السلام عليكم ورحمة لله وبركاته
بقلم الكاتب
احمد الخفاجي
_________________________________________
طلعو عمو ابو حازم وصلاح من مركز الشرطه وعافوني وكالو انشاء لله نرجعلك بالليل ونجيب الگ عشه آني كتلهم براحتكم رجعو الفندق وكعدو وايفكرون بشي
عمووو ابو حازم ..... هسه شلون اخلص لطيف من السجن
صلاح .... عمي هذا عامر يدفع رشاوي للشرطه في سبيل يتلاعب بالحكم
ابو حازم..... بس لازم نفكر بشغله نضغط بيها على عامر انخلي ما يكدر ايفكر
صلاح.... عمي آني الي اعرفه من لطيف انو ابوه حجي علي من مات قسم الورث او اوصى انو لطيف اله حق بالميراث حاله حال أولاد الحجي بس عامر أخذ لطيف عنده حاول ايقتله والى الآن هو ايريد ايقتله وانته تعرف الي صار بيه من زوجة عامر
ابوحازم .........يعني حق لطيف بالورث عند عامر هو الي اكل حقه
صلاح .... اي بس شلون لطيف يضغط على عامر بهذا الشي
ابوحازم ... من انروح ناخذ عشى لطيف اجيب محامي ويانه ونشرحله القضيه امام لطيف وهو راح يرفع دعوة قضائية بحق عامر وراح تتوقف جميع املاكه
صلاح... بس هذا يكدر ايجيب أقوى محامي ويرشي القضاة وهسه ماكو دوله قويه تحمي الانسان الضعيف
ابو حازم ..... لا ربگ مع الحق مهما ان تكاثر اهل الباطل لازم الحق سوف ينتصر
صلاح .... تعرف محمامي شاطر وشجاع وشكد ما ايريد فلوس ندفعله
ابوحازم ... اي اعرف واحد اسمه كامل بري محامي شاطر جدآ
صلاح .... يمته انروح عليه وخلي نشرحله القضيه بكل التفاصيل وايصير عنده خلفيه عن الموضوع
ابو حازم .... فد ساعه ونروح عليه آني اندل المكتب مالته على ما يجي واحد من الولد بمكاني بالفندق
صلاح وعمو ابوحازم راحو الي مكتب المحامي كامل بري
كامل بري ... اهلا وسهلا تفضلو شنو قضيتكم
ابوحازم .... استاذ كامل انته محامي شاطر ونعرفك متخاف وهذه قضيه صعبه وانريدك اساعدنه بيه
المحامي كامل بري .... أول شي آني غالي وأريد فلوس قبل ما انسولف بالقضيه
ابوحازم .... كلشي سهل بس انريد تخلصنه القضيه
المحامي كامل بري .... اشرحولي القضيه وانشاء لله خير
ابوحازم .... اكو شاب طالب اعداديه اسمه لطيف علي اخو الجبير ما اخذ حصته من الميراث وطردة وحاول ايقتله اكثر من مرة وحاليآ الشاب بالسجن لان اجو اخذوه من المدرسه بتهمة حرگ المجمع مال اخو
أنت تقرأ
اللقيط
General Fictionهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
