السلام عليكم ورحمة الله وبركاته
الكاتب احمد الخفاجي
ahmed_93iq
بقلمي
✍
☆☆☆☆☆☆☆☆☆☆☆☆☆☆☆☆
يقال ان الشيطان تجسد على شكل امرأه
يقال ان الدنيا كانت فتاة شديدة الجمال
صلاح كان خائف جدآ ايحس انه راح يوكع بمصيبه او مشكله كبيرة
كانت سميه تمشي كدام صلاح
وقالت اذا ما تمشي وراي اله اصيح
واجمع العالم عليك واخليك عبرة لمن اعتبر
صلاح ضل ما يعرف شنو ايسوي ولا يكدر يحجي ولا يكدر يشرد
الى ان دخلو بيت مهجور يعني خرابه
صلاح كان ايكول بينه وبين نفسه اكيد هذه تريد نوم وهو كلش محتار ولا يعرف يصرف
هي رفعت البوشيه عن وجها
سميه .. انه تعرفني
صلاح ... اي شايفك هواي مرات جايه للفرن
سميه.. اي صح بس انته ما تعرف اسمي ومن اكون ولا عنواني ولا اي شي عني
صلاح... اني كل هذا ميهمني انتي شنو اتريدين مني لان الصراحه اني خايف جدآ لان مكان مهجور وخاف احد ايشوفنه ويشكول
سميه... ايكول الي الي يكوله حبيب وحبيبته ملتقين شنو العيب بالموضوع
صلاح ... انتي شبيج اول شي اني مزوج وانتي مبين عليج مرة جبيرة مو مال حب وهيج شغلات مال ناس عزاب واصغار بالعمر
سميه... تعرف شنو اني من امتلك شخص اني امتلكك واتحكم بكل تفاصيل حياتك مهما تكون منو شنو انته ابيعك واشتريك فهمت لو لا
صلاح... اختي انتي مرة جبيرة وعدلي كلامك وياي !!! انتي شنو الي تريدي مني لا تكولين حب وهي الشغلات اني لا اعرفك ولا تعرفيني ولاتخليني هنا اضربك وخلي شيصير ايصير
سميه ... افتهم اني اندل بيتكم وادري بيك مزوج وتكلم بأدب لا اخليك تندم واذا انته زلمه تعال اضرني
صلاح ... لحظه ذوله جماعه يمشون لا تحجين لا تحد يسمعنه ... هس شورطني وياج ليش اجيت... انتي شنو تريدن
سميه .. اني جبتك لهل مكان لشي واحد
صلاح كان خايف شنو راح اتكول بس لا تريد تجبرني على نفسه شلون اشرد منها
صلاح... جبتني لشنو
سميه... اول شي احبك حيل ما تصور شكد
صلاح... وانتي جايبتني على مود اتكوليلي احبك
سميه ... ثاني شي اريد التقي بيك لان ماكو مكان ناخذ راحتنه بي لان اخاف الناس ايعرفوني
صلاح .... ليش انتي منو وانتي مره جبيرة وعمرك بالاربعين
سميه ... صح بالاربعين بس احبك ومتعلقه بيك.... ولو اكلك اني منو راح تنصدم وما تعرف تصرف
صلاح..... قابل زوجة ضابط لو وزيز لو محافظ
سميه... اني زوجة عامر الي كنت تشتغل عنده
صلاح..... شنوووووو عامر اخو لطيف
سميه .... عامر التاجر لو نسيته اكيد تعرفه
صلاح.... هاي شنو ... انتي منو دازك عليه وليش اني جايتني من دون كل العالم
سميه ... تعرف الولايه ولايتنه وعدنا املاك بطرف عينه عامر ايظيعك اسمع شنو اريد منك
صلاح... انه لازم امشي بعد ما اتحمل كلاملج
أنت تقرأ
اللقيط
Fiction généraleهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
