السلام عليكم ورحمة الله وبركاته
وياكم الكاتب احمد الخفاجي
اتمنى منكم التصويت على هذا الجزء
وكل خطأ بالكلمات او طريقة السرد ما تجعجبكم اتمنى ان اتنبهوني رجآ
عند اهم شي ان القصه تنال اعجابكم
كل كلمة قالها صلاح ضلت بعقل لطيف الليل كله ايفكر بيها وشلون يكدر ايواجه عامر واذا راح وين ايروح وشنو ايسوي واذا مقبل عامر وشنو ردة فعله وخلص الليل ولطيف يتكلب على الافراش لحد ما طلع الفجر كعدو العمال وصلوو وتريكو وبلشو ترتيب وتصفيط يعني كل واحد راح لشغله ولطيف راح لشغله بس خايف وصلاح مركز على لطيف ويشاهد كميه الحرب النفسيه والوهم الي بداخله
صاح صلاح لطيف ... تعال
ها شبيك بعدك تفكر
لطيف.... صلاح انه افكر بنقطه حرجه من حياتي ممكن انجح او فشل او ادخل بغير طريق واخوض عدة حروب حرب وي المجتمع او ويه العائله او ويه نفسي
وكل حرب خسار بيه
صلاح ... هسه انته ابدي اول معركه حتى لو خسرت بس انته دخلت طريق بي تربح نفسك مهما كان الطريق صعب انته الي تمشي وحدك محد يكدر ايخلص نفسك غير ارادتك وتصميمك لان الفشل بداية نجاح
بعد شويه يجي عامر وطكها بوجها ولتخاف
هسه انروح للغرفه نرتاح ونصلي ونتغده
العصر اجه عامر وشاف الارباح وجيك الاحساب وصاح جيبولي جاي ودخن والناس تسوك ومرتاح عامر على الاموال الي صارت عنده
صلاح اجه كعد يم عامر يتناقشون بخصوص البيع وشنو النواقص الي بالمجمع
فا صلاح صارت عينه على لطيف
صلاح بينه وبين نفسه كون ايطك بوجه هذا الظالم وايسوي لنفسه شخصيه وكرامه
بس لطيف كل ما ينظر اله صلاح ايدنك
بس لطيف بينه وبين نفسه اروح احجي وي عامر لو اخذ ملابسي واشرد هو انه هنا شنو مستفتاد
ها لا ما احجي خاف تتطور وتصير مشكله كارثيه
اندار عامر على لطيف تعال لك جيبلي مي
جابله
عامر... لك قشمر اشوفك منزعج شال ايده عامر ضربه راشدي
لطيف.... لهنا وكافي بعد ما الي مكان وياك ياظالم اكل حقي وهسه تظلم بيه
عامر.... صار الك السان يا ابن حرام وكمت تحجي كمشه من راسه وضرب بالارض على وجها ما لك اي حق زين مني موكلك ومشربك عندي وتريد حق لقيط
كل العمال تسمعه هذا لقيط وابن حرام وهذه قضيته ما اريد احد ايئمن اله ويثق بي
لطيف نزف خشمه دم واخذه صلاح غسل وجه ونام بالغرفه
رجع عامر كب العمال تسمع اذا شرد احملكم المسؤليه
عينكم عليه ما اريده يطلع فهمتم
صلاح ضل صاف لا ياخذ ولا ينطي بينه وبين نفسه انه ليش ورطته هذا عامر هو الابن الحراك مو لطيف هذا المراهق الصغير الي جماله وكلامه وذكائه تسوه عامر وعشيرة بس شسوي هذا عامر لايرحم ولا بقلبه ذرة دين ولا رحمه
عندما صار الليل وعزلو رجعو للعشه ولطيف بالغرفه ايصيح من الالم اجه صلاح يا لطيف تعال سوينه عشه
لطيف ... ما اشتهي ومالي نفس
صلاح .... تعال انته جوعان ونزفت دم لعد اني اجيب الاكل وناكل اني وياكم
كعد لطيف وخلو الاكل كدامهم
صلاح.... اسف لطيف الاصار بيك سببه انه خليتك تحجي وهذا مجرم وماعنده ضمير ولا انسانيه
لطيف.... انته صحيتني المفروض من كان ابوي الحجي عدل اني احجي لان زوجته كريمه دمرتني دمار عشت جوع وضيم وايام سوده رغم ما كان ابوي عدل بس اخاف احجي اخاف اطلع الي بكلبي بس اني كنت نايم وما ادري شنو من ظلم عايشه خليتني اعرف لنفسي قيمه مهما كان اليه كيان
صلاح.... يعني انته ما زعلان مني
لطيف... ليش ازعل انته علمتني الشجاعه والمطالبه بحقي علمتني اواجه المشاكل ولازم اتغلب عليها
صلاح ... بس هو منعك من الخروج خارج المجمع وايخاف تشرد واذا شردت ايحملنا المسؤليه
لطيف..... صح انه ما اريد اضركم بس لكل حادث حديث انه شبعت راح اشغل التفلزيون
صلاح .. اي الولد منتظرين العبه
ومن رجع عامر للبيت وكال لزوجته سميه اليوم ابن الحرام طلع اللسان عليه شطوله
سميه.. صاير عنده السان
عامر... لج اليوم ايريد حقه او ايريد يطلع ولغير مكان وانو كره العيشه وينا
سميه... يمعود لتخلي يطلع خاف يشتكي وتجرجر بالمحاكم وحق الورثه وما اعرف شنو وانته تجارتك ودوامك وتشبع ضيم
عامر... هاااا صدك نبهتيني بس جنسيته عندي بس ما يكدر ايروح الاي مكان وانه حذرت العمال
بس شغلة يشتكي ما مخليها ابالي
سميه ....هذا ابن حرام تفكيرة دقيق ونذل وكل شي ايسوي ويكلك اخذ ملاين واحنى ناس من اهل لله
عامر....زي شنو اسويله مو راح يجي الدوام وتخلص العطله الصيفيه وايضل ايطالب انه ايداوم
والصراحه تعود على البسط والضرب مو مثل قبل ميخاف صاير...
سميه.... هو معنده فلوس بس مستحيل اتخلي ايداوم بالمدرسه الاعدادية
عامر.. انه خايف منه ايسولي مشاكل لو يحرك المجمع وانه ملكيتي كلها بي فلوسي وكل ما املك
سميه ..... خاف يتمرد ازياده اذا مداوم
عامر ... هي هذه المشكله
سميه .... شنو رايك اسجنه بالغرفه وتخلص من شره
عامر... يمعودة سنه سنتين خاف انكشف لو واحد من العمال يشتكي عليه
سميه... احسن حل اقتله واخلص منه
عامر... قتل لا مستحيل خاف انسجن وانه اخاف على ملكيتي ودم بركبتي
سميه.... هذا ابن حرام ودمه هدر شبيك خايف
عامر...شلون اقتل اول شي جيبه للبيت خاف ايحسون بيك العمال اربط رجليه وادي وعصب عيونه وخلي بالجنطه مالته السيارة وجيبه واخذه للشط واشمره وايموت وتخلص منه ومن شره اذا ضل وياك ايدمر حياتك وانته بكيفم
عامر... اي صح خوش خطه بس خلي يبدي الدوام ولازم احسن علاقتي وياه وانطي يوميه واخلي يشتري ملابسه وماكو ضرب وايداوم اسبوعين او ثلاثة اسابيع
وتالي بطريق المدرسه واصعده ونفذ الخطه
سميه.... فعلآ طلعت اذكى مني يا حبي اي غير اسلوبك وكلشي سهل
هذه سميه ما اتفكر بس بقتل هذا الشاب الصغير حاولت من قبل بس مكدرت وهسه وصلت مره اخرى للقتل بس المنفذ عامر زوجها بس هل راح اينجحون بهذا للخطه لولا
عامر اجه للمجمع وصاح لطيف وكاله اعتذر منك وهذه كم فلس مصرف الك تكدر تطلع براحتك للسوك وتشتري اي شي الي بالك وانه موجود كلشي تحتاج
وتسمع صلاح... لطيف يوميته يستلمها
الكل ضل متفاجئ من كلام عامر لان متغير من لطيف وصار زين وياه
لطيف ضل صافن ومتفاجئ ومستغرب على الي ايصير
وياه من عامر من الضرب والضيم صار ينطي فلوس ويسمحله يطلع براحته وحتى ضغط بالشغل ماكو
صلاح اجه الى لطيف ها شفت شلون كلامك خله عامر يتغير وشتريد بعد راح ترجع للاعداديه
لطيف ... شكرآ الك على كلشي
باجر اشتري ملابس لان الدوام بعده كم يوم واسجل بالاعداديه القريبه علينا
راح نام ولطيف فرحان كلش وكعد الصبح راح اشترى ملابس وحلق شعره من رجع للعمال ما عرفوه من جماله والولد ايخبل وابيض والعيون خضر
ومن شافه عامر تفاجئ من شكله لان ما منتبهله
وبعد كم يوم لطيف ايسجل بالاعداديه صف رابع
انشوف شنو من احداث راح اتصير وياه بالجزء القادم
أنت تقرأ
اللقيط
Aktuelle Literaturهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
