأ العام الدراسي الجديد ورجع قيس لطيف وعتذر منه ورجعو اصدقاء
بس بدأ حجي علي يتمرض وصار ميكدر وبدأ الخوف صار بكلب لطيف لان اذا مات الحجي وين اروح
سبحانك ربي  اليك المشتكى واليك المهرب
اذا مات الحجي ايضيع الطفل
بس ضلم كريمه ما ينسكت عليه مهما كان الضلم ممنوع حتى للحيوان كيف بشر ولحم ودم اذا ما كان الدين الإسلامي  اكو انسانيه رحمه وشفقه بس قلبه صخر هي بهيمه تضلم طفل لا حوله ولا قوة الى بالله ان الظالم عقابه عسير جدآ يوم القيامه