بعد ما كملت الخطه الي حظرنها البنات الي الخلاص من الطفل او خطفه الى جها مجهوله
صار الليل وهاجر سوت نفسها مريضه وما تكدر تروح للدوام وكلت لمها بهذا الشي اني ما اكدر اداوم باجر
الام صار عندها علم با هاجر مراح اداوم
اجت هاجر للفراش صارت الساعه ١ باليل وهي ما تكدر اتنام وضلت اتفكر بالها اخون ابوي وامي واربح البنات
هو اني اصلن خاسره ابويه ونخلص من الطفل وارجع ابويه واخلصه من العار
شنو العار ... اوف ما ادري شبيه ليش هيج اني افكر
قابل بشي مهم هو شي حرام واصلن قذر ولازم نخلص منه مهما كانت الاسباب
زين!!!! شلون اذا انكشفت ..... منو ايخلصني من ابوي واحتمال اخسر دارستي بس مسويت شي
هسه شسوي ...... حيرة ومحتارة ولازم اتخذ قرار بسرعه.... اوف ... كعدت وباوعت على المراية وشافت نفسها ..... اي شنو الحل .....اي لازم نخلص من الحرام ونظف البيت ... وقررت ونامت نوم عميق جدآ
والثانيه سارة كولش فرحانه والليل ما نامت من الفرح لان راح تخلص من الطفل والطفل مضارها بشي بس ليش هل عداوه الي بداخله على هذا الطفل
حسين سئله اليوم فرحان شبيج
سارة... حبي مليت دووم ضوجه اضحك للدنيا تضحكلك وسعدك
حسين .... اوف يابه هو منو يكدر يضحك للدنيا شنو بس تعب وضيم
سارة .... لا اني اظحك للدنيا وطز بالحياه
حسين .... لازم سامعه شي مفرح من اهلج او شي
سارة ... لاولله حبي كلشي ماكو اليوم فرحانه بس ما اعرف ليش
حسين .... لله ايديم الفرحه يلا حبيبتي نعست تصبحين على خير
سارة ... وانه بالف خير
نام حسين وهي هم نامت ومنتظره الصبح على احر من الجمر
........
من اجه الحجي باليل كا العاده ايشوف الطفل ويصلي ويتعشه يطلع واجب او مشيه او ايتعلل يم الشياب ويرجع
رجع حجي علي لكه الحجيه اترضع بالطفل حليب كال الها
كواج لله ام عامر تعبتج بهل طفل
كوه حيلك .... لاولله تعبك راحه حجي وانه بعد صار ابني
الحجي..... حجيه انطيني ايه خلي اشمه وابوسه واحظنه وشافه يلعب ومرتاح وحظنه احس نفسي كلش مشتاقله
الحجيه ... اوليدك هذا الله ايديمك علينه خيمه وايحفظك النه
الحجي..... ام عامر تعرفين بيه انه حالتي تحسنت وصار عندي فلوس وبديت اشتري قطع بالسوك واشتريت بويت وصار رزقي زايد لأجل عين هل طفل هذا
الحجيه....
الله ايرزقك وايديم النعمه عليك
الحجي .... خاف اموت لطيف اله ورث حاله حال ولدي واني لازم اشهدين بهذا الشي
الحجيه ... من عمري على عمرك حجي
الحجي... بس انه كلبي لاعبيني احس اكو خطر على وليدي لطيف
الحجيه... كول يالله حجيه محد ايسمه لان قبلو بالامر الواقع ونسو الشغل وكلمن ملتهي بروحه
الحجي... اي هز محد ايمسه بس اني ما مرتاح ولله كلبي يلعب وما ادري شيصير
الحجيه .... حجي الكاتبه ربك ايصير وامر الله ما منه مهروب نام حجي والله كريم
ولما صار الصبح حسين يطلع من وقت
والبقيه على سفرة الريوك الحجي كاعد يتريك والحجيه يمه
اجت سكينه ... صباح الخير الكلت شويه وراحت للدوام
اجه عبدلله ... صبحكم لله بالخير ... شلونك حجي
الحجي .... صبحك لله بالخير .. شلونك بالدراسه
عبدلله ولله تمام
الحجي ... اريد ذكي وشاطر واريد اخلاقك عاليه العلم ما يسوه شي اذا ما بي ادب واخلاق والمدارس اتربي وتعلم واريد ارفع راسي بيك يا ابني
عبدلله ... حاضر حجي .. وكمل ريوكه وراح
سارة ترضع باابنها
الحجي هاجر وينه
الحجيه مريضه اليوم ماتكدر اداوم
الحجي ... خير شبيها
الحجيه .... تكول حرارة مرتفعه
الحجي ...ليش ما حجيي ما اخذيها للطبيب
الحجيه ... معليك بيها شويه اتصير زينه
الحجي .... انه اتوكل على لله لان راح ابسط بالمحل
بدل وكمل وراح الحجي
رجعت الحجيه للغرفه اتنيم الطفل
واجت سارة ل هاجر ... دكت الغرفه
منو سارة ادخلي
سارة صباح الخير... هلا بيج البارحه متت من التفكير بالموضوع
سارة ... لاتفكرين ولا اتخافين منو ايحس بينا
هاجر ... روحي ادخلي على امي كوليها اخذ هاجر للمستوصف
سارة ..... اوك رايحه
لما وصلت ... صباح الخير عمه
الحجيه ...هل يمه هل ساره
سارة ... عمه اليوم اخذ هاجر للمستوصف الساعه ب ٩ انروح
الحجيه... اي اخذيه خطيه بس اول شي كملي شغلك
سارة... صار عمه اتؤمرين امر
رجعت ساره لهاجر ...
هاجر.... هااا ولج
سارة... كولتلها وافقت
هاجر ..... المنوم عندج
سارة .... اي موجود
هاجر ...هسه بيش الساعه
سارة... هسه ب ٨ بعد ساعه اله انروح بلدي وكملي وادخلي على امك
بدلت هاجر ولما صارت الساعه ب ٩ اله ربع اجت دخلت على امها
هاجر... شلونج ماما
الحجيه..... هلا بيج يمه شلون صرتي
هاجر .... البارحه الليل كوله ما نمت من الصخونه حيل تعبت
الحجيه ... ب ٩ انتي وسارة روحن للمستوصف بس مو تتأخرآ
هاجر .... صار ماما
وخلت ساره وجايبه جاي للحجيه ومخليه بي حبايت منوم
يا عمه احنى راح انروح
الحجي ما اتدري كبل شربت الجاي
حست بنعاس راح تغسله وجه شبيه اني احس نفسي نعست
وهي مره جبيرة ومتعرف سوالف المنوم وهيج شغلات
نامت الحجيه
هاجر وسارة لما وصلن مسافه رجع اخذن الطفل لبيت سميه زوجت عامر ولكن لميعه وسميه على احر من الجمر ... سميه ... هاااا تأخرتن
سارة ... شنسوي الشغله صعبه كولش مو بالسهوله
هاجر... بجت ...
لميعه.... لا تبجين يلا روحن ما انريد انشوفج بس شرط اساسي لا تكعدن الحجي لمن تجي سميه
لما لميعه وسميه استلمن الطفل من البنات غيرن ملابسه واخذه وجرآ تكسي غريبه مو من المنطقه لكي محد يكشفهن
وصلن غير منطقه ونزل وراح مشي وي الشط وعافن الطفل واجنآ اذا ما ايموت من الجوع تأكله الكلاب
ورجع وصلن للشارع العام ورجعن للمنطقه
مشن هاجر وسارة وفعلآ وصلن للمستوصف واخذآ باص واخذن علاج بسيط لان محد ايحس بيهن
وب ١٠ ونص رجعن ومرن على سميه وتأكدن منه موجوده وتالي رجعن للبيت لكن الحجيه نايمه
كعدنها...
هاجر ... يمه اكعد شبيج
كعدت الحجيه
سارة .... عمه شبيج نايمه
الحجيه ... بيش الساعه
هاجر يا ساعه....ب ١٠ ونص بس الطفل وين
الحجيه... هااا يمه ابني انباك
وصار الصياح والبجي من سمعت سميه اجت كبل للبيت وكامت اصيح وياهن
والتمت الجيران ودزو على الحجي للسوك واجه الحجي وصابه الذهول من سمع للطفل انباك وضل يلطم على راسه وطاح الحجي والمنطقه ادور على الطفل واجه عبدلله من المدرسه وانصدم من شاف ابوه تعبان وايصيح راح ابني والحجيه مغمي عليه
صاح الحجي ليش ام عامر وين وديتي الطفل اخ ابني اخ
ورجع حسين وعامر وحتى لميعه وكوثر والكل اجه من الاقارب ... وبلغو المركز الشرطه على الطفل الضايع
بس الناس مصدومه على حال حجي علي هذا الانسان القوي هيج ايصير بي
والناس اتكول هو طفل لقيط ماكو داعي لهيج فعاليه
وما بين هذا وذاك شامت وضاحك والحجي لا اكل ولاشرب
ومرت ليله حزينه على بيت حجي علي بسبب كيد النساء ومكرهن
يا هل ترى هل يجدون الطفل ام لا ا
لنعرف ذالك في الجزء القادم
مع تحيات احمد الخفاجي
حسابي انستا zoi.93
أنت تقرأ
اللقيط
Ficção Geralهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
